Box office: ಮಾರ್ಟಿನ್‌ To ಜಿಗ್ರಾ.. ದಸರಾಕ್ಕೆ ರಿಲೀಸ್‌ ಆದ ಸಿನಿಮಾಗಳು ಗಳಿಸಿದ್ದೆಷ್ಟು?

Team Udayavani, Oct 13, 2024, 3:46 PM IST

ಬೆಂಗಳೂರು/ ಮುಂಬಯಿ/  ಚೆನ್ನೈ: ನವರಾತ್ರಿ ಸಂಭ್ರಮಕ್ಕೆ ಚಿತ್ರರಂಗ ಬ್ಯುಸಿಯಾಗಿದೆ. ನವರಾತ್ರಿ ಹಬ್ಬಕ್ಕೆ ಸ್ಯಾಂಡಲ್‌ ವುಡ್‌, ಕಾಲಿವುಡ್‌, ಬಾಲಿವುಡ್‌ನಲ್ಲಿ ಸಾಲು ಸಾಲು ಸಿನಿಮಾಗಳು ರಿಲೀಸ್‌ ಆಗಿವೆ.

ಆ್ಯಕ್ಷನ್ ಪ್ರಿನ್ಸ್‌  ಧ್ರುವ ಸರ್ಜಾ (Dhruva Sarja) ನಟನೆಯ ‘ಮಾರ್ಟಿನ್’ (Martin) ಕನ್ನಡ ಸೇರಿದಂತೆ ಪ್ಯಾನ್‌ ಇಂಡಿಯಾ ಭಾಷೆಯಲ್ಲಿ ರಿಲೀಸ್‌ ಆಗಿದ್ದು, ಇತ್ತ ಸೂಪರ್‌ ಸ್ಟಾರ್ ರಜಿನಿಕಾಂತ್‌ (Rajinikanth) ಅಭಿನಯದ ʼವೆಟ್ಟೈಯನ್‌ʼ (Vettaiyan)‌ ಕಾಲಿವುಡ್‌ ನಿಂದ ರಿಲೀಸ್‌ ಆಗಿದೆ. ಬಾಲಿವುಡ್‌ನಿಂದ ಆಲಿಯಾ ಭಟ್‌ (Alia Bhatt) ಅಭಿನಯದ ʼಜಿಗ್ರಾʼ (Jigra) ಸಿನಿಮಾದೊಂದಿಗೆ ರಾಜ್‌ ಕುಮಾರ್‌ ರಾವ್‌, ತೃಪ್ತಿ ದಿಮ್ರಿ ಅಭಿನಯದ ʼವಿಕಿ ವಿದ್ಯಾ ಕಾ ವೋʼ ವಾಲ ವಿಡಿಯೋʼ (Vicky Vidya Ka Woh Wala Video) ಸಿನಿಮಾ ನವರಾತ್ರಿ ವೇಳೆ ರಿಲೀಸ್‌ ಆಗಿದೆ.

ಇದನ್ನೂ ಓದಿ: BBK11: ಬಿಗ್‌ಬಾಸ್‌ ಕಾರ್ಯಕ್ರಮಕ್ಕೆ ಶಾಕ್‌ ನೀಡಿದ ಪೊಲೀಸರು; ಆಗಿದ್ದೇನು?

ಬಾಕ್ಸ್‌ ಆಫೀಸ್‌ ನಲ್ಲಿ ಇದುವರೆಗೆ ಯಾವ ಸಿನಿಮಾ ಎಷ್ಟು ಗಳಿಸಿದೆ ಹಾಗೂ ಸಿನಿಮಾಕ್ಕೆ ಯಾವ ರೀತಿಯ ಪ್ರತಿಕ್ರಿಯೆ ಕೇಳಿಬಂದಿದೆ ಎನ್ನುವುದನ್ನು ನೋಡಿಕೊಂಡು ಬರೋಣ ಬನ್ನಿ..

ಮಾರ್ಟಿನ್‌ Vs ಜಿಗ್ರಾ.. : ಕನ್ನಡ ʼಮಾರ್ಟಿನ್‌ʼ ಹಾಗೂ ಹಿಂದಿಯ ʼಜಿಗ್ರಾʼ ಸಿನಿಮಾ ಒಂದೇ ದಿನ(ಶುಕ್ರವಾರ – ಅ.11ರಂದು) ರಿಲೀಸ್‌ ಆಗಿದೆ. ʼಮಾರ್ಟಿನ್‌ʼ ಪ್ಯಾನ್‌ ಇಂಡಿಯಾದಲ್ಲಿ ರಿಲೀಸ್‌ ಆಗಿದ್ದು, ಮೊದಲ ಎರಡು ದಿನ ಬಾಕ್ಸಾಫೀಸ್‌ ನಲ್ಲಿ ಸದ್ದು ಮಾಡಿದೆ.  ಇತ್ತ ಆಲಿಯಾ ಭಟ್‌ ಅಭಿನಯದ ʼಜಿಗ್ರಾʼ ಕೂಡ ಸಖತ್‌ ಪೈಪೋಟಿ ನೀಡಿದೆ.

Sacnilk ವೆಬ್‌ಸೈಟ್ ವರದಿ ಪ್ರಕಾರ ʼಮಾರ್ಟಿನ್‌ʼ ಮೊದಲ ದಿನ 6.70 ಕೋಟಿ ರೂ. ಗಳಿಕೆ ಕಂಡಿದೆ. ಎರಡನೇ ದಿನ ಅಂದಾಜು 5.50 ಕೋಟಿ ರೂ. ಗಳಿಸಿದೆ. ಎರಡು ದಿನದಲ್ಲಿ 12.2 ಕೋಟಿ ರೂ. ʼಮಾರ್ಟಿನ್‌ʼ ಗಳಿಸಿದೆ ಎನ್ನಲಾಗಿದೆ. ಆದರೆ ಚಿತ್ರತಂಡದಿಂದ ಅಧಿಕೃತವಾಗಿ ಬಾಕ್ಸ್‌ ಆಫೀಸ್‌ ಲೆಕ್ಕಚಾರದ ಮಾಹಿತಿ ಇನ್ನಷ್ಟೇ ಹೊರಬೀಳಬೇಕಿದೆ.

ಇತ್ತ ಆಲಿಯಾ ಭಟ್‌ ಪ್ರಧಾನ ಪಾತ್ರದಲ್ಲಿರುವ ʼಜಿಗ್ರಾʼ ಕ್ಕೆ ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಎರಡು ದಿನದಲ್ಲಿ 11.1 ಕೋಟಿ ರೂ.ವನ್ನು ಮಾತ್ರ ಭಾರತದಲ್ಲಿ ಗಳಿಸಿದೆ ಎಂದು Sacnilk ವೆಬ್‌ಸೈಟ್ ಹೇಳಿದೆ.

ವಸನ್ ಬಾಲ ನಿರ್ದೇಶನದ ʼಜಿಗ್ರಾʼದಲ್ಲಿ ವೇದಾಂಗ್ ರೈನಾ, ಮನೋಜ್ ಪಾವಾ, ರಾಹುಲ್ ರವಿಂದ್ರನ್ ಮುಂತಾದವರು ನಟಿಸಿದ್ದಾರೆ. ಧರ್ಮ ಪ್ರೊಡಕ್ಷನ್ಸ್ ಹಾಗೂ ಎಟರ್ನಲ್ ಸನ್ಶೈನ್ ಪ್ರೊಡಕ್ಷನ್ಸ್ ಸಂಸ್ಥೆಗಳು ಜಂಟಿಯಾಗಿ ಸಿನಿಮಾ ನಿರ್ಮಾಣ ಮಾಡಿವೆ.

ಬಾಕ್ಸ್‌ ಆಫೀಸ್‌ ನಲ್ಲಿ ಸಿಂಗಲ್‌ ಶೇರ್‌ ಆದ ʼವೆಟ್ಟೈಯನ್‌ʼ:

ಇನ್ನು ಅಕ್ಟೋಬರ್‌ 10 ರಂದು ರಿಲೀಸ್‌ ಆದ ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ ಅವರ ʼವೆಟ್ಟೈಯನ್‌ʼ ಸಿನಿಮಾ ಬಾಕ್ಸಾಫೀಸ್‌ ನಲ್ಲಿ ದೊಡ್ಡದಾಗಿಯೇ ಓಪನಿಂಗ್‌ ಪಡೆದುಕೊಂಡಿದೆ. ಮೂರನೇ ದಿನದಲ್ಲಿ ಚಿತ್ರ 95.8 ಕೋಟಿ ಗ್ರಾಸ್‌ ಕಲೆಕ್ಷನ್‌ ಮಾಡಿದೆ ಎನ್ನಲಾಗುತ್ತಿದೆ. ವರ್ಲ್ಡ್‌ ವೈಡ್‌ 145.80 ಕೋಟಿ ರೂ. ಗಳಿಸಿದೆ ಎನ್ನಲಾಗಿದೆ.

ಟಿಜೆ ಜ್ಞಾನವೇಲ್‌ ನಿರ್ದೇಶನದ ಈ ಸಿನಿಮಾದಲ್ಲಿ ರಜಿನಿಕಾಂತ್‌ ಜತೆ ಅಮಿತಾಭ್‌ ಬಚ್ಚನ್‌, ಫಾಹದ್‌ ಫಾಸಿಲ್‌, ರಾಣಾದಗ್ಗುಬಾಟಿ ಮುಂತಾದವರು ನಟಿಸಿದ್ದಾರೆ.

ʼವಿಕಿ ವಿದ್ಯಾ ಕಾ ವೋʼ ವಾಲ ವಿಡಿಯೋʼ ಸಿನಿಮಾ ಗಳಿಸಿದ್ದೆಷ್ಟು?: ʼವಿಕಿ ವಿದ್ಯಾ ಕಾ ವೋʼ ವಾಲ ವಿಡಿಯೋʼ ಚಿತ್ರಕ್ಕೆ ಪ್ರೇಕ್ಷಕರಿಂದ ನಿರಾಶದಾಯಕ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಮೊದಲ ದಿನ 5.25 ಕೋಟಿ ರೂ. ಗಳಿಸಿದ್ದು, ಎರಡನೇ ದಿನ 6.75 ಕೋಟಿ ರೂ. ರೂ ಗಳಿಸಿದೆ ಒಟ್ಟು ಸಿನಿಮಾ ಇದುವರೆಗೆ 12.4 ಕೋಟಿ ರೂ. ಗಳಿಸಿದೆ.

ವೀಕೆಂಡ್‌ನಲ್ಲಿ ಈ ಸಿನಿಮಾಗಳು ಹೆಚ್ಚಿನ ಕಲೆಕ್ಷನ್‌ ಮಾಡುವ ನಿರೀಕ್ಷೆಯಿದ್ದು,ಚಿತ್ರತಂಡವೇ ಅಧಿಕೃತವಾಗಿ ಬಾಕ್ಸ್‌ ಆಫೀಸ್‌ ಗಳಿಕೆಯನ್ನು ರಿವೀಲ್‌ ಮಾಡುವ ಸಾಧ್ಯತೆಯಿದೆ.