KL Rahul; ನಿವೃತ್ತಿಯ ಊಹಾಪೋಹದ ನಂತರ ‘ಪ್ರಮುಖ ಘೋಷಣೆ’ ಮಾಡಿದ ಕೆಎಲ್ ರಾಹುಲ್

Team Udayavani, Aug 24, 2024, 12:39 PM IST

ಬೆಂಗಳೂರು: “ನಾನೊಂದು ಘೋಷಣೆ ಮಾಡಲಿದ್ದೇನೆ, ಕಾಯುತ್ತಿರಿ’ ಎಂದು ಕ್ರಿಕೆಟರ್‌ ಕೆ.ಎಲ್‌.ರಾಹುಲ್‌ (KL Rahul) ಮಾಡಿದ್ದ ಇನ್ಸ್ಟಾಗ್ರಾಮ್‌ ಸ್ಟೋರಿಯೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿತ್ತು. ಇದೇ ವೇಳೆ ಕೆಎಲ್‌ ರಾಹುಲ್‌ ಅವರು ಕ್ರಿಕೆಟ್‌ ಗೆ ನಿವೃತ್ತಿ ಘೋಷಿಸಲಿದ್ದಾರೆ ಎನ್ನುವ ಬಗ್ಗೆ ಸುದ್ದಿಯೊಂದು ವೈರಲ್‌ ಆಗಿತ್ತು. ಈ ಬಗ್ಗೆ ಫೇಕ್ ಪೋಸ್ಟ್‌ ಒಂದು ಇಂಟರ್ನೆಟ್‌ ನಲ್ಲಿ ಭಾರೀ ಹರಿದಾಡಿತ್ತು.

ಇದಕ್ಕೆ ರಾಹುಲ್‌ ಸ್ಪಷ್ಟನೆ ನೀಡಿದ್ದಾರೆ. ಪತ್ನಿ ಅತಿಯಾ ಶೆಟ್ಟಿ ಜೊತೆಗೂಡಿ, ಕ್ರಿಕೆಟ್‌ ಸಾಮಾಗ್ರಿಗಳನ್ನು ಹರಾಜಿಗಿಟ್ಟು, ವಿಶೇಷ ಮಕ್ಕಳಿಗಾಗಿ ತಾವು 1.93 ಕೋಟಿ ರೂ. ಸಂಗ್ರಹಿಸಿರುವುದಾಗಿ ಅವರು ಶುಕ್ರವಾರ ತಿಳಿಸಿದ್ದಾರೆ.

ಈ ಬಗ್ಗೆ ಮತ್ತೂಂದು ಪೋಸ್ಟ್‌ ಹಂಚಿಕೊಂಡಿರುವ ರಾಹುಲ್‌, ನಮ್ಮ ಹರಾಜು ಯಶಸ್ವಿಯಾಗಿದೆ. ಈ ಮೂಲಕ ನಾವು ಹಲವಾರು ವಿಶೇಷ ಮಕ್ಕಳಿಗೆ ನೆರವು ನೀಡುವ ಗುರಿಯನ್ನಿಟ್ಟುಕೊಂಡಿದ್ದೇವೆ ಎಂದು ಬರೆದುಕೊಂಡಿದ್ದಾರೆ.

ಕೊಹ್ಲಿ ಜೆರ್ಸಿಗೆ 40 ಲಕ್ಷ ರೂ.: ರಾಹುಲ್‌-ಅತಿಯಾ ನಡೆಸಿದ ಹರಾಜಿನಲ್ಲಿ ವಿರಾಟ್‌ ಕೊಹ್ಲಿಯ ಜೆರ್ಸಿ 40 ಲಕ್ಷ ರೂ.ಗೆ ಮಾರಾಟವಾಗಿದೆ. ಉಳಿದಂತೆ ದುಬಾರಿ ಬೆಲೆಗೆ ಹರಾಜಾದ ವಸ್ತುಗಳೆಂದರೆ ಕೊಹ್ಲಿಯ ಗ್ಲೌಸ್‌ (28 ಲಕ್ಷ), ರೋಹಿತ್‌ ಶರ್ಮಾರ ಕ್ರಿಕೆಟ್‌ ಬ್ಯಾಟ್‌ (24 ಲಕ್ಷ), ಧೋನಿಯ ಬ್ಯಾಟ್‌ (13 ಲಕ್ಷ), ರಾಹುಲ್‌ ದ್ರಾವಿಡ್‌ರ ಬ್ಯಾಟ್‌ (11 ಲಕ್ಷ).

The most expensive buy at the KL Rahul-Athiya conducted auction:

Virat Kohli’s jersey – 40 Lakhs.
Virat Kohli’s gloves – 28 Lakhs.
Rohit Sharma’s bat – 24 Lakhs.
MS Dhoni’s bat – 13 Lakhs.
Rahul Dravid’s bat – 11 Lakhs. pic.twitter.com/ZzPxO2yh5o

— Mufaddal Vohra (@mufaddal_vohra) August 23, 2024