US Open 2024: ಹಾಲಿ ಚಾಂಪಿಯನ್ನರಿಗೆ ಗೆಲುವು
Team Udayavani, Aug 27, 2024, 11:00 PM IST
ನ್ಯೂಯಾರ್ಕ್: ಹಾಲಿ ಚಾಂಪಿಯನ್ಗಳಾದ ನೊವಾಕ್ ಜೊಕೋವಿಕ್ ಮತ್ತು ಕೊಕೊ ಗಾಫ್ ಯುಎಸ್ ಓಪನ್ ಟೆನಿಸ್ ಪಂದ್ಯಾವಳಿಯಲ್ಲಿ ಗೆಲುವಿನ ಆರಂಭ ಪಡೆದಿದ್ದಾರೆ.
25ನೇ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿಯ ಹುಡುಕಾಟದಲ್ಲಿರುವ ದ್ವಿತೀಯ ಶ್ರೇಯಾಂಕದ ಜೊಕೋವಿಕ್ ಮಾಲ್ಡೋವಾದ 138ನೇ ರ್ಯಾಂಕ್ ಆಟಗಾರ ರಾಡು ಅಲ್ಬೋಟ್ ಅವರನ್ನು 6-2, 6-2, 6-4ರಿಂದ ಮಣಿಸಿದರು. ಜೊಕೋವಿಕ್ ಮುಂದಿನ ಸುತ್ತಿನಲ್ಲಿ ತಮ್ಮದೇ ದೇಶದ ಲಾಸ್ಲೊ ಡಿಜೆರೆ ವಿರುದ್ಧ ಆಡಲಿದ್ದಾರೆ.
ಮೊದಲ ದಿನದ ಏರುಪೇರಿನ ಫಲಿತಾಂಶ ಅಮೆರಿಕದ ಬೆನ್ ಶೆಲ್ಟನ್ ಅವರಿಂದ ದಾಖಲಾಯಿತು. ಶೆಲ್ಟನ್ ಮಾಜಿ ಚಾಂಪಿಯನ್, ಆಸ್ಟ್ರಿಯಾದ ಡೊಮಿನಿಕ್ ಥೀಮ್ ಅವರನ್ನು 6-4, 6-2, 6-2ರಿಂದ ಉರುಳಿಸಿದರು.
ಅಮೆರಿಕದ ಫ್ರಾನ್ಸೆಸ್ ಥಿಯಾಫೊ, ಟೇಲರ್ ಫ್ರಿಟ್ಜ್, ಜರ್ಮನಿಯ ಅಲೆಕ್ಸಾಂಡರ್ ಜ್ವೆರೇವ್ ದ್ವಿತೀಯ ಸುತ್ತಿಗೆ ಏರಿದ ಪ್ರಮುಖರು.
ವನಿತಾ ಸಿಂಗಲ್ಸ್
ವನಿತಾ ಸಿಂಗಲ್ಸ್ನಲ್ಲಿ ಕೊಕೊ ಗಾಫ್ ಫ್ರಾನ್ಸ್ನ ವರ್ವರಾ ಗ್ರಶೇವಾ ವಿರುದ್ಧ 6-2, 6-0 ಅಂತರದ ನಿರಾಯಾಸದ ಜಯ ಸಾಧಿಸಿದರು.
ವನಿತಾ ಸಿಂಗಲ್ಸ್ನ ಉಳಿದ ಪಂದ್ಯಗಳಲ್ಲಿ ಅರಿನಾ ಸಬಲೆಂಕಾ 6-3, 6-3ರಿಂದ ಅರ್ಹತಾ ಆಟ ಗಾರ್ತಿ ಪ್ರಿಸ್ಕಿಲ್ಲಾ ಹಾನ್ ಅವರನ್ನು ಮಣಿಸಿದರು. ಆತಿಥೇಯ ದೇಶದ ಮ್ಯಾಡಿಸನ್ ಕೀಸ್ ಜೆಕ್ ಆಟಗಾರ್ತಿ ಕ್ಯಾಥರಿನಾ ಸಿನಿಯಕೋವಾ ವಿರುದ್ಧ 6-4, 6-1ರ ಮೇಲುಗೈ ಸಾಧಿಸಿದರು. ಚೀನದ ಕ್ವಿನ್ವೆನ್ ಜೆಂಗ್ ಆತಿಥೇಯ ದೇಶದ ಅಮಂಡಾ ಅನಿಸಿಮೋವಾ ವಿರುದ್ಧ 3 ಸೆಟ್ಗಳ ಹೋರಾಟ ನಡೆಸಿ 4-6, 6-4, 6-2ರಿಂದ ಗೆದ್ದು ಬಂದರು.
ಉಕ್ರೇನಿನ ಎಲಿನಾ ಸ್ವಿಟೋಲಿನಾ ಆರ್ಜೆಂಟೀನಾದ ಮರಿಯಾ ಲಾರ್ಡೆಸ್ ಕಾರ್ಲೆ ಅವರನ್ನು 3-6, 6-3, 6-4ರಿಂದ ಹಿಮ್ಮೆಟ್ಟಿಸಿದರು. ರಷ್ಯಾದ ದರಿಯಾ ಕಸತ್ಕಿನಾ ರೊಮೇನಿಯಾದ ಜಾಕ್ವೆಲಿನ್ ಕ್ರಿಸ್ಟಿನ್ ವಿರುದ್ಧ 6-2, 6-4 ಅಂತರದ ಜಯ ಸಾಧಿಸಿದರು.
ಗ್ರೀಕ್ನ ಮರಿಯಾ ಸಕ್ಕರಿ ಚೀನದ ಯಫಾನ್ ವಾಂಗ್ ವಿರುದ್ಧ ಆಡು ತ್ತಿರುವಾಗ ಗಾಯಾಳಾಗಿ ಹೊರಬಿದ್ದರು. ಆಗ ವಾಂಗ್ 6-2ರಿಂದ ಮೊದಲ ಸೆಟ್ ಜಯಿಸಿದ್ದರು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.