US Open-2024: ಜಾನಿಕ್‌ ಸಿನ್ನರ್‌, ಸ್ವಿಯಾಟೆಕ್‌ ಓಟ ನಿರಾತಂಕ

Team Udayavani, Sep 2, 2024, 12:47 AM IST

ನ್ಯೂಯಾರ್ಕ್: ಹಾಲಿ ಚಾಂಪಿಯನ್‌ ನೊವಾಕ್‌ ಜೊಕೋ ವಿಕ್‌ ಮತ್ತು ಅಪಾಯಕಾರಿ ಆಟ ಗಾರ ಕಾರ್ಲೋಸ್‌ ಅಲ್ಕರಾಜ್‌ ಅವರ ನಿರ್ಗಮನದ ಬಳಿಕ ನೆಚ್ಚಿನ ಟೆನಿಸಿ ಗನಾಗಿ ಉಳಿದಿರುವ ಜಾನಿಕ್‌ ಸಿನ್ನರ್‌ ಯುಎಸ್‌ ಓಪನ್‌ ಗ್ರ್ಯಾನ್‌ಸ್ಲಾಮ್‌ ಪಂದ್ಯಾವಳಿಯ 3ನೇ ಸುತ್ತು ದಾಟಿ ಪ್ರಿ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ್ದಾರೆ.

ಇಟಲಿಯ ಜಾನಿಕ್‌ ಸಿನ್ನರ್‌ ಆಸ್ಟ್ರೇಲಿಯದ ಕ್ರಿಸ್‌ ಓ’ಕೋನೆಲ್‌ ಅವರನ್ನು 6-1, 6-4, 6-2ರಿಂದ ಮಣಿಸಿದರು. ಇವರ ಮುಂದಿನ ಎದುರಾಳಿ ಆತಿಥೇಯ ಅಮೆರಿಕದ ಟಾಮಿ ಪೌಲ್‌. ಇನ್ನೊಂದು ಪಂದ್ಯದಲ್ಲಿ ಅವರು ಕೆನಡಾದ ಗ್ಯಾಬ್ರಿಯಲ್‌ ಡಯಾಲೊ ವಿರುದ್ಧ 6-7 (5-7), 6-3, 6-1, 7-6 (7-3) ಅಂತರದ ಜಯ ಸಾಧಿಸಿದರು.

ಸದ್ಯ ಯುಎಸ್‌ ಓಪನ್‌ ಕೂಟದ ಕಣದಲ್ಲಿ ಉಳಿದಿರುವ ಏಕೈಕ ಮಾಜಿ ಚಾಂಪಿಯನ್‌ ಆಗಿರುವ ಡ್ಯಾನಿಲ್‌ ಮೆಡ್ವೆಡೇವ್‌, ಇಟಲಿಯ ಫ್ಲಾವಿಯೊ ಕೋಬೊಲ್ಲಿ ಅವರನ್ನು 6-3, 6-4, 6-3ರಿಂದ ಸೋಲಿಸಿದರು. ಮೆಡ್ವೆಡೇವ್‌ 2021ರ ಯುಎಸ್‌ ಓಪನ್‌ ವಿಜೇತರಾಗಿದ್ದಾರೆ. ಇವರಿನ್ನು ಪೋರ್ಚುಗೀಸ್‌ನ ನುನೊ ಬೋರ್ಗ್ಸ್‌ ವಿರುದ್ಧ ಆಡುವರು. ಬೋರ್ಗ್ಸ್‌ 6-7 (5-7), 6-1, 3-6, 7-6 (8-6), 6-0 ಅಂತರದಿಂದ ಜೆಕ್‌ ಟೆನಿಸಿಗ ಜಾಕುಬ್‌ ಮೆನ್ಸಿಕ್‌ ಅವರಿಗೆ ಸೋಲುಣಿಸಿದರು.

ಸ್ವಿಯಾಟೆಕ್‌, ಪೌಲಿನಿ ಮುನ್ನಡೆ
ವನಿತಾ ಸಿಂಗಲ್ಸ್‌ನಲ್ಲಿ ಇಗಾ ಸ್ವಿಯಾ ಟೆಕ್‌ 25ನೇ ಶ್ರೇಯಾಂಕದ ಅನಾಸ್ತಾ ಸಿಯಾ ಪಾವುÉಚೆಂಕೋವಾ ಅವರನ್ನು 6-4, 6-2 ಸೆಟ್‌ಗಳಲ್ಲಿ ಮಣಿಸಿದರು.

ಇಟಲಿಯ ಜಾಸ್ಮಿನ್‌ ಪೌಲಿನಿ ಕೂಡ 4ನೇ ಸುತ್ತಿಗೆ ಓಟ ಬೆಳೆಸಿದ್ದಾರೆ. ಇವರು 6-3, 6-4 ಅಂತರದಿಂದ ಯುಲಿಯಾ ಪುಟಿನ್ಸೇವಾ ಆಟಕ್ಕೆ ತೆರೆ ಎಳೆದರು. ಮುಂದಿನ ಎದುರಾಳಿ ಕ್ಯಾರೋಲಿನಾ ಮುಖೋವಾ. ಇವರು 6-4, 6-2ರಿಂದ ಅನಾಸ್ತಾಸಿಯಾ ಪೊಟ ಪೋವಾ ಅವರನ್ನು ಹಿಮ್ಮೆಟ್ಟಿಸಿದರು.

ಜೆಸ್ಸಿಕಾ ಪೆಗುಲಾ, ಲುಡ್ಮಿಲಾ ಸಾಮ್ಸ ನೋವಾ, ಡಯಾನಾ ಶ್ನೆ„ಡರ್‌, ಕ್ಯಾರೋ ಲಿನ್‌ ವೋಜ್ನಿಯಾಕಿ ಕೂಡ 3ನೇ ಸುತ್ತು ದಾಟುವಲ್ಲಿ ಯಶಸ್ವಿಯಾಗಿದ್ದಾರೆ.

ಬೋಪಣ್ಣ ಜೋಡಿ ಕ್ವಾರ್ಟರ್‌ ಫೈನಲ್‌ಗೆ
ಮಿಶ್ರ ಡಬಲ್ಸ್‌ನಲ್ಲಿ ರೋಹನ್‌ ಬೋಪಣ್ಣ ಮತ್ತು ಅವರ ಇಂಡೋನೇಷ್ಯಾ ಜತೆಗಾರ್ತಿ ಅಲ್ದಿಲಾ ಸುಜಿಯಾದಿ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ್ದಾರೆ. ಇವರು ಆಸ್ಟ್ರೇಲಿಯದ ಜಾನ್‌ ಪಿಯರ್-ಜೆಕ್‌ ಗಣರಾಜ್ಯದ ಕ್ಯಾಥರಿನಾ ಸಿನಿಯಕೋವಾ ವಿರುದ್ಧ ಭಾರೀ ಹೋರಾಟ ನಡೆಸಿ 0-6, 7-6 (5), 10-7 ಅಂತರದಿಂದ ಗೆದ್ದು ಬಂದರು. ಒಂದು ಗಂಟೆ, 13 ನಿಮಿಷಗಳ ತನಕ ಈ ಸ್ಪರ್ಧೆ ಸಾಗಿತು.

ದ್ವಿತೀಯ ಶ್ರೇಯಾಂಕದ ಬೋಪಣ್ಣ-ಸುಜಿಯಾದಿ ಕ್ವಾರ್ಟರ್‌ ಫೈನಲ್‌ನಲ್ಲಿ 4ನೇ ಶ್ರೇಯಾಂಕದ ಮ್ಯಾಥ್ಯೂ ಎಬ್ಡೆನ್‌-ಬಾರ್ಬೊರಾ ಕ್ರೆಜಿಕೋವಾ ಅವರನ್ನು ಎದುರಿಸುವರು.

ಪುರುಷರ ಡಬಲ್ಸ್‌ನಲ್ಲೂ ಬೋಪಣ್ಣ ಮುನ್ನಡೆದಿದ್ದಾರೆ. ಮ್ಯಾಥ್ಯೂ ಎಬ್ಡೆನ್‌ ಜತೆಗೂಡಿ 3ನೇ ಸುತ್ತಿನಲ್ಲಿದ್ದಾರೆ.