Kulur ಫ್ಲೈ ಓವರ್‌ ಕೆಳಗೆ ಅನಧಿಕೃತ ಅಂಗಡಿ, ದುರ್ನಾತ

Team Udayavani, Sep 29, 2024, 8:14 PM IST

ಕೂಳೂರು: ಕೂಳೂರಿನ ಹೊಸ ಫ್ಲೆ$ç ಓವರ್‌ ಕೆಳಭಾಗದಲ್ಲಿ ಮೀನು, ಹಣ್ಣ ಹಂಪಲು ಮಾರಾಟ ಕೇಂದ್ರ ತಲೆ ಎತ್ತಿದ್ದು ಇದರ ಜತೆಗೆ ಮಲೀನ ನೀರು ನಿಂತು ದುರ್ನಾತ ಬೀರುತ್ತಿದೆ.

ಕುಡುಕರು ಬಿಸಾಡಿದ ಮದ್ಯ ಪ್ಯಾಕೆಟ್‌ಗಳು, ತಿಂಡಿ ಪೊಟ್ಟಣಗಳು ಅಲ್ಲಲ್ಲಿ ಬಿದ್ದು ಕೊಂಡಿವೆ. ಪಾದಚಾರಿಗಳಿಗೆ, ಸರ್ವಿಸ್‌ ರಸ್ತೆ ಸಮೀಪ ಬ್ಯಾಂಕ್‌, ವ್ಯಾಪಾರ ಕೇಂದ್ರವಿದ್ದು, ತ್ಯಾಜ್ಯ ಬಿದ್ದಿರುವುದರಿಂದ ನಡೆದಾಡಲೂ ಅಸಹ್ಯದ ಸ್ಥಿತಿಯಿದೆ.

ಈ ಭಾಗದಲ್ಲಿ ಸರಿಯಾಗಿ ತಲೆ ಎತ್ತಿ ನಡೆಯಲಾಗದ ಸ್ಥಳದಲ್ಲಿ ಮಾರಾಟ ಚಟುವಟಿಕೆ ನಡೆಸಲಾಗುತ್ತಿದ್ದು, ಪಾಲಿಕೆ ಪೌರ ಸಿಬಂದಿಗೆ ನಿಂತು ಸ್ವತ್ಛಗೊಳಿಸಲೂ ಸಾಧ್ಯವಾಗದು. ಹೆದ್ದಾರಿ ಇಲಾಖೆ ಇಕ್ಕಟ್ಟಾದ ಈ ಪ್ರದೇಶವನ್ನು ಸ್ಲ್ಯಾಬ್‌ ಅಳವಡಿಸಿ ಮುಚ್ಚ ಬೇಕು, ಇಲ್ಲವೇ ತಂತಿ ಬೇಲಿ ನಿರ್ಮಿಸಿ ಈ ಪ್ರದೇಶವನ್ನು ಮುಚ್ಚುವ ಮೂಲಕ ಸ್ವತ್ಛತೆಗೆ ಆದ್ಯತೆ ನೀಡಬೇಕು ಎಂಬುದು ಸಾರ್ವಜನಿಕರ ಆಗ್ರಹವಾಗಿದೆ.