Gangolli: ದನ ಕಳ್ಳತನಕ್ಕೆ ಯತ್ನ

Team Udayavani, Aug 14, 2024, 5:06 PM IST

ಗಂಗೊಳ್ಳಿ: ನಾಡ ಗ್ರಾಮದಲ್ಲಿ ಕಾರಿನಲ್ಲಿ ಬಂದು ಬೀಡಾಡಿ ದನಗಳನ್ನು ಕಳ್ಳತನಗೈಯಲು ಯತ್ನಿಸಿದ ಘಟನೆ ನಡೆದಿದೆ.

ಈ ಸಂದರ್ಭ ಇದನ್ನು ಗಮನಿಸಿದ ಒಬ್ಬರು, ಬೊಬ್ಬೆ ಹಾಕಿದಾಗ ದನಗಳನ್ನು ಅಲ್ಲಿಯೇ ಬಿಟ್ಟು ಪರಾರಿಯಾಗಿದ್ದಾರೆ.

ನಾಡ ಗ್ರಾಮದ ಕೇದಾರ್‌ ಅವರು ಆ. 2ರ ರಾತ್ರಿ 2.20ರ ಸುಮಾರಿಗೆ ಮನೆಯ ಹೊರಗಡೆ ಬಂದಾಗ ಎದುರಿನ ಮೈದಾನದಲ್ಲಿ ದನಗಳು ಕೂಗುತ್ತಿದ್ದುದನ್ನು ಗಮನಿಸಿ ಆ ಕಡೆ ಹೋದಾಗ ಕಾರಿನಲ್ಲಿ ಬಂದ ವ್ಯಕ್ತಿಯೊಬ್ಬ ದನವನ್ನು ಕಳ್ಳತನಗೈಯಲು ಯತ್ನಿಸಿದ್ದಾರೆ. ಕೂಡಲೇ ಕೇದಾರ್‌ ಅವರು ಬೊಬ್ಬೆ ಹಾಕಿದಾಗ ಆರೋಪಿ ದನವನ್ನು ಅಲ್ಲಿಯೇ ಬಿಟ್ಟು, ಕಾರು ಹತ್ತಿ ಪಡುಕೋಣೆ ಕಡೆಗೆ ಪರಾರಿಯಾದರು.

ಕೇದಾರ್‌ ಅವರು ನೀಡಿದ ದೂರಿನಂತೆ ಗಂಗೊಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.