Kundapur: ಸೂಟ್‌ಕೇಸ್‌ನಲ್ಲಿಟ್ಟಿದ್ದ ಚಿನ್ನಾಭರಣ ಕಳವು

Team Udayavani, Aug 31, 2024, 7:50 PM IST

ಕುಂದಾಪುರ: ಗುಲ್ವಾಡಿ ಗ್ರಾಮದ ಶೆಟ್ರಕಟ್ಟೆಯ ಕಲ್ಕಂಬ ಎಂಬಲ್ಲಿನ ಮಾವನ ಮನೆಗೆ ಗೃಹ ಪ್ರವೇಶಕ್ಕೆ ಕುಟುಂಬ ಸಮೇತ ಬಂದಿದ್ದಾಗ, ಕಾರ್ಯಕ್ರಮ ಮುಗಿಸಿ, ಸೂಟ್‌ಕೇಸ್‌ನಲ್ಲಿ ಇಟ್ಟಿದ್ದ ಒಟ್ಟು 100 ಗ್ರಾಂ ತೂಕದ, ಅಂದಾಜು 4.80 ಲಕ್ಷ ರೂ. ಮೌಲ್ಯದ 3 ಚಿನ್ನದ ಬಳೆಗಳು ಕಳವು ಆಗಿರುವುದಾಗಿ ಸಿದ್ದಾಪುರದ ಮರಿಯಮ್‌ ಶಹರೀನ್‌ (26) ದೂರು ನೀಡಿದ್ದಾರೆ.

ಮಾವ ಮೊಹಮ್ಮದ್‌ ಖಾಸಿಂ ಅವರ ಮನೆಗೆ ಗೃಹ ಪ್ರವೇಶ ಹಾಗೂ ಮದುವೆ ಕಾರ್ಯಕ್ರಮಕ್ಕೆ ಆ.22 ರಂದು ಬಂದಿದ್ದು, ಆ. 26 ರಂದು ಸಂಜೆ ಕಾರ್ಯಕ್ರಮ ಮುಗಿಸಿ, ತಾನು ಧರಿಸಿದ್ದ 3 ಚಿನ್ನದ ಬಳೆಗಳು ಹಾಗೂ ಇತರೆ ಚಿನ್ನಾಭರಣಗಳನ್ನು ಬಟ್ಟೆಗಳಿರುವ ಸೂಟ್‌ಕೇಸ್‌ನಲ್ಲಿ ಇಡಲಾಗಿತ್ತು. ಆ.27ರ ಸಂಜೆ ಸೂಟ್‌ಕೇಸ್‌ ತೆರೆದು ನೋಡಿದಾಗ ಅದರಲ್ಲಿಟ್ಟಿದ್ದ ತಲಾ 23 ಗ್ರಾಂ ತೂಕದ ತಲಾ 1.10 ಲಕ್ಷ ರೂ. ಮೌಲ್ಯದ 2 ಚಿನ್ನದ ಬಳೆ ಹಾಗೂ 54 ಗ್ರಾಂ ತೂಕದ 2.60 ಲಕ್ಷ ರೂ. ಮೌಲ್ಯದ 1 ಚಿನ್ನದ ಬಳೆಗಳನ್ನು ಯಾರೂ ಕಳವು ಮಾಡಿರುವುದಾಗಿದೆ.

ಕುಂದಾಪುರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.