Cincinnati ಓಪನ್‌ ಟೆನಿಸ್‌ ಸಿನ್ನರ್‌-ಥಿಯಾಫೊ ಫೈನಲ್‌

Team Udayavani, Aug 20, 2024, 12:31 AM IST

ಸಿನ್ಸಿನಾಟಿ: ಸಿನ್ಸಿನಾಟಿ ಓಪನ್‌ ಟೆನಿಸ್‌ ಪಂದ್ಯಾವಳಿಯ ಫೈನಲ್‌ನಲ್ಲಿ ವಿಶ್ವದ ನಂ.1 ಆಟಗಾರ, ಇಟಲಿಯ ಜಾನಿಕ್‌ ಸಿನ್ನರ್‌ ಮತ್ತು ಅಮೆರಿಕದ ಫ್ರಾನ್ಸೆಸ್‌ ಥಿಯಾಫೊ ಮುಖಾಮುಖೀ ಆಗಲಿದ್ದಾರೆ.

ಜಿದ್ದಾಜಿದ್ದಿ ಸೆಮಿಫೈನಲ್‌ನಲ್ಲಿ ಜಾನಿಕ್‌ ಸಿನ್ನರ್‌ 7-6 (9), 5-7, 7-6 (4) ಅಂತರದಿಂದ ಜರ್ಮನಿಯ ಅಲೆಕ್ಸಾಂಡರ್‌ ಜ್ವೆರೇವ್‌ ಅವರನ್ನು ಮಣಿಸಿದರು. ಜ್ವೆರೇವ್‌ ಇಲ್ಲಿ 3 ವರ್ಷಗಳ ಹಿಂದೆ ಚಾಂಪಿಯನ್‌ ಆಗಿದ್ದರು. ಇಬ್ಬರ ನಡುವೆ 3 ಗಂಟೆ, 7 ನಿಮಿಷಗಳ ಹೋರಾಟ ನಡೆಯಿತು.

ಇನ್ನೊಂದು ಸೆಮಿಫೈನಲ್‌ನಲ್ಲಿ ಯಾವುದೇ ಶ್ರೇಯಾಂಕ ಹೊಂದಿಲ್ಲದ ಫ್ರಾನ್ಸೆಸ್‌ ಥಿಯಾಫೊ 4-6, 6-1, 7-6 (4) ಅಂತರದಿಂದ ಡೆನ್ಮಾರ್ಕ್‌ನ ಹೋಲ್ಜರ್‌ ರುನೆ ವಿರುದ್ಧ ಜಯ ಸಾಧಿಸಿದರು. ಥಿಯಾಫೊ 2013ರ ಬಳಿಕ ಸಿನ್ಸಿನಾಟಿ ಫೈನಲ್‌ ತಲುಪಿದ ಅಮೆರಿಕದ ಮೊದಲ ಆಟಗಾರ. ಅಂದು ಜಾನ್‌ ಇಸ್ನರ್‌ ಪ್ರಶಸ್ತಿ ಸುತ್ತಿಗೆ ಏರಿದ್ದರು.

ಸಬಲೆಂಕಾ-ಪೆಗುಲಾ ಫೈನಲ್‌

ವನಿತಾ ವಿಭಾಗದಲ್ಲಿ ಬೆಲರೂಸ್‌ನ ಅರಿನಾ ಸಬಲೆಂಕಾ ಮತ್ತು ಅಮೆರಿಕದ ಜೆಸ್ಸಿಕಾ ಪೆಗುಲಾ ಎದುರಾಗಲಿದ್ದಾರೆ. ಸಬಲೆಂಕಾ ವಿಶ್ವದ ನಂ.1 ಆಟಗಾರ್ತಿ ಇಗಾ ಸ್ವಿಯಾಟೆಕ್‌ ಅವರನ್ನು 6-3, 6-3 ನೇರ ಸೆಟ್‌ಗಳಿಂದ ಪರಾಭವಗೊಳಿಸಿದರೆ, ಜೆಸ್ಸಿಕಾ ಪೆಗುಲಾ ಸ್ಪೇನ್‌ನ ಪೌಲಾ ಬಡೋಸಾ ವಿರುದ್ಧ 6-2, 6-3, 6-3 ಅಂತರದ ಜಯ ಸಾಧಿಸಿದರು.