Nepal ಪ್ರವಾಹ: ಬಿಹಾರದ 13 ಜಿಲ್ಲೆಗಳಿಗೆ ಸಮಸ್ಯೆ!

Team Udayavani, Oct 1, 2024, 6:45 AM IST

ಪಟ್ನಾ/ಕಠ್ಮಂಡು: ನೇಪಾಲದಲ್ಲಿ ಭಾರೀ ಪ್ರಮಾಣದ ಮಳೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಅದಕ್ಕೆ ಹೊಂದಿಕೊಂ­ಡಿ ರುವ ಬಿಹಾರದ 13 ಜಿಲ್ಲೆಗಳಲ್ಲಿ ಭಾರೀ ಪ್ರವಾಹ ಪರಿಸ್ಥಿತಿ ಉಂಟಾಗಿದೆ. ಕೋಸಿ, ಗಂಡಕ್‌, ಭಾಗಮತಿ ನದಿಗಳಲ್ಲಿನ ಪ್ರವಾಹ ಏರಿಕೆಯಾಗಿದೆ. 6 ಅಣೆಕಟ್ಟು ಗಳಲ್ಲಿ ಮಿತಿಗಿಂತ ಹೆಚ್ಚು ನೀರು ಸಂಗ್ರಹವಾಗಿ, ಹಾನಿಯಾಗಿದೆ. ಅವುಗಳ ದುರಸ್ತಿ ಕಾರ್ಯ ನಡೆಸಲಾಗು­ತ್ತಿದೆ ಎಂದು ಬಿಹಾರ ಸರಕಾರ ತಿಳಿಸಿದೆ. ಹಲವೆಡೆ ಪ್ರವಾಹದ ನೀರು ಜನವಸತಿ ಪ್ರದೇಶಗಳಿಗೆ, ವಿದ್ಯುತ್‌ ಸರಬರಾಜು ಕೇಂದ್ರಗಳಿಗೆ ನುಗ್ಗಿದೆ. ಹೀಗಾಗಿ 16 ಲಕ್ಷ ಮಂದಿಗೆ ತೊಂದರೆಯಾಗಿದೆ. ಕೋಸಿ ನದಿ ವ್ಯಾಪ್ತಿ­ಯಲ್ಲಿನ ಬಿರ್ಪುರ್‌ ಅಣೆಕಟ್ಟಿನಿಂದ 6.61 ಲಕ್ಷ ಕ್ಯೂಸೆಕ್‌ ನೀರು ಬಿಡುಗಡೆ ಮಾಡಲಾಗಿದೆ. 1968ರ ಬಳಿಕ ಇದು ಅತ್ಯಧಿಕವಾಗಿದೆ.

ನೇಪಾಲದಲ್ಲಿ 200ಕ್ಕೂ ಅಧಿಕ ಸಾವು: ಇದೇ ವೇಳೆ, ನೇಪಾಲದಲ್ಲಿ ಮಳೆ, ಪ್ರವಾಹ, ಭೂಕುಸಿತದಿಂದ ಅಸುನೀಗಿದವರ ಸಂಖ್ಯೆ 204ನ್ನು ದಾಟಿದೆ. 89 ಮಂದಿ ಗಾಯಗೊಂಡಿದ್ದು, 33 ಮಂದಿ ನಾಪತ್ತೆಯಾಗಿದ್ದಾರೆ. ಇಲ್ಲಿಯವರೆಗೂ ಪ್ರವಾಹದಲ್ಲಿ ಸಿಲುಕಿದ 4,500 ಮಂದಿಯನ್ನು ರಕ್ಷಿಸಲಾಗಿದೆ. ದೇಶಾ ದ್ಯಂತ 20ಕ್ಕೂ ಹೆಚ್ಚು ಜಲವಿದ್ಯುತ್‌ ಸ್ಥಾವರಗಳು ಹಾನಿಗೊಳಗಾಗಿವೆ.