UP: ಟೊಮ್ಯಾಟೊ ಸಾಗಿಸುತ್ತಿದ್ದ ಟ್ರಕ್ ಪಲ್ಟಿ… ರಾತ್ರಿಯಿಡೀ ಟೊಮ್ಯಾಟೊ ಕಾದು ಕೂತ ಪೊಲೀಸರು

Team Udayavani, Oct 18, 2024, 4:14 PM IST

ಉತ್ತರಪ್ರದೇಶ: ಹಸುವನ್ನು ರಕ್ಷಿಸಲು ಹೋಗಿ 18 ಟನ್ ಟೊಮ್ಯಾಟೊ ಸಾಗಿಸುತ್ತಿದ್ದ ಟ್ರಕ್ ಒಂದು ಚಾಲಕನ ನಿಯಂತ್ರಣ ತಪ್ಪಿ ಹೆದ್ದಾರಿ ಮಧ್ಯೆ ಪಲ್ಟಿಯಾದ ಘಟನೆ ಉತ್ತರಪ್ರದೇಶದಲ್ಲಿ ಗುರುವಾರ(ಅ.17) ತಡರಾತ್ರಿ ಝಾನ್ಸಿ-ಗ್ವಾಲಿಯರ್ ಹೆದ್ದಾರಿಯ ಸಿಪ್ರಿ ಬಜಾರ್‌ ಬಳಿ ಸಂಭವಿಸಿದೆ.

ಘಟನೆಯಲ್ಲಿ ಲಾರಿ ಚಾಲಕ ಸಣ್ಣಪುಟ್ಟ ಗಾಯಗಳಿಂದ ಪಾರಾಗಿದ್ದಾನೆ, ಬೆಂಗಳೂರಿನಿಂದ ಉತ್ತರಪ್ರದೇಶಕ್ಕೆ ಲಾರಿಯಲ್ಲಿ ಸುಮಾರು ಹದಿನೆಂಟು ಟನ್ ಟೊಮ್ಯಾಟೊ ಸಾಗಿಸಲಗುತ್ತಿತ್ತು ಎನ್ನಲಾಗಿದೆ ಈ ವೇಳೆ ಹೆದ್ದಾರಿಯಲ್ಲಿ ದನವೊಂದು ಅಡ್ಡ ಬಂದ ಹಿನ್ನೆಲೆಯಲ್ಲಿ ತಪ್ಪಿಸಲು ಹೋಗಿ ಚಾಲಕ ನಿಯಂತ್ರಣ ಕಳೆದುಕೊಂಡು ಪಲ್ಟಿಯಾಗಿದೆ, ಈ ವೇಳೆ ಲಾರಿಯಲ್ಲಿದ್ದ ಟೊಮ್ಯಾಟೊ ಹೆದ್ದಾರಿ ತುಂಬೆಲ್ಲಾ ಚೆಲ್ಲಾಪಿಲ್ಲಿಯಾಗಿ ಬಿದ್ದಿತ್ತು.

ಮಹಿಳೆಗೆ ಸಣ್ಣಪುಟ್ಟ ಗಾಯ:
ಇನ್ನು ಲಾರಿ ನಿಯಂತ್ರಣ ತಪ್ಪಿ ಪಲ್ಟಿಯಾಗುತ್ತಿದ್ದಂತೆ ಲಾರಿ ಹಿಂದಿನಿಂದ ಸ್ಕೂಟಿಯಲ್ಲಿ ಬರುತ್ತಿದ್ದ ಮಹಿಳೆಯೊಬ್ಬರು ಲಾರಿಗೆ ಡಿಕ್ಕಿ ಹೊಡೆದು ಸಣ್ಣಪುಟ್ಟ ಗಾಯಗೊಂಡಿದ್ದಾರೆ. ಅವರಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ.

JHANSI :

➡️झांसी-कानपुर हाईवे पर पलटा टमाटरों से लदा ट्रक
➡️पुलिस कर रही है बिखरे सामान की पहरेदारी
➡️बंगलौर से दिल्ली जा रहा था टमाटर से लदा ट्रक
➡️ट्रक की चपेट में आने से स्कूटी सवार महिला हुई घायल #HNN24X7 @jhansipolice #Accident pic.twitter.com/m9WiACJu8E

— HNN24X7 (@HNN24X7) October 18, 2024

ಟೊಮ್ಯಾಟೊ ಕಾದು ಕೂತ ಪೊಲೀಸರು:
ಈಗಾಗಲೇ ಮಾರುಕಟ್ಟೆಯಲ್ಲಿ ಟೊಮ್ಯಾಟೊಗೆ ಕೆಜಿಗೆ 100 ರಿಂದ 120ರೂ. ಇದ್ದು ಕಳ್ಳರ ಪಾಲಾಗುವ ನಿಟ್ಟಿನಲ್ಲಿ ವಿಚಾರ ತಿಳಿದ ಪೊಲೀಸರು ಅಪಘಾತ ನಡೆದ ಸ್ಥಳಕ್ಕೆ ತೆರಳಿ ಬ್ಯಾರಿಕೆಡ್ ಇಟ್ಟು ಬೆಳಗ್ಗಿನವರೆಗೆ ಕಾದು ಕೂತು 18 ಟನ್ ಟೊಮ್ಯಾಟೊ ರಕ್ಷಣೆ ಮಾಡಿದ್ದಾರೆ.

ಇದನ್ನೂ ಓದಿ: Video: ನಿಮಗೆ ಮತ ಹಾಕಿದ್ದೇನೆ, ನನಗೊಂದು ಮದುವೆ ಮಾಡಿಸಿ.. ಶಾಸಕರ ಬಳಿ ಮನವಿ ಮಾಡಿದ ವ್ಯಕ್ತಿ