Viral Video: ನಾನು – ಐಶ್ವರ್ಯಾ ವಿಚ್ಚೇದನ ಪಡೆಯಲಿದ್ದೇವೆ….: ಅಭಿಷೇಕ್ ಬಚ್ಚನ್

Team Udayavani, Aug 11, 2024, 9:34 AM IST

ಮುಂಬಯಿ: ಬಾಲಿವುಡ್ ಕಪಲ್ ಅಭಿಷೇಕ್ ಬಚ್ಚನ್ (Abhishek Bachchan) ಹಾಗೂ ಐಶ್ವರ್ಯಾ ರೈ (Aishwarya Rai) ದಾಂಪತ್ಯ ಜೀವನದಲ್ಲಿ ಕಳೆದ ಸಮಯದಲ್ಲಿ ಎಲ್ಲವೂ ಸರಿಯಾಗಿಲ್ಲ ಎನ್ನುವ ಮಾತುಗಳು ಹರಿದಾಡುತ್ತಿದೆ. ಆದರೆ ಈ ಬಗ್ಗೆ ಎಲ್ಲೂ ಅಧಿಕೃತವಾಗಿ ಮಾಹಿತಿ ಹೊರಬಿದ್ದಿಲ್ಲ.

ಐಶ್ವರ್ಯಾ ರೈ ಹಾಗೂ ಅಭಿಷೇಕ್ ಯಾವ ಕಾರ್ಯಕ್ರಮಕ್ಕೆ ಹೋದರು ಮೊದಲು ಜೊತೆಯಾಗಿ ಹೋಗುತ್ತಿದ್ದರು. ಆದರೆ ಇತ್ತೀಚೆಗೆ ವರ್ಷದಲ್ಲಿ ಇಬ್ಬರು ಪ್ರತ್ಯೇಕವಾಗಿ ಕಾರ್ಯಕ್ರಮಗಳಲ್ಲಿ ಭಾಗಿಯಾಗುತ್ತಿದ್ದಾರೆ.

ಅಂಬಾನಿ ಪುತ್ರ ಅನಂತ್ ಹಾಗೂ ರಾಧಿಕಾ ವಿವಾಹ ಕಾರ್ಯಕ್ರಮದಲ್ಲಿ ಅಭಿಷೇಕ್ ಬಚ್ಚನ್ ತನ್ನ ಕುಟುಂಬದ ಜತೆ ಭಾಗಿಯಾಗಿದ್ದರು. ಆದರೆ ಐಶ್ವರ್ಯ ರೈ ಅವರೊಂದಿಗೆ ಬಂದಿರಲಿಲ್ಲ. ಅವರು ತನ್ನ ಮಗಳು ಆರಾಧ್ಯಳ ಜತೆ ಭಾಗಿಯಾಗಿದ್ದರು. ಪ್ರತ್ಯೇಕವಾಗಿ ವಿವಾಹಕ್ಕೆ ಬಂದ ಪರಿಣಾಮ ಅಭಿಷೇಕ್ – ಐಶ್ವರ್ಯ ನಡುವೆ ಏನೋ ಬಿರುಕು ಉಂಟಾಗಿದೆ ಎನ್ನುವ ಮಾತು ಮತ್ತೊಮ್ಮೆ ಮುನ್ನೆಲೆಗೆ ಬಂದಿತ್ತು.

ಇದರ ನಡುವೆ ಅಭಿಷೇಕ್ ಬಚ್ಚನ್ ವಿಚ್ಚೇದನದ ಬಗ್ಗೆ ಹೇಳುವ ಪೋಸ್ಟ್ ವೊಂದನ್ನು ಲೈಕ್ ಮಾಡಿದ್ದು ಕೂಡ ಸುದ್ದಿಯಾಗಿತ್ತು. ಇದೀಗ ಅವರ ವಿಡಿಯೋವೊಂದು ವೈರಲ್ ಆಗಿದೆ.

“ಈ ಜುಲೈನಲ್ಲಿ ನಾನು ಹಾಗೂ ಐಶ್ವರ್ಯ ವಿಚ್ಚೇದನ ಪಡೆಯಲು ನಿರ್ಧರಿಸಿದ್ದೇವೆ. ಕಳೆದ ಕೆಲ ವರ್ಷಗಳು ನಮಗೆ ಕಷ್ಟವಾಗಿದ್ದವು” ಎಂದು ವಿಡಿಯೋವೊಂದರಲ್ಲಿ ಅಭಿಷೇಕ್ ಬಚ್ಚನ್ ಹೇಳಿರುವುದು ವೈರಲ್ ಆಗಿದೆ.

ಈ ವಿಡಿಯೋ ನೋಡಿದಾಗ ಇದು ಅಸಲಿಯೋ, ನಕಲಿಯೋ ಎಂದು ನೆಟ್ಟಿಗರು ಪರಿಶೀಲನೆಗೆ ಮುಂದಾಗಿದ್ದಾರೆ. ಮೂಲಗಳ ಪ್ರಕಾರ ಇದೊಂದು ಎಐ ಟೂಲ್ ಬಳಸಿ ಮಾಡಿರುವ ವಿಡಿಯೋ, ಅಭಿಷೇಕ್ ಬಚ್ಚನ್ ಅವರ ಯಾವುದೋ ವಿಡಿಯೋಗೆ ಎಐ ಮೂಲಕ ಧ್ವನಿ ಸೇರಿಸಿ ಇದನ್ನು ಹರಿದು ಬಿಡಲಾಗಿದೆ ಎಂದು ವರದಿಯಾಗಿದೆ.