Controversy again:ಅಲೋಪಥಿ ಔಷಧದಿಂದ ಕೋಟ್ಯಂತರ ಸಾವು: ಬಾಬಾ ರಾಮದೇವ್‌

Team Udayavani, Aug 18, 2024, 6:20 AM IST

ಹೊಸದಿಲ್ಲಿ: ಅಲೋಪಥಿಕ್‌ ಔಷಧ ಬಗ್ಗೆ ಟೀಕೆ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್‌ ನಿಂದ ನ್ಯಾಯಾಂಗ ನಿಂದನೆ ಎದುರಿ ಸಿದ್ದ ಬಾಬಾ ರಾಮದೇವ್‌ ಈಗ ಮತ್ತೆ, ಅಲೋಪಥಿಕ್‌ ಔಷಧ ಪದ್ಧತಿಯನ್ನು ಟೀಕಿಸಿ ವಿವಾದಕ್ಕೆ ಗುರಿಯಾಗಿದ್ದಾರೆ.

ಸ್ವಾತಂತ್ರ್ಯೋತ್ಸವ ದಿನಾಚರಣೆಯ ಹಿನ್ನೆಲೆಯಲ್ಲಿ ಹರಿದ್ವಾರದಲ್ಲಿ ಮಾತನಾ ಡಿ, ವೈದ್ಯಕೀಯ ಸ್ವಾತಂತ್ರ್ಯವು ಈಗಲೂ ಕನಸಾಗೇ ಉಳಿದಿದೆ. ವಿಷಕಾರಿ ಅಲೋ ಪಥಿಕ್‌ ಔಷಧ ಸೇವಿಸಿ ಪ್ರತೀ ವರ್ಷ ಕೋಟ್ಯಂತರ ಜನ ಸಾಯುತ್ತಿದ್ದಾರೆಂದು ಆರೋಪಿಸಿದರು. 78ನೇ ಸ್ವಾತಂತ್ರ್ಯ ದಿನಾಚರಣೆಯಂದು ರಾಜಕೀಯ, ಶೈಕ್ಷ ಣಿಕ, ವೈದ್ಯಕೀಯ, ಆರ್ಥಿಕ, ಸೈದ್ಧಾಂತಿಕ ಮತ್ತು ಸಾಂಸ್ಕೃತಿಕ ಸ್ವಾತಂತ್ರ್ಯದ ಜತೆಗೆ ಈ ರಾಷ್ಟ್ರದಲ್ಲಿ ಅನಾರೋಗ್ಯ, ಮಾದಕ ದ್ರವ್ಯ ಮತ್ತು ಕಾಮದಿಂದ ಸ್ವಾತಂತ್ರ್ಯ ವನ್ನು ತರಲು ಪತಂಜಲಿ ಪ್ರತಿಜ್ಞೆ ಮಾಡಿದೆ ಎಂದು ಬಾಬಾ ಹೇಳಿದರು.

ತಮ್ಮ ವಸಾಹತು ಸ್ಥಾಪಿಸಲು ಬ್ರಿಟಿಷರು ಜಗತ್ತಿನಾದ್ಯಂತ 10 ಕೋಟಿ ಜನರನ್ನು ಹತ್ಯೆ ಮಾಡಿದ್ದಾರೆ. ಅದೇ ರೀತಿ, ಇಸ್ಲಾಂ ಧರ್ಮದ ಹೆಸರಿನಲ್ಲಿ ಸಾಕಷ್ಟು ಜನರು ನಾಶವಾಗಿದ್ದಾರೆ ಎಂದ ರಾಮದೇವ್‌, ನಾವೆಲ್ಲರೂ ಯೋಗ ದಿಂದ ದೂರ ಸರಿಯುತ್ತಿರುವುದರಿಂದ ಅತ್ಯಾಚಾರ ಹೆಚ್ಚುತ್ತಿದೆ ಎಂದರು.