ULFA: ಸ್ವಾತಂತ್ರ್ಯೋತ್ಸವಕ್ಕೆ ಅಡ್ಡಿಪಡಿಸುವ ಉದ್ದೇಶ.. ಅಸ್ಸಾಂನ 19 ಕಡೆ ಬಾಂಬ್ ಇಟ್ಟ ಉಲ್ಫಾ

Team Udayavani, Aug 15, 2024, 3:44 PM IST

ಗುವಾಹಟಿ: ನಿಷೇಧಿತ ದಂಗೆಕೋರ ಗುಂಪು ಯುನೈಟೆಡ್ ಲಿಬರೇಶನ್ ಫ್ರಂಟ್ ಆಫ್ ಅಸೋಮ್-ಇಂಡಿಪೆಂಡೆಂಟ್ (ಉಲ್ಫಾ-ಐ) ಗುರುವಾರ ಸ್ವಾತಂತ್ರ್ಯ ದಿನಾಚರಣೆಯನ್ನು ಅಡ್ಡಿಪಡಿಯುವ ಸಲುವಾಗಿ ಅಸ್ಸಾಂನಾದ್ಯಂತ ಸುಮಾರು 19 ಕಡೆಗಳಲ್ಲಿ ಬಾಂಬ್‌ಗಳನ್ನು ಇರಿಸಿತ್ತು ಆದರೆ ತಾಂತ್ರಿಕ ಕಾರಣದಿಂದ ಸ್ಪೋಟಗೊಂಡಿಲ್ಲ ಎಂದು ಉಲ್ಫಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಅಸ್ಸಾಂನ ಶಿವಸಾಗರ್, ದಿಬ್ರುಗಢ ಮತ್ತು ಗುವಾಹಟಿ ಮತ್ತು ಲೋವರ್ ಸೇರಿದಂತೆ ಅಸ್ಸಾಂನ 19 ಆಯಕಟ್ಟಿನ ಸ್ಥಳಗಳಲ್ಲಿ ಬಾಂಬ್‌ಗಳನ್ನು ಇರಿಸಿದ್ದಾರೆ ಎಂದು ದಿ ಸೆಂಟಿನೆಲ್‌ನಲ್ಲಿ ವರದಿ ಮಾಡಿದೆ. ಅವರ ಉದ್ದೇಶಗಳ ಹೊರತಾಗಿಯೂ, ತಾಂತ್ರಿಕ ಕಾರಣಗಳಿಂದ ಬಾಂಬ್‌ ಸ್ಫೋಟಗೊಳ್ಳಲಿಲ್ಲ ಎಂದು ಗುಂಪು ಬಹಿರಂಗಪಡಿಸಿದೆ.

ಅಲ್ಲದೆ, ಬಾಂಬ್‌ಗಳನ್ನು ತೆಗೆಯುವವರೆಗೂ ಅಥವಾ ನಿಷ್ಕ್ರಿಯಗೊಳಿಸುವವರೆಗೂ ಸಾರ್ವಜನಿಕರು ಎಚ್ಚರಿಕೆಯಿಂದ ಇರುವಂತೆಯೂ ಸಂಘಟನೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ: Siruguppa: ತುಂಗಭದ್ರಾ ನದಿಗೆ ಹಾರಿದ ರಾಜಸ್ಥಾನ್ ಮೂಲದ ಯುವಕ