Mangaluru ಕೂಳೂರು ಸೇತುವೆ: ಮೇಲೆ ಡಾಮರು, ಕೆಳಗೆ ಬಿರುಕು!
Team Udayavani, Aug 25, 2024, 11:40 PM IST
ಕೂಳೂರು: ಒಂದೆಡೆ ಕೂಳೂರಿನ ಹಳೆ ಸೇತುವೆಯ ಮೇಲ್ಭಾಗದಲ್ಲಿ ಡಾಮರು ಹಾಕುವ ಕಾಮಗಾರಿ ನಡೆಯುತ್ತಿದೆ. ಆದರೆ ಅದರ ಸಮೀಪದಲ್ಲಿರುವ ಹೊಸ ಸೇತುವೆಯ ಕೆಳಭಾಗದಲ್ಲಿ ನಿರ್ವಹಣೆ ಕೊರತೆಯಿಂದ ಬಿರುಕು ಹೆಚ್ಚಾಗುತ್ತಿದೆ. ಕೆಲವು ಭಾಗದಲ್ಲಿ ಪ್ಲಾಸ್ಟರಿಂಗ್ ಎದ್ದು ಹೋಗಿ ಕಬ್ಬಿಣ ಕಾಣುತ್ತಿದೆ. ಇದು ಸೇತುವೆಯ ಸುರಕ್ಷೆಯ ಬಗ್ಗೆ ದೊಡ್ಡ ಪ್ರಶ್ನೆ ಏಳುವಂತೆ ಮಾಡಿದೆ.
ಕೂಳೂರಿನ ಹೊಸ ಸೇತುವೆಯನ್ನು 1971ರಲ್ಲಿ ನಿರ್ಮಿಸಲಾಗಿದ್ದು, ಅದರ ಬಳಿಕ ತಳ ಭಾಗದಲ್ಲಿ ಇದುವರೆಗೆ ನಿರ್ವಹಣೆ ಕಾರ್ಯ ನಡೆಸಿಲ್ಲ. ಆದಕಾರಣ ಬೀಮ್ ಹಾಗೂ ಸೇತುವೆಯ ಅಡಿ ಭಾಗದಲ್ಲಿ ಪ್ಲಾಸ್ಟರಿಂಗ್ ಎದ್ದು ಹೋಗುತ್ತಿದೆ. ಹೆಚ್ಚೆಚ್ಚು ಘನ ವಾಹನಗಳು ಓಡಾಡುವ ಸೇತುವೆಯಲ್ಲಿ ಕಂಪನ ಹೆಚ್ಚಾಗಿ ತಳಭಾಗದಲ್ಲಿ ಇಂತಹ ಸಮಸ್ಯೆ ಕಾಣಿಸಿಕೊಳ್ಳುತ್ತಿವೆ. ಆದ್ದರಿಂದ ಪ್ರತಿ ವರ್ಷ ನಿರ್ವಹಣೆ ಮಾಡುವುದು ಅಗತ್ಯ. ಆದರೆ ಇಲ್ಲಿ ನಿರ್ವಹಣೆ ಮಾಡದಿರುವುದೇ ಸಮಸ್ಯೆ ಜೀವಂತವಿರಲು ಕಾರಣ ಎಂದು ಹೇಳಲಾಗುತ್ತಿದೆ.
ಹೊಸ ಸೇತುವೆಯ ಎರಡನೇ ಪಿಲ್ಲರ್ ಹಾಗೂ ಮೂರನೇ ಸ್ಲ್ಯಾಬ್ ನ ಅಡಿ ಭಾಗದಲ್ಲಿ ಮಳೆ ನೀರು ಸೋರಿಕೆಯಾದ ಕಡೆಯಲ್ಲೆಲ್ಲ ಕಬ್ಬಿಣದ ರಾಡ್ಗಳು ಮೇಲೆದ್ದಿವೆ. ತಳಭಾಗದಲ್ಲೂ ಇಂಥ ಸಮಸ್ಯೆ ಕಾಣಿಸಿಕೊಂಡಿದೆ.
ಕಳೆದ ಮಳೆಗಾಲದಲ್ಲಿ ಹೊಸದಾಗಿ ನಿರ್ಮಾಣವಾಗುತ್ತಿರುವ ಸೇತುವೆಯ ಕಾಮಗಾರಿಗೆ ಹಾಕಲಾದ ಮಣ್ಣನ್ನು ತೆಗೆಯದ ಪರಿಣಾಮ ಕೆಲವು ಪಿಲ್ಲರ್ಗಳಿಗೆ ನದಿ ನೀರು ರಭಸವಾಗಿ ಹೊಡೆದಿತ್ತು. ಆ ಒತ್ತಡವೂ ಗಾರೆ ಕರಗಿ ಹೋಗಲು ಕಾರಣ ಎಂದು ಹೇಳಲಾಗುತ್ತಿದೆ.
ಸೇತುವೆಯ ಸುರಕ್ಷೆಗಾಗಿ ತುರ್ತು ನಿರ್ವಹಣೆ ಕಾಮಗಾರಿ ನಡೆಸಬೇಕಾಗಿದ್ದು, ಈ ಬಗ್ಗೆ ಜಿಲ್ಲಾಡಳಿತ ಹೆದ್ದಾರಿ ಇಲಾಖೆ ಸೂಕ್ತ ಕ್ರಮ ಕೈಗೊಳ್ಳಬೇಕಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.