Hyderabad: ಯುಪಿ ವಿರುದ್ಧ ಗೆದ್ದ ಬೆಂಗಾಲ್‌

Team Udayavani, Oct 25, 2024, 9:31 AM IST

ಹೈದರಾಬಾದ್‌: ಇಲ್ಲಿನ ಗಚಿಬೌಲಿ ಮೈದಾನದಲ್ಲಿ ಗುರುವಾರ ನಡೆದ ಪ್ರೊ ಕಬಡ್ಡಿ ಲೀಗ್‌ (ಪಿಕೆಎಲ್‌) ಪಂದ್ಯದಲ್ಲಿ ಯುಪಿ ಯೋಧಾಸ್‌ ವಿರುದ್ಧ ಬೆಂಗಾಲ್‌ ವಾರಿಯರ್ ತಂಡ 32-29 ಅಂಕಗಳಿಂದ ರೋಚಕ ಜಯ ಗಳಿಸಿದೆ. ಇದು ಪಂದ್ಯಾವಳಿಯಲ್ಲಿ ಬೆಂಗಾಲ್‌ಗೆ ಸಿಕ್ಕ ಮೊದಲನೇ ಜಯವಾದರೆ, ಯುಪಿಗೆ ಎದುರಾದ ಮೊದಲನೇ ಸೋಲು.

ದಿನದ ಎರಡನೇ ಪಂದ್ಯದಲ್ಲಿಯು ಮುಂಬಾ ತಂಡವು ಗುಜರಾತ್‌ ಜೈಂಟ್ಸ್‌ ತಂಡವನ್ನು 33-27 ಅಂಕಗಳಿಂದ ಸೋಲಿಸಿದೆ.
ಮೊದಲ ಪಂದ್ಯದ ರೈಡಿಂಗ್‌ ವಿಚಾರದಲ್ಲಿ ಯುಪಿ ಮತ್ತು ಬೆಂಗಾಲ್‌ ಬಲಿಷ್ಠ ಪೈಪೋಟಿ ನೀಡಿದವು.

ಬೆಂಗಾಲ್‌ 20 ರೈಡಿಂಗ್‌ ಅಂಕ ಗೆದ್ದರೆ, ಯುಪಿ 21 ಅಂಕ ಗೆದ್ದಿತು. ಟ್ಯಾಕಲ್‌ನಲ್ಲಿ ಬೆಂಗಾಲ್‌ 9 ಅಂಕ ಜಯಿಸಿದರೆ, ಯುಪಿ 8 ಅಂಕ ಗೆದ್ದಿತು.

ಇಂದಿನ ಪಂದ್ಯ
1. ಪಾಟ್ನಾ ತಮಿಳ್‌
ಆರಂಭ: ರಾತ್ರಿ 8 ಗಂಟೆ

2. ಬೆಂಗಳೂರು ಪುನೇರಿ
ಆರಂಭ: ರಾತ್ರಿ 9 ಗಂಟೆ
ಪ್ರಸಾರ: ಸ್ಟಾರ್‌ ನ್ಪೋರ್ಟ್ಸ್

ಇಂದು ಬುಲ್ಸ್‌ಗೆ ಪುನೇರಿ ಸವಾಲ್‌
ಶುಕ್ರವಾರದ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್‌ ಮತ್ತು ಪುನೇರಿ ಪಲ್ಟಾನ್‌ ತಂಡಗಳು ಕಣಕ್ಕಿಳಿಯಲಿವೆ. ಈ ಪಂದ್ಯ ರಾತ್ರಿ 9ಕ್ಕೆ ಆರಂಭವಾಗಲಿದೆ. ಬೆಂಗಳೂರು ಬುಲ್ಸ್‌ ತಂಡ ಸದ್ಯ ಆಡಿರುವ 3 ಪಂದ್ಯಗಳಲ್ಲಿ ಸೋತು ನಿರಾಶೆ ಮೂಡಿಸಿದೆ.