ವಿಟ್ಲ: ಅಡಿಕೆ ಸುಲಿಯುವ ಯಂತ್ರ ಕಂಡು ಹಿಡಿದ ನರಸಿಂಹ ಭಟ್‌ ವಿಧಿವಶ

Team Udayavani, Sep 15, 2024, 5:52 PM IST

ವಿಟ್ಲ: ವಿಟ್ಲ ಅರಮನೆ ಸಮೀಪದ ನಿವಾಸಿ, ಕ್ಯಾಂಪ್ಕೋ ನಿವೃತ್ತ ಉದ್ಯೋಗಿ, ತಂತ್ರಜ್ಞ ನರಸಿಂಹ ಭಟ್‌ (ತಮ್ಮಣ್ಣ ಭಟ್‌ – 82) ಅವರು ಸೆ. 12ರಂದು ನಿಧನ ಹೊಂದಿದರು. ಮೃತರು ಪತ್ನಿ, ನಾಲ್ವರು ಪುತ್ರಿಯರನ್ನು ಅಗಲಿದ್ದಾರೆ.

ಅಡಿಕೆ ಕೃಷಿಕರ ಕಷ್ಟವನ್ನು ಪರಿಹರಿಸುವ ನಿಟ್ಟಿನಲ್ಲಿ ನರಸಿಂಹ ಭಟ್‌ ಅವರು ಅಡಿಕೆ ಸುಲಿಯುವ ಯಂತ್ರ ಕಂಡು ಹಿಡಿದಿದ್ದರು.

ಇದನ್ನೂ ಓದಿ:Nagamangala ಗಲಭೆಗೆ ಕೇರಳ ಲಿಂಕ್‌: ಮಾಹಿತಿ ಸಂಗ್ರಹಕ್ಕೆ ಮುಂದಾದ ಪೊಲೀಸರು

ಕ್ಯಾಂಪ್ಕೋ ಕಾರ್ಖಾನೆ ಆರಂಭವಾದಾಗ ಭಟ್ ಅವರು‌ ತಾಂತ್ರಿಕ ವಿಭಾಗದ ಮುಖ್ಯಸ್ಥರಾಗಿ ಕರ್ತವ್ಯ ನಿರ್ವಹಿಸಿದ್ದರು. ಅವರು ಕ್ಯಾಂಪ್ಕೋ ಸಂಸ್ಥೆಗೆ ಕೋಕ್ಕೊ ಡ್ರೈಯರ್‌, ಅಡಿಕೆ ಸೈಜಿಂಗ್‌ ಮೆಶಿನ್‌ ಯಂತ್ರಗಳನ್ನು ಮಾಡಿಕೊಟ್ಟಿದ್ದರು. ಬಸ್‌, ಕಾರು, ಜೀಪು, ಸ್ಕೂಟರ್‌ವರೆಗಿನ ಎಲ್ಲ ರೀತಿಯ ವಾಹನಗಳ ರಿಪೇರಿಯಲ್ಲಿ ಪರಿಣತಿ ಹೊಂದಿದ್ದರು.