Wonderla: 1 ಟಿಕೆಟ್‌ ಖರೀಸಿದ್ರೆ ಇನ್ನೊಂದು ಉಚಿತ

Team Udayavani, Sep 13, 2024, 3:16 PM IST

ಬೆಂಗಳೂರು: ಎಂಜಿನಿಯರ್ಸ್‌ ದಿನದ ಪ್ರಯುಕ್ತ ಸೆ.15 ರಂದು ಎಂಜಿನಿಯರಿಂಗ್‌ ಪದವಿ ಪಡೆದ ಎಲ್ಲ ರಿಗೂ ವಂಡರ್‌ಲಾದ ಒಂದು ಟಿಕೆಟ್‌ ಖರೀದಿಸಿದರೆ ಮತ್ತೂಂದು ಟಿಕೆಟ್‌ ಉಚಿತವಾಗಿ ಪಡೆಯುವ ಕೊಡುಗೆಯನ್ನು ವಂಡರ್‌ಲಾ ಘೋಷಿಸಿದೆ.

ಈ ಕೊಡುಗೆಯು ಸೆ.15ರಂದು ಲಭ್ಯವಿದ್ದು, ಇಂಜಿನಿಯರಿಂಗ್‌ ಪದವೀಧರರು, ಡಿಪ್ಲೋಮಾ ಹಾಗೂ ಐಟಿಐ ಓದಿರುವವರು ಈ ಕೊಡುಗೆಗೆ ಅರ್ಹರಾಗಿರುತ್ತಾರೆ. ಯಾವುದೇ ವರ್ಷದಲ್ಲಿ ಪದವಿ ಪಡೆದಿದ್ದರೂ ಈ ಕೊಡುಗೆ ಅನ್ವಯವಾಗಲಿದೆ.

ಇದರ ಲಾಭ ಪಡೆಯಲು ವಿದ್ಯಾರ್ಥಿಗಳಾಗಿದಲ್ಲಿ ಕಾಲೇಜಿನ ಐಡಿ ಕಾರ್ಡ್‌ ತೋರಿಸಬೇಕು ಅಥವಾ ಎಂಜಿನಿಯರಿಂಗ್‌ ಪದವಿ ಪ್ರಮಾಣ ಪತ್ರವನ್ನು ಪರಿಶೀಲನೆಗಾಗಿ ಪಾರ್ಕ್‌ನಲ್ಲಿ ಪ್ರಸ್ತುತ ಪಡಿಸಬೇಕು.

https://bookings.wonderla.com/ ವೆಬ್‌ಸೈಟ್‌ ಮೂಲಕ ಮುಂಗಡವಾಗಿ ಟಿಕೆಟ್‌ ಬುಕ್‌ ಮಾಡಬಹುದು ಅಥವಾ ಸ್ಥಳದಲ್ಲಿಯೇ ಕೌಂಟರ್‌ಗಳಿಂದ ಟಿಕೆಟ್‌ಗಳನ್ನು ಖರೀದಿ ಸಬಹುದಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.