Pavagada: ಪಾವಗಡದಲ್ಲಿ ಕಂಡ ಸಿಂಹದ ವಿಡಿಯೋ ಗುಜರಾತಿನದ್ದು!

Team Udayavani, Sep 12, 2024, 2:46 PM IST

ಪಾವಗಡ: ಪಾವಗಡ ಪಟ್ಟಣ ಹೊರವಲಯದ ನಯಾರ ಪೆಟ್ರೋಲ್‌ ಬಂಕ್‌ ಬಳಿ ಮಂಗಳವಾರ ರಾತ್ರಿ ಸಿಂಹ ಬಂದಿದೆ ಎಂಬ ನಕಲಿ ವಿಡಿಯೋ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಈ ಮೂಲಕ ನಿಜವಾಗಿಯೂ ಪಾವಗಡ ತಾಲೂಕಿಗೆ ಸಿಂಹ ಬಂದಿದೆಯಾ ಎಂದು ಜನ ಆತಂಕಗೊಂಡಿದ್ದಾರೆ.

ಆದರೆ, ಈ ವಿಡಿಯೋ ಗುಜರಾತಿನ ಬಾಗಸರ ಊರಿನಲ್ಲಿರುವ ಪೆಟ್ರೊಲ್‌ ಬಂಕ್‌ನದ್ದು ಎನ್ನಲಾಗಿದೆ. ವಿಡಿಯೋದಲ್ಲಿ ಗುಜರಾತಿನ ಭಾಷೆಯಲ್ಲಿ ಅಕ್ಷರಗಳುಕಾಣಿಸುತ್ತಿವೆ ಎಂದು ಕೆಲವರು ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಕೊನೆಗೆ ಪೊಲೀಸರು, ಪಾವಗಡ ನಯಾರ ಪೆಟ್ರೋಲ್‌ ಬಂಕ್‌ನ ಫೋಟೋಗಳು, ವಿಡಿಯೋದಲ್ಲಿರುವ ಫೋಟೋಗಳ ವ್ಯತ್ಯಾಸಗಳನ್ನು ವಿವರಿಸಿದ್ದಾರೆ.

ಅಲ್ಲದೇ, ಇದೊಂದು ನಕಲಿ ವಿಡಿಯೋ ಎಂಬುದನ್ನು ಸಾಮಾಜಿಕ ಜಾಲತಾಣದಲ್ಲಿ ಬಿಡುಗಡೆ ಮಾಡಿದ್ದಾರೆ. ಆದರೆ, ಈ ಕುರಿತು ಸ್ಪಷ್ಟತೆ ನೀಡಬೇಕಾದ ಅರಣ್ಯ ಇಲಾಖೆ ಅಧಿಕಾರಿಗಳು ಮೌನಕ್ಕೆ ಶರಣಾಗಿದ್ದಾರೆ.