US Open-2024; ಮೂರನೇ ಸುತ್ತಿಗೆ ಸಿನ್ನರ್, ಸ್ವಿಯಾಟೆಕ್: ಅಲ್ಕರಾಜ್ಗೆ ಸೋಲಿನ ಆಘಾತ
Team Udayavani, Aug 31, 2024, 12:16 AM IST
ಬೋಟಿಲ್ ವಾನ್ ಡೆ ಝಾಂಡ್ಶಪ್
ನ್ಯೂಯಾರ್ಕ್: ವಿಶ್ವದ ಅಗ್ರ ರ್ಯಾಂಕ್ ಆಟಗಾರರಾದ ಜಾನಿಕ್ ಸಿನ್ನರ್ ಮತ್ತು ಇಗಾ ಸ್ವಿಯಾಟೆಕ್ ಯುಎಸ್ ಓಪನ್ ಗ್ರ್ಯಾನ್ಸ್ಲಾಮ್ ಪಂದ್ಯಾವಳಿಯ ಮೂರನೇ ಸುತ್ತು ತಲುಪಿದ್ದಾರೆ. ಆದರೆ ಮಾಜಿ ಚಾಂಪಿಯನ್ಗಳಾದ ಕಾರ್ಲೋಸ್ ಅಲ್ಕರಾಜ್ ಮತ್ತು ನವೋಮಿ ಒಸಾಕಾ ಅವರ ಆಟ ಕೊನೆಗೊಂಡಿದೆ.
ಇಗಾ ಸ್ವಿಯಾಟೆಕ್ ಜಪಾನಿನ ಅರ್ಹತಾ ಆಟ ಗಾರ್ತಿ ಎನಾ ಶಿಬಹಾರ ಅವರನ್ನು 6-0, 6-1ರಿಂದ ಸುಲಭದಲ್ಲಿ ಸೋಲಿಸಿದರು. ಆದರೆ ಜಪಾನಿನ ನವೋಮಿ ಒಸಾಕಾ ಅವರ ಆಟಕ್ಕೆ ಕ್ಯಾರೋಲಿನಾ ಮುಖೋವಾ 6-3, 7-6 (5)ರಿಂದ ತೆರೆ ಎಳೆದರು.
ಇಟಲಿಯ ಪ್ರತಿಭಾನ್ವಿತ ಆಟಗಾರ್ತಿ ಜಾಸ್ಮಿನ್ ಪೌಲಿನಿ ಕೂಡ ಮುನ್ನಡೆ ಸಾಧಿಸಿದ್ದಾರೆ. ಎದುರಾಳಿ ಕ್ಯಾರೋಲಿನಾ ಪ್ಲಿಸ್ಕೋವಾ ಪಂದ್ಯದ ನಡುವೆ ಗಾಯಾ ಳಾಗಿ ಹಿಂದೆ ಸರಿದ ಕಾರಣ ಪೌಲಿನಿ ಮುನ್ನಡೆ ಸುಗಮಗೊಂಡಿತು. 4ನೇ ಶ್ರೇಯಾಂಕದ ಎಲೆನಾ ರಿಬಾಕಿನಾ ಕೂಡ ದ್ವಿತೀಯ ಸುತ್ತಿನ ಸ್ಪರ್ಧೆಗೂ ಮುನ್ನ ಬೆನ್ನುನೋವಿನಿಂದಾಗಿ ಕೂಟದಿಂದ ಹಿಂದೆ ಸರಿದರು.
ಉಳಿದಂತೆ ಜೆಸ್ಸಿಕಾ ಪೆಗುಲಾ, ಅನ್ನಾ ಕಲಿನ್ಸ್ಕಾಯಾ, ಲುಡ್ಮಿಲಾ ಸಾಮೊÕàನೋವಾ, ಡಯಾನಾ ಶ್ನೆ„ಡರ್ ಕೂಡ ಎರಡನೇ ಸುತ್ತು ದಾಟಿದ್ದಾರೆ. ಪೆಗುಲಾ “ಆಲ್ ಅಮೆರಿಕನ್’ ಪಂದ್ಯವೊಂದರಲ್ಲಿ ಸೋಫಿಯಾ ಕೆನಿನ್ಗೆ ಸೋಲುಣಿಸಿದರು.
ಪುರುಷರ ಸಿಂಗಲ್ಸ್
ಪುರುಷರ ಸಿಂಗಲ್ಸ್ನಲ್ಲಿ ಜಾನಿಕ್ ಸಿನ್ನರ್ ಆತಿಥೇಯ ದೇಶದ ಅಲೆಕ್ಸ್ ಮೈಕಲ್ಸನ್ ವಿರುದ್ಧ 6-4, 6-0, 6-2ರಿಂದ ಗೆದ್ದು ಬಂದರು. 2021ರ ಚಾಂಪಿಯನ್, 5ನೇ ಶ್ರೇಯಾಂಕದ ಡ್ಯಾನಿಲ್ ಮೆಡ್ವೆಡೇವ್, 10ನೇ ಶ್ರೇಯಾಂಕದ ಅಲೆಕ್ಸ್ ಡಿ ಮಿನೌರ್ ಮೂಡ 3ನೇ ಸುತ್ತು ತಲುಪಿದ್ದಾರೆ. ಮೆಡ್ವೆಡೇವ್ ಹಂಗೇರಿಯ ಫ್ಯಾಬಿಯನ್ ಮರೊಝಾನ್ ಅವರನ್ನು 6-3, 6-2, 7-6 (7-5) ಅಂತರದಿಂದ, ಆಸ್ಟ್ರೇಲಿಯದ ಅಲೆಕ್ಸ್ ಡಿ ಮಿನೌರ್ ಫಿನ್ಲಂಡ್ನ ಓಟೊ ವಿರ್ಟಾನೆನ್ ಅವರನ್ನು 7-5, 6-1, 7-6 (7-3)ರಿಂದ ಹಿಮ್ಮೆಟ್ಟಿಸಿದರು.
7ನೇ ಶ್ರೇಯಾಂಕದ ಹರ್ಬರ್ಟ್ ಹುರ್ಕಾಝ್ ಮತ್ತು 16ನೇ ಶ್ರೇಯಾಂಕದ ಸೆಬಾಸ್ಟಿಯನ್ ಕೋರ್ಡ ಪರಾಭವಗೊಂಡರು.
ಬೋಪಣ್ಣ-ಎಬ್ಡೆನ್ ದ್ವಿತೀಯ ಸುತ್ತಿಗೆ
ಕಳೆದ ವರ್ಷದ ಫೈನಲ್ನಲ್ಲಿ ಎಡವಿದ್ದ ರೋಹನ್ ಬೋಪಣ್ಣ-ಮ್ಯಾಥ್ಯೂ ಎಬ್ಡೆನ್ (ಆಸ್ಟ್ರೇಲಿಯ) ಯುಎಸ್ ಓಪನ್ ಪುರುಷರ ಡಬಲ್ಸ್ ನಲ್ಲಿ ಮೊದಲ ಸುತ್ತನ್ನು ದಾಟಿದ್ದಾರೆ. ಇವರಿಬ್ಬರು ಸೇರಿಕೊಂಡು ನೆದರ್ಲೆಂಡ್ಸ್ನ ಸ್ಯಾಂಡರ್ ಆರೆಂಡ್ಸ್-ರಾಬಿನ್ ಹಾಸೆ ವಿರುದ್ಧ 6-3, 7-5 ಅಂತರದ ಗೆಲುವು ಸಾಧಿಸಿದರು.
ಅಲ್ಕರಾಜ್ಗೆ ಸೋಲಿನ ಆಘಾತ
ಸ್ಪೇನಿನ ನೆಚ್ಚಿನ ಆಟಗಾರ ಕಾರ್ಲೋಸ್ ಅಲ್ಕರಾಜ್ ಅವರ ಸತತ 15 ಪಂದ್ಯಗಳ ಗ್ರ್ಯಾನ್ಸ್ಲಾಮ್ ಗೆಲುವಿನ ಓಟಕ್ಕೆ ನ್ಯೂಯಾರ್ಕ್ನಲ್ಲಿ ತೆರೆ ಬಿದ್ದಿದೆ. ದ್ವಿತೀಯ ಸುತ್ತಿನ ಪಂದ್ಯದಲ್ಲಿ ಅವರನ್ನು ನೆದರ್ಲೆಂಡ್ಸ್ನ, 74ನೇ ರ್ಯಾಂಕ್ ಆಟಗಾರ ಬೋಟಿಲ್ ವಾನ್ ಡೆ ಝಾಂಡ್ಶಪ್ 6-1, 7-5, 6-4 ಅಂತರದಿಂದ ಮಣಿಸಿ ಕೂಟದ ದೊಡ್ಡದೊಂದು ಏರುಪೇರಿನ ಫಲಿತಾಂಶ ದಾಖಲಿಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Cricket: ಒಂದೇ ಫ್ರೇಮ್ನಲ್ಲಿ ಗಂಭೀರ್- ಕೊಹ್ಲಿ; ಹಳೆ ದಿನಗಳನ್ನು ಸ್ಮರಿಸಿದ ಸ್ನೇಹಿತರು
T20 world cup 2024; ವನಿತೆಯರ ವಿಶ್ವಕಪ್ ನಿಧಿಯಲ್ಲಿ ಭಾರೀ ಏರಿಕೆ, ಸಮಾನ ಬಹುಮಾನ: ಐಸಿಸಿ
Ranji Trophy: ಸಂಭಾವ್ಯ ತಂಡದಲ್ಲಿ ಸಮಿತ್ ದ್ರಾವಿಡ್
Champions Trophy; ಭದ್ರತೆ ಪರಿಶೀಲನೆಗೆ ಐಸಿಸಿ ನಿಯೋಗ ಕರಾಚಿಗೆ
China Open Badminton: ಪ್ರಿಯಾಂಶು ರಾಜಾವತ್ ಹೊರಕ್ಕೆ
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.