Udupi: ಜಾಗತಿಕ ದೃಷ್ಟಿ , ಸ್ಥಳೀಯ ಸಂವೇದನೆ ಆರ್ಥಿಕ ಶಕ್ತಿ ಮೂಲ: ಸುರೇಶ್‌ ಪ್ರಭು

Team Udayavani, Aug 11, 2024, 6:20 AM IST

ಉಡುಪಿ: ಜಾಗತಿಕ ದೃಷ್ಟಿ ಯ ಜತೆಗೆ ಸ್ಥಳೀಯ ಸಂಪರ್ಕ ಸಂವೇ ದನೆ (ಗ್ಲೋಬಲ್‌ ವಿಷನ್‌ ವಿತ್‌ ಲೋಕಲ್‌ ಕನೆಕ್ಷನ್‌) ಇದ್ದಾಗ ಮಾತ್ರ ಭವ್ಯವಾದ ಆರ್ಥಿಕ ವ್ಯವಸ್ಥೆ ಕಟ್ಟಲು ಸಾಧ್ಯ. ಈ ನಿಟ್ಟಿ ನಲ್ಲಿ ಮಹಾಲಕ್ಷ್ಮೀ ಕೋ ಆಪರೇಟಿವ್‌ ಬ್ಯಾಂಕ್‌ ಸಮರ್ಥವಾದ ಹೆಜ್ಜೆ ಇಟ್ಟಿದೆ ಎಂದು ಕೇಂದ್ರ ಮಾಜಿ ಸಚಿವ ಮತ್ತು ರಾಷ್ಟ್ರೀಯ ಹೊಸ ಸಹ ಕಾರಿ ನೀತಿಯ ಅಧ್ಯಕ್ಷ ಸುರೇಶ್‌ ಪ್ರಭು ಹೇಳಿದರು.

ಮಹಾಲಕ್ಷ್ಮೀ ಕೋ-ಆಪರೇಟಿವ್‌ ಬ್ಯಾಂಕ್‌ ಡಿಜಿಟಲ್‌ ಬ್ಯಾಂಕಿಂಗ್‌ ವ್ಯವಸ್ಥೆ ಯನ್ನು ಶನಿವಾರ ಅಂಬಲಪಾಡಿಯ ಶ್ಯಾಮಿಲಿ ಸಭಾಂಗಣದಲ್ಲಿ ಜರಗಿದ ಕಾರ್ಯಕ್ರಮದಲ್ಲಿ ಉದ್ಘಾಟಿಸಿ ಅವರು ಮಾತನಾಡಿದರು. ಮೀನುಗಾರರು ದೇಶದ ಬೆನ್ನೆಲುಬು. ಮೀನುಗಾರರ ಬದುಕು ಸುಧಾ ರಿಸಿ ದಂತೆ ಮೀನುಗಾರಿಕೆ ವಲಯದ ಜತೆಗೆ ಆರ್ಥಿಕತೆಯೂ ಸುಧಾರಣೆಯ ಹಾದಿ ಯಲ್ಲಿ ಸಾಗಲಿದೆ. ಹಾಗಾಗಿ ಸರಕಾರ ಗಳು ಕರಾವಳಿ ಭಾಗವನ್ನು ಆದ್ಯತಾ ವಲಯವಾಗಿ ಪರಿಗಣಿಸಬೇಕು. ಸ್ಥಳೀಯ ಸಂವೇದನೆಯ ಜತೆಜಾಗತಿಕ ಅಭಿವೃದ್ಧಿ ದೃಷ್ಟಿಕೋನ ಇರಬೇಕು ಎಂದರು.

ಬ್ಯಾಂಕ್‌ಗಳಿಗೆ ಡಿಜಿಟಲ್‌ ವ್ಯವಸ್ಥೆ ಇಂದು ಅತಿ ಮುಖ್ಯ. ಮಹಾಲಕ್ಷ್ಮೀ ಕೋ-ಆಪ್‌ ಬ್ಯಾಂಕ್‌ ಕೂಡ ಎಸ್‌ಬಿಐ, ಐಸಿಐಸಿಐ ಬ್ಯಾಂಕ್‌ನ‌ಂತೆ ಬೆಳೆಯುತ್ತಿದೆ. ಬ್ಯಾಂಕಿನ ಅಭಿವೃದ್ಧಿಗೆ ಗ್ರಾಹಕ ಸ್ನೇಹಿ ಇಕೋಸಿಸ್ಟಮ್‌ ಅತಿ ಮುಖ್ಯ ಎಂದರು.
ಜಿ. ಶಂಕರ್‌ ಫ್ಯಾಮಿಲಿ ಟ್ರಸ್ಟ್‌ನ ಪ್ರವರ್ತಕ ಡಾ| ಜಿ. ಶಂಕರ್‌ ಅವರು ಮಾತನಾಡಿ, ಡಿಜಿಟಲ್‌ ಬ್ಯಾಂಕಿಂಗ್‌ ವ್ಯವಸ್ಥೆ ಪ್ರಸ್ತುತ ಅತಿ ಆವಶ್ಯಕ. ಆಧುನಿಕತೆಗೆ ತಕ್ಕಂತೆ ಸೌಲಭ್ಯವೂ ಉನ್ನತೀಕರಿಸಬೇಕು. ಈ ನಿಟ್ಟಿನಲ್ಲಿ ಮಹಾಲಕ್ಷ್ಮೀ ಕೋ-ಆಪ್‌ ಬ್ಯಾಂಕ್‌ ಗ್ರಾಹಕರಿಗೆ ಇನ್ನಷ್ಟು ಉತ್ಕೃಷ್ಟ ಸೇವೆ ನೀಡಲಿ ಎಂದು ಶುಭ ಹಾರೈಸಿದರು.

ಸಂಸದ ಕೋಟ ಶ್ರೀನಿವಾಸ ಪೂಜಾರಿ ಶುಭ ಹಾರೈಸಿದರು. ಮಾಜಿ ಸಚಿವ ಪ್ರಮೋದ್‌ ಮಧ್ವರಾಜ್‌, ಸಹಕಾರಿ ಯೂನಿಯನ್‌ ಜಿಲ್ಲಾಧ್ಯಕ್ಷ ಜಯಕರ ಶೆಟ್ಟಿ ಇಂದ್ರಾಳಿ, ಮಂಗಳೂರಿನ ರೋಹನ್‌ ಕಾರ್ಪೊರೇಶನ್‌ ಮುಖ್ಯಸ್ಥ ರೋಹನ್‌ ಮೊಂತೇರೊ, ದ.ಕ. ಮೊಗವೀರ ಮಹಾಜನ ಸಂಘದ ಅಧ್ಯಕ್ಷ ಜಯ ಸಿ. ಕೋಟ್ಯಾನ್‌, ಮಲ್ಪೆ ಮೀನುಗಾರರ ಸಂಘದ ಅಧ್ಯಕ್ಷ ದಯಾನಂದ ಕೆ. ಸುವರ್ಣ, ಉದ್ಯಮಿಗಳಾದ ಆನಂದ ಪಿ. ಸುವರ್ಣ, ಮೋಹನ್‌ ಬೇಂಗ್ರೆ, ಉಜ್ವಲ್‌ ಡೆವಲಪರ್ನ ಎಂಡಿ ಪುರು ಷೋತ್ತಮ ಶೆಟ್ಟಿ, ಬ್ಯಾಂಕಿನ ಉಪಾಧ್ಯಕ್ಷ ವಾಸುದೇವ ಪಿ. ಸಾಲ್ಯಾನ್‌, ಸುರೇಶ್‌ ಪ್ರಭು ಅವರ ಪತ್ನಿ ಉಮಾ ಸುರೇಶ್‌ ಪ್ರಭು ಉಪಸ್ಥಿತರಿದ್ದರು.
ಇದೇ ವೇಳೆ ಡಿಜಿಟಲ್‌ ಬ್ಯಾಂಕಿಂಗ್‌ ಸೌಲಭ್ಯ ವಿತರಣೆ ಹಾಗೂ ಡಿಜಿಟಲ್‌ ಬ್ಯಾಂಕಿಂಗ್‌ ವೀಡಿಯೋ ಅನಾವರಣ ನಡೆಯಿತು. ಬ್ಯಾಂಕ್‌ನ ಅಧ್ಯಕ್ಷ, ಶಾಸಕ ಯಶ್‌ಪಾಲ್‌ ಸುವರ್ಣ ಅಧ್ಯಕ್ಷತೆ ವಹಿಸಿ ಸ್ವಾಗತಿಸಿ ಪ್ರಸ್ತಾವಿಸಿದರು. ಎಂಡಿ ಶರತ್‌ ಶೆಟ್ಟಿ ಅತಿಥಿ ಪರಿಚಯ ಮಾಡಿದರು. ಸತೀಶ್ಚಂದ್ರಶೆಟ್ಟಿ ಹಾಗೂ ವಿಜೇತಾ ಶೆಟ್ಟಿ ನಿರೂಪಿಸಿ, ವಂದಿಸಿದರು.