Ujjain: ಮಹಾಕಾಲ್‌ ಮಹಾಲೋಕ್‌ ಆವರಣದಲ್ಲಿ ಹುಟ್ಟುಹಬ್ಬ ಆಚರಣೆ-10 ಸಿಬಂದಿ ಅಮಾನತು

Team Udayavani, Sep 26, 2024, 12:28 PM IST

ಉಜ್ಜೈನ್(ಮಧ್ಯಪ್ರದೇಶ): ಮಹಾಕಾಲ್‌ ಮಹಾಲೋಕ್‌ ಆವರಣದೊಳಗಿನ ಮಾನಸ ಸರೋವರ್‌ ಭವನದಲ್ಲಿ ಹುಟ್ಟುಹಬ್ಬವನ್ನು ಆಚರಿಸಿ, ಕೇಕ್‌ ಕತ್ತರಿಸಿರುವ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಮಹಾಕಾಳೇಶ್ವರ ದೇವಸ್ಥಾನದ ಆವರಣದಲ್ಲಿ ಹುಟ್ಟುಹಬ್ಬ ಆಚರಿಸಿಕೊಂಡ ಘಟನೆ ಬಗ್ಗೆ ಆಕ್ರೋಶ ವ್ಯಕ್ತವಾಗಿದ್ದು, ದೇವಸ್ಥಾನದ ಆಡಳಿತ ಮಂಡಳಿಯ ಆಡಳಿತಾಧಿಕಾರಿ ಗಣೇಶ್‌ ಕುಮಾರ್‌ ಧಾಕಾಡ್‌, ಹತ್ತು ಸಿಬಂದಿಗಳನ್ನು ಅಮಾನತು ಮಾಡಿರುವುದಾಗಿ ವರದಿ ವಿವರಿಸಿದೆ.

ಮಹಾಕಾಲ್‌ ಮಹಾಲೋಕ್‌ ಆವರಣದಲ್ಲಿ ಬುಧವಾರ (ಸೆ.25) ಬೆಳಗ್ಗೆ ಕೆಲವು ಯುವಕರು, ಯುವತಿಯರು ಸೇರಿ ಕೇಕ್‌ ಕತ್ತರಿಸಿ ಹುಟ್ಟುಹಬ್ಬ ಆಚರಿಸುತ್ತಿರುವುದು ವಿಡಿಯೋ ಕ್ಲಿಪ್ಪಿಂಗ್‌ ನಲ್ಲಿದೆ.

उज्जैन ब्रेकिंग।
महाकाल परिसर में कर्मचारी युवती का मनाया केक काटकर जन्मदिन।
पुजारी बोले ये धर्म के विपरीत।#mahakallok #ujjain #BabaMahakal #cake #birthday #VideoViral #ViralVideos #viral2024 pic.twitter.com/moD4l8MENt

— tarun yadav / तरुण यादव (@CameramanTarun) September 25, 2024

ಖಾಸಗಿ ಏಜೆನ್ಸಿಯೊಂದರ ಯುವಕ ಯುವತಿಯರು ತಮ್ಮ ಸಹೋದ್ಯೋಗಿಯೊಬ್ಬಳ ಹುಟ್ಟುಹಬ್ಬ ಆಚರಿಸಿರುವುದು ವಿಡಿಯೋದಲ್ಲಿದೆ. ವಿಡಿಯೋ ವೈರಲ್‌ ಆದ ಕೂಡಲೇ ಲೋಪ ಎಸಗಿದ ಸಿಬಂದಿಗಳ ವಿರುದ್ಧ ಶಿಸ್ತುಕ್ರಮ ಕೈಗೊಂಡಿದ್ದು, ಅವರನ್ನು ಅಮಾನತುಗೊಳಿಸಲಾಗಿದೆ ಎಂದು ಆಡಳಿತಾಧಿಕಾರಿ ತಿಳಿಸಿದ್ದಾರೆ.