Kasaragodu: ಶಿಕ್ಷಕಿ ಆತ್ಮಹತ್ಯೆ: ಪತಿಗೆ 9 ವರ್ಷ, ಅತ್ತೆಗೆ 7 ವರ್ಷ ಕಠಿನ ಜೈಲು ಶಿಕ್ಷೆ

Team Udayavani, Sep 19, 2024, 1:40 AM IST

ಕಾಸರಗೋಡು: ದೈಹಿಕ ಶಿಕ್ಷಣ ಶಿಕ್ಷಕಿ, ರಾಷ್ಟ್ರೀಯ ಕಬಡ್ಡಿ ಪಟು ಮುನ್ನಾಡ್‌ ನಿವಾಸಿ ಪ್ರೀತಿ (33) ಮನೆಯಲ್ಲಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡ ಪ್ರಕರಣಕ್ಕೆ ಸಂಬಂಧಿಸಿ ಪತಿ ವೆಳ್ಳರಿಕುಂಡು ಪೊಲೀಸ್‌ ಠಾಣೆ ವ್ಯಾಪ್ತಿಯ ರಾಕೇಶ್‌ ಕೃಷ್ಣನ್‌(38)ಗೆ 9 ವರ್ಷ ಕಠಿನ ಸಜೆ ಹಾಗೂ 2 ಲಕ್ಷ ರೂ. ದಂಡ, ಪತಿಯ ತಾಯಿ ಶ್ರೀಲತಾಗೆ 7 ವರ್ಷ ಕಠಿನ ಸಜೆ ಹಾಗೂ 2 ಲಕ್ಷ ರೂ. ದಂಡ ವಿಧಿಸಿ ಕಾಸರಗೋಡು ಅಡಿಷನಲ್‌ ಆ್ಯಂಡ್‌ ಸೆಶನ್ಸ್‌ ನ್ಯಾಯಾಲಯ(ಒಂದು) ತೀರ್ಪು ನೀಡಿದೆ.

ದಂಡ ಪಾವತಿಸದಿದ್ದಲ್ಲಿ ಇಬ್ಬರೂ 8 ತಿಂಗಳು ಹೆಚ್ಚುವರಿ ಸಜೆ ಅನುಭವಿಸುವಂತೆ ತೀರ್ಪಿನಲ್ಲಿ ತಿಳಿಸಿದೆ. 2017 ಆ.18ರಂದು ಪತಿ ಮತ್ತು ಅತ್ತೆಯ ನಿರಂತರ ಹಿಂಸೆಯಿಂದ ಪ್ರೀತಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಗಿ ಬೇಡಗ ಪೊಲೀಸರು ಪ್ರಕರಣ ದಾಖಲಿಸಿದ್ದರು. ಇನ್ನೋರ್ವ ಆರೋಪಿ, ಪತಿಯ ತಂದೆ ರಮೇಶನ್‌ ವಿಚಾರಣೆ ಸಂದರ್ಭದಲ್ಲಿ ನಿಧನ ಹೊಂದಿದ್ದರು.