GST: ರಾಮಮಂದಿರ ನಿರ್ಮಾಣದಿಂದ ಕೇಂದ್ರಕ್ಕೆ 400 ಕೋಟಿ ಜಿಎಸ್‌ಟಿ: ಚಂಪತ್‌ ರಾಯ್‌

Team Udayavani, Sep 10, 2024, 9:35 PM IST

ಇಂದೋರ್‌: ಅಯೋಧ್ಯೆಯಲ್ಲಿನ ರಾಮಮಂದಿರ ನಿರ್ಮಾಣದಿಂದ ಸರ್ಕಾರಕ್ಕೆ ಅಂದಾಜು 400 ಕೋಟಿ ರೂ. ಜಿಎಸ್‌ಟಿ ಪಾವತಿಯಾಗುವ ಸಾಧ್ಯತೆ ಇದೆ. ಹೀಗೆಂದು ಶ್ರೀರಾಮ ಜನ್ಮಭೂಮಿ ತೀರ್ಥಕ್ಷೇತ್ರ ಟ್ರಸ್ಟ್‌ ಕಾರ್ಯದರ್ಶಿ ಚಂಪತ್‌ ರಾಯ್‌ ಇಂದೋರ್‌ನಲ್ಲಿ ಹೇಳಿದ್ದಾರೆ.

ಮಂದಿರ ನಿರ್ಮಾಣ ಪೂರ್ಣಗೊಂಡ ಮೇಲೆ ಅಂತಿಮ ಲೆಕ್ಕ ಸಿಗಲಿದೆ. ಸರ್ಕಾರಕ್ಕೆ ಟ್ರಸ್ಟ್‌ 1 ರೂ. ಕಡಿಮೆ ಇಲ್ಲದಂತೆ ತೆರಿಗೆ ಪಾವತಿ ಮಾಡುತ್ತದೆ ಎಂದು ಹೇಳಿದ್ದಾರೆ.

ರಾಮಮಂದಿರ ಆವರಣದಲ್ಲಿ 18 ದೇವಸ್ಥಾನಗಳನ್ನು 70 ಎಕರೆ ವಿಸ್ತಾರದಲ್ಲಿ ನಿರ್ಮಿಸಲಾಗುತ್ತದೆ. ಅದರಲ್ಲಿ ಶಿವನ ದೇಗುಲವೂ ಒಂದು. ಅದಕ್ಕಾಗಿ ಒಂದು ಲಿಂಗವನ್ನು ಅಂತಿಮಗೊಳಿಸಲು ನರ್ಮದಾ ನದಿ ತಟದಲ್ಲಿರುವ ಮಧ್ಯಪ್ರದೇಶದ ಖಾರ್ಗೋನ್‌ ಜಿಲ್ಲೆಯ ಬಕಾವ ಹಳ್ಳಿಗೆ ರಾಯ್‌ ಭಾನುವಾರ ತೆರಳಿದ್ದರು.