Government Summons: ಕಂದಹಾರ್‌ ವೆಬ್‌ ಸೀರೀಸ್‌ ವಿವಾದ: ನೆಟ್‌ಫ್ಲಿಕ್ಸ್‌ಗೆ ಸಂಕಟ

Team Udayavani, Sep 3, 2024, 1:06 AM IST

ಹೊಸದಿಲ್ಲಿ: ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರಸಾರವಾಗುತ್ತಿರುವ “ಐಸಿ 814 ಕಂದಹಾರ್‌ ಹೈಜಾಕ್‌’ ವೆಬ್‌ ಸರಣಿ ವಿವಾದ ಸಂಬಂಧಿಸಿದಂತೆ ಭಾರತದ ನೆಟ್‌ಫ್ಲಿಕ್ಸ್‌ ಕಂಟೆಂಟ್‌ ಮುಖ್ಯಸ್ಥೆ ಮೋನಿಕಾ ಶೆರ್ಗಿಲ್‌ಗೆ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಸಮನ್ಸ್‌ ಜಾರಿಗೊಳಿಸಿದೆ.

ಪಾಕಿಸ್ಥಾನ ಮೂಲದ ಭಯೋತ್ಪಾದಕ ಸಂಘಟನೆ ಹರ್ಕತ್‌ ಉಲ್‌-ಮುಜಾಹಿದೀನ್‌ನ ಉಗ್ರರು 1999ರಲ್ಲಿ ಭಾರತದ ವಿಮಾನವನ್ನು ಹೈಜಾಕ್‌ ಮಾಡಿದ್ದ ಕಥಾ ಹಂದರವನ್ನು ಈ ವೆಬ್‌ ಸರಣಿ ಒಳಗೊಂಡಿದೆ. ಅನು ಭವ್‌ ಸಿನ್ಹಾ ಮತ್ತು ತ್ರಿಶಾಂತ್‌ ಶ್ರೀವಾಸ್ತವ ನಿರ್ದೇಶಿಸಿರುವ ಈ ಸರಣಿಯಲ್ಲಿ ವಿಮಾನ ಹೈಜಾಕ್‌ ಮಾಡಿದ್ದ ಉಗ್ರರ ಹೆಸರನ್ನು ಭೋಲಾ-ಶಂಕರ ಎಂದು ಉಲ್ಲೇಖೀ ಸಿ ರುವ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಆಕ್ಷೇಪ ವ್ಯಕ್ತವಾಗಿದೆ.

“ಹಿಂಸಾಚಾರ, ನಗ್ನತೆ ಪ್ರದ ರ್ಶಿಸುವ, ನಿಜ ಘಟ ನೆ ಯನ್ನು ತಿರುಚುವ ಸರಣಿಗೆ ಒಟಿಟಿಯಲ್ಲಿ ಜಾಗ ಸಿಗು ತ್ತದೆ. ಎಡಪಂಥೀಯರಿಗೆ ಇಲ್ಲಿ ಎಲ್ಲ ಸ್ವಾತಂತ್ರ್ಯ ಇದೆ. ರಾಷ್ಟ್ರೀಯವಾದಿಗಳಿಗೆ ರಾಷ್ಟ್ರದ ಏಕತೆ-ಸಮಗ್ರತೆ ಕುರಿತ ಚಿತ್ರ ಮಾಡಲು ಅನುಮತಿ ಸಿಗಲ್ಲ.” – ಕಂಗನಾ ರಣಾವತ್‌, ನಟಿ