Japan: ಜಪಾನ್ನಲ್ಲಿ ಒಂಟಿಯಾಗಿರುವ 37 ಸಾವಿರ ಮಂದಿ ಸಾವು!
Team Udayavani, Sep 1, 2024, 7:10 AM IST
ಟೋಕಿಯೋ: ವೃದ್ಧರ ಸಂಖ್ಯೆ ಹೆಚ್ಚಾಗಿ, ಯುವಜನರ ಸಂಖ್ಯೆ ಕಡಿಮೆಯಾಗುತ್ತಿರುವ ಸಮಸ್ಯೆ ಎದುರಿಸುತ್ತಿರುವ ಜಪಾನ್ನಲ್ಲಿ ಇದೀಗ ವೃದ್ಧರ ಸುರಕ್ಷತೆಯ ವಿಚಾರವೂ ಸವಾಲಾಗಿದೆ.
2024ರ ಮೊದಲಾರ್ಧದಲ್ಲೇ ಮನೆಗಳಲ್ಲಿ ಒಬ್ಬಂಟಿಯಾಗಿರುವ 37 ಸಾವಿರ ಮಂದಿ ಮೃತಪಟ್ಟಿದ್ದು, ಈ ಪೈಕಿ ಶೇ.70 ಮಂದಿ 65 ವರ್ಷದ ಮೇಲ್ಪಟ್ಟವರಾಗಿದ್ದಾರೆ ಎಂದು ಜಪಾನ್ನ ನ್ಯಾಷನಲ್ ಪೊಲೀಸ್ ಏಜೆನ್ಸಿ ವರದಿ ನೀಡಿದೆ.
ಅದರಲ್ಲಿ 4 ಸಾವಿರದಷ್ಟು ಮಂದಿ ಮೃತಪಟ್ಟ ಒಂದು ತಿಂಗಳ ಬಳಿಕ ಅವರು ಸತ್ತ ಮಾಹಿತಿ ದೊರೆತಿದೆ. ಜತೆಗೆ ಕಾಣೆಯಾಗಿ ಒಂದು ವರ್ಷವಾದ ಬಳಿಕ 130 ಮೃತದೇಹಗಳು ದೊರೆತಿದೆ ಎಂದು ವರದಿ ಹೇಳಿದೆ.
ನ್ಯಾಷನಲ್ ಪೊಲೀಸ್ ಏಜೆನ್ಸಿಯ ಮಾಹಿತಿಯ ಪ್ರಕಾರ ಒಂಟಿಯಾಗಿ ಬದುಕುತ್ತಿದ್ದ ಸುಮಾರು 37,227 ಮಂದಿಯ ಮೃತದೇಹ ಮನೆಯಲ್ಲಿ ದೊರೆತಿದೆ. ಅವರಲ್ಲಿ ಶೇ.70ರಷ್ಟು ಮಂದಿ 65ರ ವಯಸ್ಸು ದಾಟಿದವರು ಎನ್ನಲಾಗಿದೆ. ಶೇ.40ರಷ್ಟು ಮಂದಿಯ ದೇಹ ಅವರು ಸತ್ತ ಒಂದು ದಿನದಲ್ಲೇ ದೊರೆತಿದೆ. ಆದರೆ 3,939 ಮಂದಿಯ ಮೃತದೇಹ ಅವರು ಸತ್ತು ಒಂದು ತಿಂಗಳು ಕಳೆದ ಬಳಿಕ ದೊರೆತಿದೆ. 130 ಮಂದಿ ನಾಪತ್ತೆಯಾಗಿದ್ದಾರೆ ಎಂದುಕೊಂಡ ಒಂದು ವರ್ಷದ ಬಳಿಕ ಶವವಾಗಿ ಪತ್ತೆಯಾಗಿದ್ದಾರೆ. ಅದರಲ್ಲಿ 85 ವರ್ಷ ಮೇಲ್ಪಟ್ಟವರ 7,498 ಶವಗಳು, 75-79 ವರ್ಷದವರ 5,920 ಶವಗಳು ದೊರೆತಿವೆ.
ಹೆಚ್ಚುತ್ತಲೇ ಇದೆ ಒಬ್ಬಂಟಿಗರ ಸಂಖ್ಯೆ:
ಈ ವರ್ಷದ ಆರಂಭದಲ್ಲಿ ರಾಷ್ಟ್ರೀಯ ಜನಸಂಖ್ಯಾ ಹಾಗೂ ಸಾಮಾಜಿಕ ಭದ್ರತಾ ಸಂಶೋಧನಾ ಸಂಸ್ಥೆ ನಡೆಸಿದ್ದ ವರದಿಯ ಪ್ರಕಾರ ದೇಶದಲ್ಲಿ ಒಂಟಿಯಾಗಿ ಬದುಕುತ್ತಿರುವ ಹಿರಿಯ ನಾಗರಿಕರ ಸಂಖ್ಯೆ(65 ವರ್ಷ ಮೇಲ್ಪಟ್ಟು) 2050ರ ವೇಳೆಗೆ 1.8 ಕೋಟಿಯಷ್ಟು ತಲುಪಲಿದೆ. ಅದೇ ವರ್ಷ ದೇಶದಲ್ಲಿ ಒಂಟಿಯಾಗಿ ಬದುಕುವವರ ಒಟ್ಟು ಜನರ ಸಂಖ್ಯೆ 2.33 ಕೋಟಿ ದಾಟಲಿದೆ ಎಂದು ಅಂದಾಜಿಸಲಾಗಿದೆ.
ಜಪಾನ್ನಲ್ಲಿ ಪ್ರತಿ 10 ಮಂದಿಯ ಪೈಕಿ ಒಬ್ಬರು 80 ವರ್ಷದವರಿದ್ದು, ಗ್ರಾಮೀಣ ಭಾಗದಲ್ಲಂತೂ ವೃದ್ಧರ ಸಂಖ್ಯೆ ತೀವ್ರ ಹೆಚ್ಚಳವಾಗಿದೆ. ಮನೆಯ ಕಿರಿಯರು ಕೂಡ ಕೆಲಸಗಳನ್ನು ಅರಸಿ ಪಟ್ಟಣಗಳತ್ತ ಹೊರಟ ಹಿನ್ನೆಲೆಯಲ್ಲಿ ವೃದ್ಧರು ಒಬ್ಬಂಟಿಯಾಗಿದ್ದಾರೆ. ಹಬ್ಬ ಆಚರಣೆಗಳ ಸಿದ್ಧತೆಯನ್ನೂ ವೃದ್ಧರು ಮಾಡಲು ಸಾಧ್ಯವಾಗದ ಕಾರಣಕ್ಕೆ ಇತ್ತೀಚೆಗಷ್ಟೇ (ಫೆ.17) ಸಾವಿರ ವರ್ಷಗಳಿಂದ ಆಚರಿಸಿಕೊಂಡು ಬರುತ್ತಿದ್ದ ಜಪಾನ್ ಸಾಂಪ್ರದಾಯಿಕ ಸೊಮಿನ್ಸೈ ಹಬ್ಬವನ್ನೂ ಅಂತ್ಯಗೊಳಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Jammu and Kashmir:ಕಲಂ 370 ಪುನರ್ ಜಾರಿ-ಕಾಂಗ್ರೆಸ್, ಎನ್ ಸಿ ನಿಲುವಿಗೆ ಪಾಕ್ ಬೆಂಬಲ!
Legal Bid: ಯುರೋಪಿನಲ್ಲಿ 13,000 ಕೋಟಿ ರೂ. ಕಾನೂನು ಸಮರ ಗೆದ್ದ ಗೂಗಲ್!
Explode in Lebanon: ಪೇಜರ್ ಬಳಿಕ ವಾಕಿಟಾಕಿ ಸ್ಫೋಟ: 14 ಮಂದಿ ಸಾವು
Israel: ಹೆಜ್ಬುಲ್ಲಾ ಬಳಸಿದ್ದ ಪೇಜರ್ಸ್ ಒಳಗೆ ಸ್ಫೋಟಕ ಅಳವಡಿಸಿದ್ದ ಇಸ್ರೇಲ್ ನ ಮೊಸ್ಸಾದ್!
Diddy ;ಸೆ*ಕ್ಸ್ ದಂಧೆ ಆರೋಪ: ಅಮೆರಿಕದ ಖ್ಯಾತ ಹಿಪ್-ಹಾಪ್ ಸ್ಟಾರ್ ಬಂಧನ
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.