Bankapura: ಅಧಿಕಾರಿ ಎಡವಟ್ಟು; ಎಸ್ಸಿ ಬದಲು 3ಬಿ ಪ್ರಮಾಣಪತ್ರ
ಜಾತಿ ಹಿಂದೂ ಮಚಿಗೇರ ಅಂತಿದ್ದರೂ ವೀರಶೈವ ಲಿಂಗಾಯತ ಎಂದು ಸರ್ಟಿಫಿಕೇಟ್
Team Udayavani, Aug 21, 2024, 4:56 PM IST
ಬಂಕಾಪುರ: ಪಟ್ಟಣದ ಸವಿತಾ ರಾಮಚಂದ್ರ ಮಿಶ್ರಿಕೋಟಿ ಅವರಿಗೆ ಎಸ್.ಸಿ. ಸರ್ಟಿಫಿಕೇಟ್ ಬದಲು 3ಬಿ ಸರ್ಟಿಫಿಕೇಟ್ ನೀಡಿದ್ದರಿಂದ ಸರ್ಕಾರದ ಸವಲತ್ತುಗಳಿಂದ ವಂಚಿತರಾಗುವಂತಾಗಿದೆ. ಕಂದಾಯ ಇಲಾಖೆ ಅಧಿಕಾರಿಗಳಿಂದ ನಡೆದ ತಪ್ಪಿಗೆ ವರ್ಷವಿಡಿ ಕಚೇರಿಗೆ ಅಲೆಯುವಂತಾಗಿದೆ.
ಶಾಲಾ ದಾಖಲಾತಿ ಪ್ರಕಾರ ಜಾತಿ ಹಿಂದೂ ಮಚಿಗೇರ ಅಂತ ಇದ್ದರೂ ಕೂಡಾ ವೀರಶೈವ ಲಿಂಗಾಯತ ಜಾತಿಗೆ ಸೇರಿರುತ್ತಾರೆ ಎಂದು ದೃಢೀಕರಿಸಿ 3 ಬಿ ಸರ್ಟಿಫಿಕೇಟ್ ನೀಡಿರುವುದು ಅನುಮಾನಕ್ಕೆ ಕಾರಣವಾಗಿದೆ. ಕಂದಾಯ ಇಲಾಖೆಯಲ್ಲಿ ಏನು ಬೇಕಾದರೂ ನಡೆಯಬಹುದು ಎಂಬುದಕ್ಕೆ ಸವಿತಾಗೆ ನೀಡಿರುವ ಜಾತಿ ಆದಾಯ ಪ್ರಮಾಣ ಪತ್ರವೇ ಸಾಕ್ಷಿಯಾಗಿ ನಿಂತಿದೆ.
ಯಾರಾದರೂ ಕೊಟ್ಟಿ ಜಾತಿ ಪ್ರಮಾಣಪತ್ರ ಪಡೆದರೆ ಶಿಕ್ಷೆ-ದಂಡಕ್ಕೆ ಗುರಿಯಾಗಬೇಕಾಗುತ್ತದೆ. ಆದರೆ ಇಲ್ಲಿ ಅಧಿಕಾರಿಗಳು ಮಾಡಿದ ತಪ್ಪಿಗೆ ಸವಿತಾ ಮಿಶ್ರಿಕೋಟಿ ಅವರು ದಂಡ ತೆರುವಂತಾಗಿದೆ. 2013ರಲ್ಲಿ ಕಂದಾಯ ಇಲಾಖೆಯಿಂದಲೇ ಪರಿಶಿಷ್ಟ ಜಾತಿ ಪ್ರಮಾಣ ಪತ್ರ ಪಡೆದ ಇವರು 2020ರಲ್ಲಿ ವೀರಶೈವ ಲಿಂಗಾಯತ ಹೇಗಾದರು ಎಂಬುದನ್ನು ಸಂಬಂಧಪಟ್ಟ ಅಧಿಕಾರಿಗಳೇ ಉತ್ತರಿಸಬೇಕಿದೆ.
ಅಧಿಕಾರಿಗಳು ಮಾಡಿದ ತಪ್ಪಿನಿಂದ ನಾವು ಕಚೇರಿಗೆ ಅಲೆಯುವಂತಾಗಿದೆ. ಮಾಡಿದ ತಪ್ಪು ಸರಿ ಪಡಿಸಿಕೊಡಬೇಕಾದ ಅಧಿಕಾರಿಗಳು ನಮ್ಮನ್ನೇ ಹೊಣೆಗಾರರನ್ನಾಗಿ ಮಾಡಿ ಆ ಸರ್ಟಿಫಿಕೇಟ್ ತನ್ನಿ ಈ ಸರ್ಟಿಫಿಕೇಟ್ ತನ್ನಿ ಎಂದು ಅಲೆದಾಡಿಸುತ್ತಿದ್ದಾರೆ. ತಹಶೀಲ್ದಾರ್ ಕಚೇರಿ ಎದುರು ಧರಣಿ ಮಾಡುವೆ.
-ಸವಿತಾ ಮಿಶ್ರಿಕೋಟಿ
ಅಭ್ಯರ್ಥಿಯಿಂದ ಹೊಸದಾಗಿ ಅರ್ಜಿ ಪಡೆದು, ನಜರ್ ಚೂಕಿನಿಂದಾದ ತಪ್ಪನ್ನು ಆದಷ್ಟು ಬೇಗ ಸರಿಪಡಿಸಿಕೊಡಲಾಗುವುದು.
-ವಿ.ವಿ.ಕುಲಕರ್ಣಿ, ಉಪ ತಹಶೀಲ್ದಾರ್.
– ಸದಾಶಿವ ಹಿರೇಮಠ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
2A Reservation; ವಕೀಲರ ಮೂಲಕ ಸರ್ಕಾರ ಹಕ್ಕೊತ್ತಾಯ ಮಾಡುತ್ತೇವೆ: ಪಂಚಮಸಾಲಿ ಶ್ರೀ
Haveri; ಖಾಸಗಿ ಬಸ್ ಪಲ್ಟಿ: 15ಕ್ಕೂ ಹೆಚ್ಚು ಪ್ರಯಾಣಿಕರಿಗೆ ಗಾಯ
ಮಕ್ಕಳಿಗೆ ಉತ್ತಮ ಶಿಕ್ಷಣ-ಸಂಸ್ಕಾರ ಕಲಿಸಿ: ಚೌಡಯ್ಯ ಸ್ವಾಮೀಜಿ
ಮಕ್ಕಳನ್ನು ಮೊಬೈಲ್ನಿಂದ ದೂರವಿಡಬಲ್ಲ ದು ಕ್ರೀಡೆ-ಮಮತಾ ಆರೆಗೊಪ್ಪ
Haveri; ಮುಸ್ಲಿಮರನ್ನು ಬಹಿಷ್ಕರಿಸಿ, ಅವರ ಜತೆ ಯಾವುದೇ ವ್ಯವಹಾರ ಮಾಡಬೇಡಿ: ಮುತಾಲಿಕ್ ಕಿಡಿ
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.