Test Cricket: ವೆಸ್ಟ್‌ ಇಂಡೀಸ್‌-ದಕ್ಷಿಣ ಆಫ್ರಿಕಾ ಮೊದಲ ಟೆಸ್ಟ್‌ ಡ್ರಾ

ಒಟ್ಟು 8 ವಿಕೆಟ್‌ ಉರುಳಿಸಿದ ಕೇಶವ್‌ ಮಹಾರಾಜ್‌ ಪಂದ್ಯಶ್ರೇಷ್ಠ

Team Udayavani, Aug 12, 2024, 12:00 AM IST

ಪೋರ್ಟ್‌ ಆಫ್ ಸ್ಪೇನ್‌: ಮಳೆಯಿಂದ ಅಡಚಣೆಗೊಳಗಾದ ವೆಸ್ಟ್‌ ಇಂಡೀಸ್‌ ಮತ್ತು ಪ್ರವಾಸಿ ದಕ್ಷಿಣ ಆಫ್ರಿಕಾ ನಡುವಿನ ಮೊದಲ ಟೆಸ್ಟ್‌ ಪಂದ್ಯ ಡ್ರಾಗೊಂಡಿದೆ.

ಗೆಲುವಿಗೆ 298 ರನ್‌ ಗುರಿ ಪಡೆದಿದ್ದ ವೆಸ್ಟ್‌ ಇಂಡೀಸ್‌, ಪಂದ್ಯ ಡ್ರಾಗೊಳ್ಳುವ ವೇಳೆ 5 ವಿಕೆಟಿಗೆ 201 ರನ್‌ ಗಳಿಸಿತ್ತು. ಮಧ್ಯಮ ಕ್ರಮಾಂಕದ ಬ್ಯಾಟರ್‌ ಅಲಿಕ್‌ ಅಥನಾಜ್‌ 92 ರನ್‌ ಬಾರಿಸಿ ತಂಡವನ್ನು ಕುಸಿತದಿಂದ ಪಾರುಮಾಡಿದರು. ಕೇಸಿ ಕಾರ್ಟಿ ಮತ್ತು ಜೇಸನ್‌ ಹೋಲ್ಡರ್‌ ತಲಾ 31 ರನ್‌ ಮಾಡಿದರು. 18ಕ್ಕೆ 2 ವಿಕೆಟ್‌, 63ಕ್ಕೆ 3 ವಿಕೆಟ್‌ ಉರುಳಿಸಿಕೊಂಡ ಕೆರಿಬಿಯನ್‌ ಪಡೆ ಆತಂಕಕ್ಕೆ ಸಿಲುಕಿತ್ತು.

124 ರನ್‌ ಮುನ್ನಡೆ ಗಳಿಸಿದ ದಕ್ಷಿಣ ಆಫ್ರಿಕಾ, ದ್ವಿತೀಯ ಸರದಿಯಲ್ಲಿ 3ಕ್ಕೆ 173 ರನ್‌ ಗಳಿಸಿ ಡಿಕ್ಲೇರ್‌ ಮಾಡಿತ್ತು. ಟ್ರಿಸ್ಟನ್‌ ಸ್ಟಬ್ಸ್ 68 ರನ್‌ ಹೊಡೆದರು. ಒಟ್ಟು 8 ವಿಕೆಟ್‌ ಉರುಳಿಸಿದ ಕೇಶವ್‌ ಮಹಾರಾಜ್‌ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.
ಸರಣಿಯ ದ್ವಿತೀಯ ಟೆಸ್ಟ್‌ ಆ. 15ರಂದು ಗಯಾನಾದ ಪ್ರೊವಿಡೆನ್ಸ್‌ ಸ್ಟೇಡಿಯಂನಲ್ಲಿ ಆರಂಭವಾಗಲಿದೆ.

ಸಂಕ್ಷಿಪ್ತ ಸ್ಕೋರ್‌: ದಕ್ಷಿಣ ಆಫ್ರಿಕಾ-357 ಮತ್ತು 3ಕ್ಕೆ 173 ಡಿಕ್ಲೇರ್‌.
ವೆಸ್ಟ್‌ ಇಂಡೀಸ್‌-233 ಮತ್ತು 5 ವಿಕೆಟಿಗೆ 201.

ಪಂದ್ಯಶ್ರೇಷ್ಠ: ಕೇಶವ್‌ ಮಹಾರಾಜ್‌.