ವಿದ್ಯುತ್ ಪರಿವರ್ತಕದ ಬಳಿ ಮೇಯುತ್ತಿದ್ದ 2 ಎಮ್ಮೆಗಳಿಗೆ ವಿದ್ಯುತ್ ಪ್ರವಹಿಸಿ ಸಾವು

Team Udayavani, Sep 25, 2024, 4:25 PM IST

ಭರಮಸಾಗರ: ಸುರಕ್ಷತೆಯಿಲ್ಲದ ವಿದ್ಯುತ್ ಪರಿವರ್ತಕದ ಬಳಿ ಮೇಯುತ್ತಿದ್ದ 2 ಎಮ್ಮೆಗಳಿಗೆ ವಿದ್ಯುತ್ ಪ್ರವಹಿಸಿ ಸಾವನ್ನಪ್ಪಿರುವ ಘಟನೆ ಹಳವುದರ ಗ್ರಾಮದಲ್ಲಿ ಸೆ.25ರ ಬುಧವಾರ ನಡೆದಿದೆ.

ಹಳವುದರ ಗ್ರಾಮದ ಮೇಗಳ ಮನೆ ಕರಿಯಪ್ಪ ಎಂಬವರಿಗೆ ಸೇರಿದ 2 ಎಮ್ಮೆಗಳನ್ನು ಗ್ರಾಮದ ಹೊಲವೊಂದರ ಬಳಿ ಮೇಯಿಸುತ್ತಿದ್ದ ವೇಳೆ ವಿದ್ಯುತ್ ಪರಿವರ್ತಕದ ವಿದ್ಯುತ್ ತಗುಲಿ ಎಮ್ಮೆಗಳು ಸತ್ತಿವೆ.

ವಿದ್ಯುತ್ ಪರಿವರ್ತಕದ ಬಳಿ ಸುರಕ್ಷತೆಯಿಲ್ಲ. ಗ್ರೌಂಡಿಂಗ್ ವೈಯರ್ ಬಳಿ ವಿದ್ಯುತ್ ಶಾಕ್ ಪ್ರವಹಿಸಿ ಎಮ್ಮೆಗಳು ಸತ್ತಿವೆ. ವಿದ್ಯುತ್ ಪರಿವರ್ತಕಗಳ ಬಳಿ ಬೆಸ್ಕಾಂ ನವರು ಸುರಕ್ಷತೆಗೆ ಸಮಪರ್ಕ ಕ್ರಮಕೈಗೊಳ್ಳದಿರುವುದು ಅವಘಡಕ್ಕೆ ಕಾರಣವಾಗಿದೆ.

ಬೆಸ್ಕಾಂ ಇಲಾಖೆಯವರು ಎಮ್ಮೆಗಳ ಸಾವಿಗೆ ಸೂಕ್ತ ಪರಿಹಾರ ನೀಡದೆ ಹೋದರೆ ಈ ಕುರಿತು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಲಾಗುತ್ತದೆ ಎಂದು ಹಳವುದರ ಗ್ರಾಮಸ್ಥರು ಎಚ್ಚರಿಸಿದ್ದಾರೆ.