Kundapura: ಸಿಬಿಐ ಹೆಸರಿನಲ್ಲಿ 3.8 ಲಕ್ಷ ರೂ. ವಂಚನೆ

Team Udayavani, Oct 23, 2024, 7:15 AM IST

ಕುಂದಾಪುರ: ಪ್ರವೀಣ ಕುಮಾರ್‌ ಅವರಿಗೆ ಸಿಬಿಐ ಅಧಿಕಾರಿಗಳ ಹೆಸರಿನಲ್ಲಿ 3.8 ಲಕ್ಷ ರೂ. ವಂಚನೆಯಾಗಿದೆ.

ಮೊಬೈಲ್‌ಗೆ ಕಾಲ್‌ ಮಾಡಿದ ಅಪರಿಚಿತ ವ್ಯಕ್ತಿ 2 ಗಂಟೆಯೊಳಗೆ ನಿಮ್ಮ ಮೊಬೈಲ್‌ ಸ್ಥಗಿತಗೊಳ್ಳುತ್ತದೆ. ಹೆಚ್ಚಿನ ಮಾಹಿತಿಗಾಗಿ 9 ಅನ್ನು ಒತ್ತಲು ತಿಳಿಸಿದ್ದು ಒತ್ತಿದಾಗ ಬೇರೆಯವರಿಗೆ ಸಂಪರ್ಕವಾಗಿತ್ತು. ನಿಮ್ಮ ಆಧಾರ್‌ ಕಾರ್ಡ್‌ ಫ್ರಾಡ್‌ ಆಗಿದೆ ಎಂದು ಹೇಳಿ ಸಿಬಿಐ ಡಿಪಿ ಹಾಕಿದ ಸಂಖ್ಯೆಯಿಂದ ಕರೆ ಮಾಡಿದ್ದರು.

ಸಿಬಿಐ ಅಧಿಕಾರಿಗಳೆಂದು ತಿಳಿಸಿ ಅಕ್ರಮ ಹಣ ವರ್ಗಾವಣೆ ಪ್ರಕರಣ ನಿಮ್ಮ ಮೇಲಿದೆ ಎಂದು ಹೇಳಿ ದಾಖಲೆಗಳನ್ನು ಪರಿಶೀಲಿಸಲು ಆಧಾರ್‌ ಕಾರ್ಡ್‌, ಪಾಸ್‌ ಪುಸ್ತಕ, ಪ್ಯಾನ್‌ ಕಾರ್ಡ್‌ಗಳನ್ನು ತೋರಿಸಲು ಹೇಳಿದರು. ಸ್ವಲ್ಪ ಹೊತ್ತಿನ ಅನಂತರ 3.80 ಲಕ್ಷ ರೂ.ಗಳನ್ನು ಆರ್‌ಟಿಜಿಎಸ್‌ ಮೂಲಕ ಹಾಕಿಸಿ ಮತ್ತೂ ಹಣ ಹಾಕುವಂತೆ ಒತ್ತಾಯಿಸಿದ್ದಾರೆ ಎಂದು ಪ್ರಕರಣ ದಾಖಲಾಗಿದೆ.