Rachita Ram: ಝೈದ್ ‘ಕಲ್ಟ್’ ಗೆ ರಚಿತಾ ರಾಮ್ ನಾಯಕಿ
Team Udayavani, Sep 3, 2024, 10:15 AM IST
ಕನ್ನಡದ ಬಹುತೇಕ ಸ್ಟಾರ್ಗಳ ಜೊತೆ ನಾಯಕಿ ನಟಿಯಾಗಿ ನಟಿಸಿ, ಚಿತ್ರರಂಗದಲ್ಲಿ ಒಂದು ರೌಂಡ್ ಹಾಕಿರುವ ನಟಿ ರಚಿತಾ ರಾಮ್ ಈಗ ಮತ್ತೆ ಹೊಸಬರ ಸಿನಿಮಾಗಳತ್ತ ಗಮನ ಹರಿಸಿದಂತಿದೆ.
ಇತ್ತೀಚಿನ ದಿನಗಳಲ್ಲಿ ಸಿನಿಮಾ ರಂಗಕ್ಕೂ ತನಗೂ ಸಂಬಂಧವೇ ಇಲ್ಲ ಎಂಬಂತೆ ಇರುವ, ಜೊತೆಗೆ ಪತ್ರಿಕಾಗೋಷ್ಠಿಗಳಲ್ಲೂ ಸಿಕ್ಕಾಪಟ್ಟೆ ಗಂಭೀರವಾಗಿರುವ ರಚಿತಾ ರಾಮ್ ಈಗ ಹೊಸ ಸಿನಿಮಾವೊಂದರಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಅದು ಝೈದ್ ಖಾನ್ ಜೊತೆ. ಸಚಿವ ಜಮೀರ್ ಅಹಮದ್ ಪುತ್ರ ಝೈದ್ ಖಾನ್ ಎರಡನೇ ಚಿತ್ರ “ಕಲ್ಟ್’ಗೆ ರಚಿತಾ ನಾಯಕಿಯಾಗಿದ್ದಾರೆ. ಚಿತ್ರತಂಡ ಹೊಸ ಪೋಸ್ಟರ್ ಮೂಲಕ ರಚಿತಾ ಅವರನ್ನು ತಂಡಕ್ಕೆ ಸ್ವಾಗತಿಸಿದೆ.
ಸದ್ಯ ರಚಿತಾ ರಾಮ್ ನಾಯಕಿಯಾಗಿರುವ “ಸಂಜು ವೆಡ್ಸ್ ಗೀತಾ-2′ ಸಿನಿಮಾ ಬಿಡುಗಡೆಗೆ ಸಿದ್ಧವಾಗುತ್ತಿದೆ. ಇನ್ನು, ಯುಗಾದಿ ಹಬ್ಬದ ಪ್ರಯುಕ್ತ ಚಿತ್ರತಂಡ ಝೈದ್ ಅವರ ಹೊಸ ಚಿತ್ರದ ಟೈಟಲ್ ಪೋಸ್ಟರ್ ಬಿಡುಗಡೆ ಮಾಡಿತ್ತು. ಒಂದು ಕಡೆ ರಗಡ್ ಹಾಗೂ ಮತ್ತೂಂದು ಕಡೆ ರೊಮ್ಯಾಂಟಿಕ್ ಲುಕ್ ಮೂಲಕ ಪೋಸ್ಟರ್ ಗಮನ ಸೆಳೆದಿತ್ತು.. ಮುಖದಲ್ಲೊಂದು ಗಾಯ, ಹುಡುಗಿಯೊಬ್ಬಳ ಕಾಲು ಬೆರಳುಗಳಿಂದ ಸಿಗರೇಟ್ ಸೇದುವ ಹೀರೋ.. ಜೊತೆಗೆ “ಬ್ಲಡಿ ಲವ್’ ಎಂಬ ಟ್ಯಾಗ್ಲೈನ್ ಈ ಪೋಸ್ಟರ್ನಲ್ಲಿದೆ.
ಅನಿಲ್ ಕುಮಾರ್ ಈ ಸಿನಿಮಾದ ನಿರ್ದೇಶಕರು. ಈ ಚಿತ್ರ ಲೋಕಿ ಸಿನಿಮಾಸ್ ಲಾಂಛನದಲ್ಲಿ ಈ ಸಿನಿಮಾ ನಿರ್ಮಾಣವಾಗುತ್ತಿದೆ. ಜೆ.ಎಸ್.ವಾಲಿ ಛಾಯಾಗ್ರಹಣ, ಅರ್ಜುನ್ ಜನ್ಯ ಸಂಗೀತ ನಿರ್ದೇಶನ, ಕೆ.ಎಂ.ಪ್ರಕಾಶ್ ಸಂಕಲನ ಹಾಗೂ ರವಿವರ್ಮ ಸಾಹಸ ನಿರ್ದೇಶನ ಈ ಚಿತ್ರಕ್ಕಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಈಟ್ ರಾಜಾ ಶಾಪ್ ನಲ್ಲಿ ಜ್ಯೂಸ್ ಕುಡಿಯೋದಷ್ಟೇ ಅಲ್ಲ ತಿನ್ನಲೂ ಬಹುದು
ಅಯ್ಯೋ…ಸಂತೆಕಟ್ಟೆ ಅಂಡರ್ ಪಾಸ್ ಪ್ರಯಾಣ ನಿತ್ಯ ನರಕ!
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.