Kasaragod: ವಿವಿಯಿಂದ ಹೆಚ್ಚು ಹಣ ಪಡೆದ ಸೆಕ್ಯೂರಿಟಿ ಸಂಸ್ಥೆ

Team Udayavani, Aug 14, 2024, 8:08 PM IST

ಕಾಸರಗೋಡು: ಸೆಕ್ಯೂರಿಟಿ ನೌಕರರ ಸಂಖ್ಯೆಯನ್ನು ಹೆಚ್ಚು ತೋರಿಸಿ ಕೇಂದ್ರ ವಿಶ್ವವಿದ್ಯಾನಿಲಯದಿಂದ ಹೆಚ್ಚಿನ ಹಣವನ್ನು ಪಡೆಯುತ್ತಿದ್ದ ಪ್ರಕರಣಕ್ಕೆ ಸಂಬಂಧಿಸಿ ಕಾಸರಗೋಡು ಮಾತಾ ಸೆಕ್ಯೂರಿಟಿ ಏಜೆನ್ಸಿ ಪಡೆದ ಮೊತ್ತವನ್ನು ಬಡ್ಡಿ ಸಹಿತ ವಾಪಸು ಮಾಡುವಂತೆ ಹೊಸದುರ್ಗ ಸಬ್‌ ಕೋರ್ಟ್‌ ತೀರ್ಪು ನೀಡಿದೆ.

ಜತೆಗೆ ವಿಶ್ವವಿದ್ಯಾನಿಲಯವು ಕಾನೂನು ಹೋರಾಟಕ್ಕೆ ಮಾಡಿದ ವೆಚ್ಚವನ್ನು ಏಜೆನ್ಸಿ ಭರಿಸುವಂತೆ ನ್ಯಾಯಾಲಯ ಹೇಳಿದೆ.
2010ರಿಂದ 2015ರ ವರೆಗಿನ ಕಾಲಾವಧಿಯಲ್ಲಿ ಸೇವೆ ಸಲ್ಲಿಸಿದ ಭದ್ರತಾ ನೌಕರರಿಗಿಂತ ಅಧಿಕ ನೌಕರರನ್ನು ತೋರಿಸಿ 40,96,539 ರೂ. ಅನ್ನು ಕೇಂದ್ರ ವಿಶ್ವವಿದ್ಯಾಲಯದಿಂದ ಪಡೆಯಲಾಗಿದೆ ಎಂದು ಮಾತಾ ಸೆಕ್ಯೂರಿಟಿ ಏಜೆನ್ಸಿ ವಿರುದ್ಧ ಕೇಸು ದಾಖಲಿಸಲಾಗಿತ್ತು. ಬಡ್ಡಿ ಸಹಿತ 64,44,947 ರೂ.ಯನ್ನು ಪಾವತಿಸಲು ಆದೇಶಿಸಲಾಗಿದೆ.