Siddapura: ನಿಂತಿದ್ದ ಯುವಕನಿಗೆ ಕಾರು ಢಿಕ್ಕಿ: ಗಂಭೀರ ಗಾಯ; ಆಸ್ಪತ್ರೆಗೆ ದಾಖಲು

Team Udayavani, Aug 16, 2024, 9:37 PM IST

ಸಿದ್ದಾಪುರ: ಸಿದ್ದಾಪುರ-ಹೆನ್ನಾಬೈಲು ಮುಖ್ಯ ರಸ್ತೆಯ ದೊಟ್ಟಿನಬೇರು ಎನ್ನುವಲ್ಲಿ ಅತೀ ವೇಗ ಹಾಗೂ ಅಜಾಗರೂಕತೆಯಿಂದ ಕಾರು ಚಲಾಯಿಸಿಕೊಂಡು ಬಂದ ಕಾರು ಚಾಲಕ, ರಸ್ತೆಯ ಪಕ್ಕ ಬೈಕ್‌ ಬಳಿ ನಿಂತಿದ್ದ ನಿತೇಶ್‌ (27) ಅವರಿಗೆ ಢಿಕ್ಕಿ ಹೊಡೆದಿದೆ.

ನಿತೇಶ್‌ ಅವರು ತನ್ನ ಸ್ನೇಹಿತ ಶಬರೀಶ ಅವರ ಬೈಕ್‌ನಲ್ಲಿ ಹಿಂಬದಿ ಸವಾರರಾಗಿ ಹೆನ್ನಾಬೈಲುನಿಂದ ಸಿದ್ದಾಪುರಕ್ಕೆ ಬರುವಾಗ, ಶಬರೀಶ ಅವರು ಪರಿಚಯದವರು ಸಿಕ್ಕಿದ್ದಾರೆ ಎಂದು ದೊಡ್ಡನಬೇರು ಬಳಿ ರಸ್ತೆ ಬದಿಯಲ್ಲಿ ಬೈಕ್‌ ನಿಲ್ಲಿಸಿದ್ದರು. ಆ ಸಂದರ್ಭದಲ್ಲಿ ಕಾರು ಚಾಲಕ ಚೇತನ್‌ ಕಾರನ್ನು ಅತೀ ವೇಗವಾಗಿ ಬಂದು ನಿತೇಶ್‌ ಅವರಿಗೆ ಢಿಕ್ಕಿ ಹೊಡೆದಿದೆ. ಗಂಭೀರವಾಗಿ ಗಾಯಗೊಂಡ ನಿತೇಶ್‌ ಅವರು ಕುಂದಾಪುರ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.