Private sector; ಬಾಹ್ಯಾಕಾಶ ಸ್ಟಾರ್ಟ್‌ಅಪ್‌ಗೆ 1000 ಕೋಟಿ: ಸಂಪುಟ ಅಸ್ತು

Team Udayavani, Oct 25, 2024, 12:55 AM IST

ಹೊಸದಿಲ್ಲಿ: ಬಾಹ್ಯಾಕಾಶ ವಲಯದಲ್ಲಿ ಖಾಸಗಿ ಹೂಡಿಕೆಯನ್ನು ಹೆಚ್ಚಳ ಮಾಡಲು ಸ್ಟಾರ್ಟ್‌ಅಪ್‌ಗಳಿಗೆ 1,000 ಕೋಟಿ ರೂ. ಬಂಡವಾಳ ಎತ್ತಿಡಲು ಕೇಂದ್ರ ಸಚಿವ ಸಂಪುಟ ಅನುಮತಿ ನೀಡಿದೆ. ಅಲ್ಲದೆ ಆಂಧ್ರಪ್ರದೇಶ, ತೆಲಂ ಗಾಣ ಮತ್ತು ಬಿಹಾರ ರಾಜ್ಯಗಳಿಗೆ 6798 ಕೋಟಿ ರೂ. ಮೌಲ್ಯದ 2 ರೈಲ್ವೇ ಯೋಜನೆಗಳನ್ನು ಘೋಷಿಸಿದೆ.

ಈ ಬಂಡವಾಳವನ್ನು 30-35 ಸ್ಟಾರ್ಟ್‌ಅಪ್‌ಗ್ಳಲ್ಲಿ 5ರಿಂದ 10 ಕೋಟಿ ರೂ. ಪ್ರಮಾಣದಲ್ಲಿ ಹೂಡಿಕೆ ಮಾಡಲಾಗುತ್ತದೆ. ಬಳಿಕ ಈ ಪ್ರಮಾಣ ವನ್ನು 10ರಿಂದ 60 ಕೋಟಿ ರೂ.ಗೆ ಹೆಚ್ಚಳ ಮಾಡಲಾಗುತ್ತದೆ ಎಂದುಕೇಂದ್ರ ಸಚಿವ ಅಶ್ವಿ‌ನಿ ವೈಷ್ಣವ್‌ ಹೇಳಿದ್ದಾರೆ.

2 ಯೋಜನೆ ಘೋಷಣೆ: ಆಂಧ್ರ ಪ್ರದೇಶದ ಹೊಸ ರಾಜಧಾನಿ ಅಮರಾ ವತಿಗೆ ಸಂಪರ್ಕ ಕಲ್ಪಿಸುವ 57 ಕಿ.ಮೀ. ಉದ್ದದ ರೈಲು ಯೋಜನೆ ಸೇರಿದಂತೆ 6798 ಕೋಟಿ ರೂ. ಮೌಲ್ಯದ ಯೋಜನೆಗೆ ಸಂಪುಟ ಒಪ್ಪಿಗೆ ನೀಡಿದೆ. ಈ ಯೋಜನೆಯ ಲಾಭವನ್ನು ತೆಲಂ ಗಾಣ ಮತ್ತು ಬಿಹಾರ ರಾಜ್ಯಗಳೂ ಪಡೆದುಕೊಳ್ಳಲಿವೆ. 2,245 ಕೋಟಿ ರೂ. ಮೊತ್ತದಲ್ಲಿ ರೈಲು ಯೋಜನೆ ಕೈಗೆತ್ತಿಕೊಳ್ಳಲಾಗುತ್ತದೆ. ಇದರ ಜತೆಗೆ 3.2 ಕಿ.ಮೀ. ಉದ್ದದ ಸೇತುವೆಯನ್ನು ನಿರ್ಮಾಣ ಮಾಡಲಾಗುತ್ತದೆ.