Cricket: ಒಂದೇ ಫ್ರೇಮ್‌ನಲ್ಲಿ ಗಂಭೀರ್‌- ಕೊಹ್ಲಿ; ಹಳೆ ದಿನಗಳನ್ನು ಸ್ಮರಿಸಿದ ಸ್ನೇಹಿತರು

Team Udayavani, Sep 18, 2024, 12:29 PM IST

ಮುಂಬಯಿ: ಟೀಮ್ ಇಂಡಿಯಾ(Team India) ಕೋಚ್ ಗೌತಮ್ ಗಂಭೀರ್ (Gautam Gambhir) ಹಾಗೂ ವಿರಾಟ್ ಕೊಹ್ಲಿ(Virat Kohli) ಮತ್ತೆ ಹಳೆಯ ಸ್ನೇಹಿತರಾಗಿ ಆತ್ಮೀಯರಾಗಿ ಕಾಣಿಸಿಕೊಂಡಿದ್ದಾರೆ. ಆ ಮೂಲಕ ಎಲ್ಲಾ ಮಸಾಲ ಸುದ್ದಿಗಳಿಗೆ ತೆರೆ ಎಳೆದಿದ್ದಾರೆ.

ಒಂದು ಕಾಲದಲ್ಲಿ ಗೌತಮ್‌ ಗಂಭೀರ್‌ ಹಾಗೂ ವಿರಾಟ್‌ ಕೊಹ್ಲಿ ಟೀಮ್‌ ಇಂಡಿಯಾದ ಪರವಾಗಿ ಜತೆಯಾಗಿ ಆಡಿದವರು. 2011ರ ಏಕದಿನ ವಿಶ್ವಕಪ್‌ನಲ್ಲಿ ಆಡಿದ ಆಟದಿಂದಿಡಿದು ಟಿ-20, ಟೆಸ್ಟ್‌ನಲ್ಲೂ ಗಂಭೀರ್‌ – ಕೊಹ್ಲಿ ಮಾಡಿರುವ ಸಾಧನೆ ಒಂದೆರೆಡಲ್ಲ. ಇಬ್ಬರು ಉತ್ತಮ ಸ್ನೇಹಿತರು. ಆದರೆ ಐಪಿಎಲ್‌ ಸಂದರ್ಭದಲ್ಲಿ ಮೈದಾನದಲ್ಲಾದ ಒಂದಷ್ಟು ಸನ್ನಿವೇಶದಿಂದ ಇಬ್ಬರು ಪರಸ್ಪರ ಶತ್ರುವಿನಂತೆ ಕಾಣಿಸಿಕೊಂಡಿದ್ದರು.

ಕೆಕೆಆರ್‌ – ಆರ್‌ ಸಿಬಿ ನಡುವಿನ ಪಂದ್ಯ ಹಾಗೂ ಗಂಭೀರ್‌ ಲಕ್ನೋ ತಂಡದ ಮೆಂಟರ್‌ ಆಗಿದ್ದ ಸಂದರ್ಭದಲ್ಲಾದ ಕೆಲ ಸನ್ನಿವೇಶಗಳು ವಿರಾಟ್‌ – ಗಂಭೀರ್‌ ನಡುವಿನ ಸ್ನೇಹಿತರ ಬಾಂಧವ್ಯಕ್ಕೆ ಒಂದಷ್ಟು ಹಾನಿಯುಂಟು ಮಾಡಿತ್ತು.

ಗೌತಮ್‌ ಗಂಭೀರ್‌ ಟೀಮ್‌ ಇಂಡಿಯಾದ ಮುಖ್ಯ ಕೋಚ್‌ ಆದ ಬಳಿಕ ಕೊಹ್ಲಿ ಅವರೊಂದಿಗೆ ಉತ್ತಮ ಬಾಂಧವ್ಯವನ್ನು ಹೊಂದಿದ್ದಾರೆ. ಮತ್ತೆ ಹಳೆಯ ಟೀಮ್‌ ಮೇಟ್ಸ್‌ ನಂತೆ ಇಬ್ಬರು ಅಭ್ಯಾಸದ ವೇಳೆ ಕಾಣಿಸಿಕೊಂಡಿದ್ದಾರೆ.

ಭಾರತ ಮತ್ತು ಬಾಂಗ್ಲಾದೇಶ ನಡುವಿನ ಟೆಸ್ಟ್‌ ಸರಣಿ ಮುನ್ನ ಗೌತಿ ಹಾಗೂ ಕೊಹ್ಲಿ ಆತ್ಮೀಯತೆಯ ಚಿಟ್‌ ಚಾಟ್‌ ವಿಡಿಯೋವೊಂದನ್ನು ಬಿಸಿಸಿಐ ಹಂಚಿಕೊಂಡಿದೆ.

A Very Special Interview 🙌

Stay tuned for a deep insight on how great cricketing minds operate. #TeamIndia’s Head Coach @GautamGambhir and @imVkohli come together in a never-seen-before freewheeling chat.

You do not want to miss this! Shortly on https://t.co/Z3MPyeKtDz pic.twitter.com/dQ21iOPoLy

— BCCI (@BCCI) September 18, 2024

ವಿಡಿಯೋದಲ್ಲಿ 2011ರಲ್ಲಿ ಏಕದಿನ ವಿಶ್ವಕಪ್‌ ನಲ್ಲಿ ಗಂಭೀರ್‌ ಹಾಗೂ ಕೊಹ್ಲಿ ಅವರು ಆಡಿದ ಅಮೋಘ ಇನ್ನಿಂಗ್ಸ್‌ ಹಾಗೂ ಟೆಸ್ಟ್‌ ಪಂದ್ಯಗಳಲ್ಲಿ ಇಬ್ಬರು ಗಳಿಸಿದ ರನ್‌ ಸುರಿಮಳೆಗಳ ಝಲಕ್‌ ನ್ನು ವಿಡಿಯೋದಲ್ಲಿ ತೋರಿಸಲಾಗಿದೆ.

ಗಂಭೀರ್‌ ಮಾತನಾಡುತ್ತಾ ಕೊಹ್ಲಿ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಗಳಿಸಿದ ರನ್‌ಗಳ ಬಗ್ಗೆ ಶ್ಲಾಘಿಸಿ ನ್ಯೂಜಿಲೆಂಡ್‌ ವಿರುದ್ಧ ತಾನು ನೇಪಿಯರ್ ನಲ್ಲಿ ಆಡಿದ ಇನ್ನಿಂಗ್ಸ್‌ ಕುರಿತು ನೆನಪಿಸಿಕೊಂಡಿದ್ದಾರೆ.