Mollywood: ಅತ್ಯಾಚಾರ ಮಾಡಿ, ನಗ್ನ ಫೋಟೋ ಸೆರೆ; ಸಹಾಯಕ ನಿರ್ದೇಶಕನ ವಿರುದ್ಧ ನಟಿ ಆರೋಪ

Team Udayavani, Aug 29, 2024, 5:20 PM IST

ತಿರುವನಂತಪುರಂ: ಹೇಮಾ ಸಮಿತಿ ವರದಿ (Hema Committee Report) ಸಲ್ಲಿಕೆಯಾದ ಬೆನ್ನಲ್ಲೇ  ಮಾಲಿವುಡ್‌ ಸಿನಿಮಾರಂಗದಲ್ಲಿ ನಡೆದಿದ್ದ ದೌರ್ಜನ್ಯ ಹಾಗೂ ಕಿರುಕುಳ ಪ್ರಕರಣಗಳು ಬೆಳಕಿಗೆ ಬರುತ್ತಿದೆ.

ಮಲಯಾಳಂ ನಿರ್ದೇಶಕ ರಂಜಿತ್ (Malayalam director Ranjith), ಹಿರಿಯ ನಟ ಸಿದ್ದೀಕ್ (Actor Siddique) ಕಾಲಿವುಡ್‌ – ಮಾಲಿವುಡ್‌ ನಟ ರಿಯಾಜ್ ಖಾನ್ (Actor Riyaz Khan), ಮುಕೇಶ್‌, ಮಣಿಯನ್ ಪಿಳ್ಳ ರಾಜು, ನಟ ಜಯಸೂರ್ಯ, ಚಂದ್ರಶೇಖರನ್ ಸೇರಿದಂತೆ 17 ಮಂದಿಯ  ವಿರುದ್ಧ ಅಸಭ್ಯ ವರ್ತನೆ ಹಾಗೂ ಕಿರುಕುಳದ ಆರೋಪ ಕೇಳಿ ಬಂದಿದೆ.

ಪೃಥ್ವಿರಾಜ್ ಸುಕುಮಾರನ್ (Prithviraj Sukumaran) ಮತ್ತು ಮೋಹನ್ ಲಾಲ್( Mohanlal) ಅವರ 2022ರ ಚಲನಚಿತ್ರ ʼಬ್ರೋ ಡ್ಯಾಡಿʼ (Bro Daddy) ಚಿತ್ರದ ಸಹಾಯಕ ನಿರ್ದೇಶಕರ (Assistant director) ಮೇಲೆ ಅತ್ಯಾಚಾರ ಮತ್ತು ನಗ್ನ ಚಿತ್ರಗಳೊಂದಿಗೆ ಬ್ಲ್ಯಾಕ್ ಮೇಲ್ ಮಾಡಿರುವ ಆರೋಪವನ್ನು ಜೂನಿಯರ್‌ ಅರ್ಟಿಸ್ಟ್‌ (Junior artist) ಮಾಡಿದ್ದಾರೆ.

ಇದನ್ನೂ ಓದಿ: Actress: ಲೈವ್‌ನಲ್ಲೇ ಕಣ್ಣಿರಿಟ್ಟು ರಾಜಕಾರಣಿಯ ʼಕಾಮದಾಟʼದ ರಹಸ್ಯ ಬಿಚ್ಚಿಟ್ಟ ಖ್ಯಾತ ನಟಿ

ಆರೋಪವೇನು?: 2021ರಲ್ಲಿ ʼಬ್ರೋ ಡ್ಯಾಡಿʼ ಸಿನಿಮಾದಲ್ಲಿ ಮದುವೆಯ ದೃಶ್ಯದಲ್ಲಿ ನಟಿಸುವ ದೃಶ್ಯವೊಂದಿತ್ತು. ಸಿನಿಮಾದ ಸಹಾಯಕ ನಿರ್ದೇಶಕ ಮನ್ಸೂರ್ ರಶೀದ್ (Mansoor Rasheed) ಸಿನಿಮಾದಲ್ಲಿ ಹೆಚ್ಚಿನ ದೃಶ್ಯದಲ್ಲಿ ನಟಿಸಲು ಅವಕಾಶ ನೀಡುತ್ತೇನೆ ಎನ್ನುವ ನೆಪದಲ್ಲಿ ನನ್ನನ್ನು ಚಿತ್ರದ ಸಿಬ್ಬಂದಿ ತಂಗಿದ್ದ ಹೋಟೆಲ್ ಕೋಣೆಗೆ ಕರೆದೊಯ್ದರು. ನಂತರ ಪಾನೀಯದಲ್ಲಿ ಅಮಲು ಬರುವ ಪದಾರ್ಥವನ್ನು ಹಾಕಿ ನನ್ನ ಮೇಲೆ ಅತ್ಯಾಚಾರ ಎಸಗಿದ್ದಾರೆ ಎಂದು ಆರೋಪಿಸಿದ್ದಾರೆ.

ಮನ್ಸೂರ್ ನನ್ನ ನಗ್ನ ಫೋಟೋಗಳನ್ನು ಕ್ಲಿಕ್ಕಿಸಿ, ಆ ಫೋಟೋಗಳನ್ನು ಇಟ್ಟುಕೊಂಡು ನನಗೆ ಬ್ಲ್ಯಾಕ್‌ ಮೇಲ್‌ (Blackmail) ಮಾಡಿ ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆ. ನಗ್ನ ಫೋಟೋಗಳನ್ನು ಬಳಸಿ ರಶೀದ್ ನನ್ನಿಂದ ಹಲವಾರು ಬಾರಿ ಬ್ಲ್ಯಾಕ್‌ಮೇಲ್ ಮಾಡಿ ಹಣ ವಸೂಲಿ ಮಾಡಿದ್ದಾರೆ ಎಂದು ನಟಿ ಆರೋಪಿಸಿದ್ದಾರೆ.

ಈ ಕುರಿತು ಹೈದರಾಬಾದ್ ಪೊಲೀಸರಿಗೆ ನಟಿ ದೂರು ನೀಡಿದ ಬಳಿಕ ಪ್ರಕರಣವನ್ನು ದಾಖಲಿಸಲಾಗಿದೆ. ಆದರೆ ಮನ್ಸೂರ್‌ ಇದುವರೆಗೆ ಪತ್ತೆಯಾಗಿಲ್ಲ. ಮನ್ಸೂರು ಊರು ಬಿಟ್ಟು ಓಡಿ ಹೋಗಲು ರಾಜಕಾರಣಿಗಳು ಸಹಾಯ ಮಾಡಿದ್ದಾರೆ ಎಂದು ದೂರುದಾರೆ ಆರೋಪಿಸಿದ್ದಾರೆ.