Actor Darshan: ಜೈಲಿನಲ್ಲಿ ನಟ ದರ್ಶನ್‌ ಭೇಟಿಯಾದ ವಿಜಯಲಕ್ಷ್ಮೀ

Team Udayavani, Aug 13, 2024, 10:42 AM IST

ಬೆಂಗಳೂರು: ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ಜೈಲು ಸೇರಿರುವ ನಟ ದರ್ಶನ್‌ ಅವರನ್ನು ಪತ್ನಿ ವಿಜಯಲಕ್ಷ್ಮೀ ಸೋಮ ವಾರ ಭೇಟಿಯಾದರು.

ಮಧ್ಯಾಹ್ನ 3 ಗಂಟೆ ಸುಮಾ ರಿಗೆ ಪರಪ್ಪನ ಅಗ್ರಹಾರ ಜೈಲಿಗೆ ತಮ್ಮ ಸ್ನೇಹಿತರ ಜತೆ ಆಗಮಿಸಿದ ವಿಜಯಲಕ್ಷ್ಮೀ, ಪತಿ ದರ್ಶನ್‌ ಜತೆ ಕೆಲ ಹೊತ್ತು ಚರ್ಚಿಸಿದರು. ಬಳಿಕ ತಾವು ತಂದಿದ್ದ ಡ್ರೈಫ್ರೋಟ್ಸ್ ಹಾಗೂ ಹಣ್ಣು ಕೊಟ್ಟು ಧೈರ್ಯ ತುಂಬಿದರು. ಸುಮಾರು 1 ಗಂಟ ಗಳ ಕಾಲ ಪತಿಯೊಂದಿಗೆ ಮಾತಾಡಿದ ವಿಜಯ ಲಕ್ಷ್ಮೀ, ತರುಣ್‌ ಸುಧೀರ್‌ ಮದುವೆ ವಿಚಾರವನ್ನು ತಿಳಿಸಿದರು. ಆಗ ದರ್ಶನ್‌, ಒಳ್ಳೆಯದಾಗಲಿ ಎಂದು ಆರೈಸಿದ್ದಾರೆ ಎಂದು ತಿಳಿದು ಬಂದಿದೆ. ‌

ಪ್ರಜ್ವಲ್‌ ನೋಡಲು ಬಂದ ಅಣ್ಣ ಸೂರಜ್‌: ಅಶ್ಲೀಲ ವಿಡಿಯೋ ವೈರಲ್‌ ಹಾಗೂ ಮಹಿಳೆಯರ ಮೇಲೆ ಅತ್ಯಾಚಾರ ಪ್ರಕರಣದಲ್ಲಿ ಜೈಲು ಸೇರಿರುವ ಹಾಸನದ ಮಾಜಿ ಸಂಸದ ಪ್ರಜ್ವಲ್‌ ರೇವಣ್ಣನನ್ನು ನೋಡಲು ವಿಧಾನ ಪರಿಷತ್‌ ಸದಸ್ಯ ಸೂರಜ್‌ ರೇವಣ್ಣ ಸೋಮವಾರ ಪರಪ್ಪನ ಅಗ್ರಹಾರ ಜೈಲಿಗೆ ಬಂದಿದ್ದರು. ಸಂಜೆ 4 ಗಂಟೆ ಸುಮಾರಿಗೆ ಬಂದಿದ್ದ ಸೂರಜ್‌, ಕೆಲ ಹೊತ್ತು ಪ್ರಜ್ವಲ್‌ ಜತೆ ಚರ್ಚಿಸಿ ವಾಪಸ್‌ ತೆರಳಿದರು.