Save Test Cricket; ಟೆಸ್ಟ್ ಕ್ರಿಕೆಟ್ ಉಳಿಸಲು ಐಸಿಸಿ ನಿಧಿ ಯೋಜನೆ
ಎಲ್ಲ ದೇಶಗಳ ಟೆಸ್ಟ್ ಆಟಗಾರರಿಗೆ ಸಂಭಾವನೆ ಹೆಚ್ಚಿಸಲು ಚಿಂತನೆ
Team Udayavani, Aug 24, 2024, 6:45 AM IST
ಸಿಡ್ನಿ: ಸಾಂಪ್ರದಾಯಿಕ ಮಾದರಿಯ ಟೆಸ್ಟ್ ಕ್ರಿಕೆಟನ್ನು ಉಳಿಸಿಕೊಳ್ಳಲು ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಮಹತ್ವದ ಹೆಜ್ಜೆಯನ್ನಿಡಲು ಮುಂದಾಗಿದೆ. ಟೆಸ್ಟ್ ಕ್ರಿಕೆಟ್ ಆಟಗಾರರ ಪಂದ್ಯದ ಸಂಭಾವನೆ ಹೆಚ್ಚಳ, ಸಂಕಷ್ಟದಲ್ಲಿರುವ ದೇಶಗಳ ವಿದೇಶಿ ಪ್ರವಾಸದ ವೆಚ್ಚ ಭರಿಸಲು ಐಸಿಸಿ ಚಿಂತನೆ ನಡೆಸುತ್ತಿದೆ. ಈ ಮೂಲಕ ಟಿ20 ಫ್ರಾಂಚೈಸಿ ಕ್ರಿಕೆಟ್ನತ್ತ ವಾಲುತ್ತಿರುವ ಪ್ರತಿಭಾವಂತ ಆಟಗಾರನ್ನು ಸೆಳೆಯಲು ಐಸಿಸಿ ಕನಿಷ್ಠ 125 ಕೋಟಿ ರೂ.ನಷ್ಟು ನಿಧಿ ಮೀಸಲಿಡಲು ಮುಂದಾಗಿದೆ ಎಂದು ವರದಿಯಾಗಿದೆ.
ಬಿಸಿಸಿಐ ಕಾಯದರ್ಶಿ ಜಯ್ ಶಾ, ಇಂಗ್ಲೆಂಡ್ ಆ್ಯಂಡ್ ವೇಲ್ಸ್ ಕ್ರಿಕೆಟ್ ಬೋರ್ಡ್ನ (ಇಸಿಬಿ) ಬೆಂಬಲವನ್ನು ಹೊಂದಿರುವ ಕ್ರಿಕೆಟ್ ಅಸ್ಟ್ರೇಲಿಯ (ಸಿಎ) ಇಂಥದ್ದೊಂದು ಪ್ರಸ್ತಾವನೆಯನ್ನು ಐಸಿಸಿಗೆ ಸಲ್ಲಿಸಿದೆ ಎನ್ನಲಾಗಿದೆ.
ಟೆಸ್ಟ್ ಆಟಗಾರರ ಸಂಭಾವನೆಯನ್ನು ಹೆಚ್ಚಿಸುವ ಮತ್ತು ಸಂಕಷ್ಟದಲ್ಲಿರುವ ಕೆಲವು ದೇಶಗಳ, ವಿದೇಶಿ ಪ್ರವಾಸದ ವೇಳೆ ತಂಡಗಳ ವೆಚ್ಚವನ್ನು ತಗ್ಗಿಸುವ ನಿಟ್ಟಿನಲ್ಲಿ ನಿಧಿಯನ್ನು ಮೀಸಲಿಡುವ ಪ್ರಸ್ತಾವನೆ ಇದಾಗಿದ್ದು, ಇದರಿಂದ ವೆಸ್ಟ್ ಇಂಡೀಸ್ನಂಥ ಕೆಲವು ದೇಶಗಳಿಗೆ ಸಹಾಯವಾಗಲಿದೆ ಎಂದು ಹೇಳಲಾಗುತ್ತಿದೆ.
ಪಂದ್ಯದ ಸಂಭಾವನೆ ಕನಿಷ್ಠ 8.38 ಲಕ್ಷ ರೂ.
ಈ ಉದ್ದೇಶಿತ ನಿಧಿಯು, ಎಲ್ಲ ಟೆಸ್ಟ್ ಆಟಗಾರರಿಗೆ ಕನಿಷ್ಠ 8.38 ಲಕ್ಷ ರೂ. ಪಂದ್ಯದ ಸಂಭಾವನೆಯಾಗಿ ನೀಡುವುದು ಮತ್ತು ವಿದೇಶಿ ಪ್ರವಾಸದ ವೆಚ್ಚಗಳಿಂದಾಗಿ ಪರಿತಪಿಸುತ್ತಿರುವ ಕೆಲವು ದೇಶಗಳಿಗೆ ವಿದೇಶಿ ಪ್ರವಾಸ ಖರ್ಚಿನ ನೆರವು ನೀಡುವ ಉದ್ದೇಶವನ್ನು ಹೊಂದಿದೆ ಎಂದು ಮೂಲ ತಿಳಿಸಿದೆ.
3 ರಾಷ್ಟ್ರಗಳಿಗೆ ನೆರವು ಇಲ್ಲ?
ಐಸಿಸಿಯ ಈ ನಿಧಿ ಯೋಜನೆಯ ಲಾಭ, ಭಾರತ, ಆಸ್ಟ್ರೇಲಿಯ ಮತ್ತು ಇಂಗ್ಲೆಂಡ್ ದೇಶಗಳಿಗೆ ಸಿಗುವುದಿಲ್ಲ ಎಂದು ಹೇಳಲಾಗುತ್ತಿದೆ. ಈ ರಾಷ್ಟ್ರಗಳು ಈಗಾಗಲೇ ತಮ್ಮ ತಂಡದ ಆಟಗಾರರಿಗೆ ಉತ್ತಮ ಸಂಭಾವನೆಯನ್ನು ನೀಡುತ್ತಿರುವುದು ಇದಕ್ಕೆ ಕಾರಣ ಎನ್ನಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.