Australia: ಕೆಲಸದ ಅವಧಿ ಬಳಿಕ ಬಾಸ್‌ ನೌಕರರ ಮಧ್ಯೆ ಸಂಪರ್ಕ ಇಲ್ಲ

Team Udayavani, Aug 24, 2024, 6:45 AM IST

ಹೊಸದಿಲ್ಲಿ: ಕೆಲಸದ ಅವಧಿ ಮುಗಿದ ಬಳಿಕ ತಮ್ಮ ಬಾಸ್‌ಗಳನ್ನು ಅಲಕ್ಷ್ಯ ಮಾಡಬಹುದಾದ ಕಾನೂನನ್ನು ಆಸ್ಟ್ರೇಲಿಯಾದಲ್ಲಿ ಜಾರಿ ಮಾಡಲಾ ಗಿದೆ. ನೌಕರರ ಮಾನಸಿಕ ಆರೋಗ್ಯ ಕಾಪಾಡಲು ಈ ಕಾನೂನನ್ನು ಜಾರಿ ಮಾಡಲಾಗಿದೆ.

“ರೈಟ್‌ ಟು ಡಿಸ್‌ಕನೆಕ್ಟ್’ ಎಂದು ಕರೆ ಯಲ್ಪಡುವ ಈ ಕಾನೂನಿಗೆ ಸಂಸತ್ತು ಒಪ್ಪಿಗೆ ನೀಡಿತ್ತು. ಇದೀಗ ಆ.26ರಿಂದ ಇದು ಜಾರಿಯಾಗಲಿದೆ. ಇದರಿಂದಾಗಿ ಕೆಲಸದ ಅವಧಿ ಮುಕ್ತಾಯವಾದ ಬಳಿಕವೂ ನೌಕಕರನ್ನು ಗಮನಿಸು ವುದು, ಕೆಲಸ ಮಾಡಿಸುವುದು ಇಂತಹ ವುಗಳಿಗೆ ಅವಕಾಶ ಇರುವುದಿಲ್ಲ.

ಈ ಕಾನೂನಿಗೆ ಹಲವು ಕಂಪೆನಿಗಳು ವಿರೋಧ ವ್ಯಕ್ತಪಡಿಸಿದ್ದು, ಅನಿವಾರ್ಯ ಕೆಲಸ ಮಾಡುವ ನೌಕರರಿಗೆ ಇಂತಹ ಅವಕಾಶ ನೀಡುವುದರಿಂದ ತೊಂದರೆಗ ಳಾಗಬಹುದು ಎಂದು ವಾದಿಸಿದ್ದವು. ಅಲ್ಲದೇ ಹೆಚ್ಚಿನ ಅಧ್ಯಯನ ನಡೆಸದೇ ಆತುರವಾಗಿ ಸರಕಾರ‌ ಈ ನಿರ್ಧಾರ ವನ್ನು ಕೈಗೊಂಡಿದೆ ಎಂದಿದ್ದವು.

ಕಚೇರಿ ಅವಧಿಯ ಬಳಿಕ ಮೊಬೈಲ್‌ ಫೋನ್‌ಗಳನ್ನು ಸ್ವಿಚ್‌ ಆಫ್ ಮಾಡ ಬಹುದಾದಂತಹ ಅವಕಾಶಗಳು ಈಗಾಗಲೇ ಫ್ರಾನ್ಸ್‌, ಜರ್ಮನಿ ಮತ್ತು ಯುರೋಪಿಯನ್‌ ಯೂನಿಯನ್‌ನ ಇತರ ದೇಶಗಳಲ್ಲಿ ಜಾರಿಯಲ್ಲಿವೆ.