Bengaluru Jail: ದರ್ಶನ್‌ನನ್ನು ಗುರಿ ಮಾಡಲಾಗಿದೆ: ಮಾಜಿ ಸಂಸದೆ ಸುಮಲತಾ

Team Udayavani, Aug 27, 2024, 11:44 PM IST

ಬೆಂಗಳೂರು: ಈಗ ನಡೆದಿರುವುದು ಸರಿಯಲ್ಲ, ವ್ಯವಸ್ಥೆಯಲ್ಲಿರುವ ಭ್ರಷ್ಟಾಚಾರವಿದು. ಆದರೆ ನೀವು (ಮಾಧ್ಯಮಗಳು) ಒಬ್ಬ ವ್ಯಕ್ತಿಯನ್ನು ಏಕೆ ಗುರಿ ಮಾಡುತ್ತಿದ್ದೀರಿ? ಈ ಬಗ್ಗೆ ಜೈಲಿನ ಅಧಿಕಾರಿಗಳನ್ನು, ಇಲಾಖೆಯನ್ನು ಪ್ರಶ್ನೆ ಮಾಡಬೇಕಿದೆ. ಜೈಲು ವ್ಯವಸ್ಥೆಯನ್ನು ಸರಿಮಾಡಬೇಕಾದುದು ಸಚಿವಾಲಯದ ಜವಾಬ್ದಾರಿ ಎಂದು ಮಂಡ್ಯದ ಮಾಜಿ ಸಂಸದೆ ಸುಮಲತಾ ಅಂಬ ರೀಷ್‌ ಹೇಳಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ದರ್ಶನ್‌ ನಮಗೆ ಆಪ್ತ. ನಾನು ಮಾತನಾಡಿದರೆ ವಿವಾದ
ವಾಗುತ್ತದೆ. ಆದರೆ ಎಲ್ಲರಿಗೂ ಗೊತ್ತಿರುವ ವಿಚಾರವೆಂದರೆ ಜೈಲಲ್ಲಿ ಹೀಗೆ ನಡೆಯುತ್ತಿರು ವುದು ಇದು ಮೊದಲಾ? ಈಗ ದರ್ಶನ್‌ ಪ್ರಕರಣದ ಬಗ್ಗೆ ಪ್ರಶ್ನೆ ಮಾಡುತ್ತಿರುವ ಮಾಧ್ಯಮ ಗಳು ಈ ಮುಂಚೆ ಏಕೆ ಕೇಳಲಿಲ್ಲ? ಎಂದು ಪ್ರಶ್ನಿಸಿದರು.

ಜೈಲುಗಳಲ್ಲಿ ಸ್ವಲ್ಪ ಹಣ ಖರ್ಚು ಮಾಡಿದರೆ ಎಲ್ಲವೂ ಲಭ್ಯ. ಪರಪ್ಪನ ಅಗ್ರಹಾರ ಮಾತ್ರವಲ್ಲ, ಪ್ರತೀ ಜೈಲಿನಲ್ಲಿಯೂ ಇದು ನಡೆಯುತ್ತಿದೆ. ಅಮೆರಿಕ ಜೈಲೂ ಇದಕ್ಕೆ ಹೊರತಲ್ಲ ಎಂದರು.