Mirzapur The Film : ಸಿನಿಮಾವಾಗಿ ಬರಲಿದೆ ಸೂಪರ್‌ ಹಿಟ್‌ ʼಮಿರ್ಜಾಪುರ್‌ʼ ಸರಣಿ

Team Udayavani, Oct 28, 2024, 12:02 PM IST

 ಮುಂಬಯಿ: ಹಿಂದಿಯ ಸೂಪರ್‌ ಹಿಟ್‌ ವೆಬ್‌ ಸಿರೀಸ್‌ ʼಮಿರ್ಜಾಪುರ್‌ʼ (Mirzapur) ಸೀಸನ್‌ -3 ಇತ್ತೀಚೆಗೆ ರಿಲೀಸ್‌ ಆಗಿ ಸದ್ದು ಮಾಡಿತು. ʼಮಿರ್ಜಾಪುರ್‌ʼ ಸರಣಿಗೆ ಅಪಾರ ವೀಕ್ಷಕರ ಬಳಗವಿದೆ. ಇದುವರೆಗೆ ಬಂದಿರುವ ಮೂರು ಸೀಸನ್‌ ಗಳು ಕೂಡ ಅಮೇಜಾನ್‌ ಪ್ರೈಮ್‌ನಲ್ಲಿ ದೊಡ್ಡ ಹಿಟ್‌ ಆಗಿದೆ. ಇದೀಗ ʼಮಿರ್ಜಾಪುರ್‌ʼ ಸಿನಿಮಾವಾಗಿ ತೆರೆ ಮೇಲೆ ಬರಲಿದೆ.

ʼಮಿರ್ಜಾಪುರ್‌ʼ ಕ್ರೈಮ್‌ ಲೋಕದ ಕರಾಳ ಕಥೆ ಬಿಗ್‌ ಸ್ಕ್ರೀನ್‌ ನಲ್ಲಿ ಬರಲಿದೆ. ʼಮಿರ್ಜಾಪುರ್‌ʼ ಸಿನಿಮಾವಾಗಿ ಬರಲಿದೆ. ಇದನ್ನು ಅನೌನ್ಸ್‌ ಮಾಡಲು ಚಿತ್ರತಂಡ ಟೀಸರ್‌ ರಿಲೀಸ್‌ ಮಾಡಿದೆ.

ಇದನ್ನೂ ಓದಿ: Bellary: ಕನ್ನಡಿಗರಿಗೆ, ಯಶ್‌ ಅಭಿಮಾನಿಗಳಿಗೆ ಅವಮಾನ ಮಾಡಿಲ್ಲ: ಪುಷ್ಪ 2 ವಿತರಕ

ಪಂಕಜ್‌ ತ್ರಿಪಾಠಿ, ಅಲಿ ಫಜಲ್, ಅಭಿಷೇಕ್ ಬ್ಯಾನರ್ಜಿ, ದಿವ್ಯೆಂದು ತಮ್ಮ ಪಾತ್ರದಲ್ಲಿ ಬಂದು ʼಮಿರ್ಜಾಪುರ್‌ʼ ನೋಡಲು ಈ ಬಾರಿ ನೀವು ಥಿಯೇಟರ್‌ ಗೆ ಬರಬೇಕೆಂದು ಡೈಲಾಗ್ಸ್‌ ಗಳನ್ನು ಹೇಳಿದ್ದಾರೆ.

ನಿಮ್ಮ ಬಳಿ ʼಮಿರ್ಜಾಪುರ್‌ʼ ಬರಲ್ಲ, ನೀವು ʼಮಿರ್ಜಾಪುರ್‌ʼ ನೋಡಲು ಬರಬೇಕೆಂದು ಅಲಿ ಫಜಲ್‌ ಹೇಳಿದ್ದಾರೆ. ಹಿಂದಿ ಸಿನಿಮಾದ ಹೀರೋ ನಾನು, ಹಿಂದಿ ಸಿನಿಮಾ ನೋಡಲು ಥಿಯೇಟರ್‌ ಗೆ ಬರಬೇಕೆಂದು ದಿವ್ಯೆಂದು ಹೇಳಿದ್ದಾರೆ.

Ab bhaukaal bhi bada hoga, aur parda bhi. #MirzapurTheFilm, coming soon.@TripathiiPankaj #AliFazal @divyenndu @nowitsabhi @gurmmeet #PuneetKrishna @ritesh_sid @J10kassim @vishalrr #AbbasKhan @excelmovies @PrimeVideoIN pic.twitter.com/eWMuCvwSDb

— Farhan Akhtar (@FarOutAkhtar) October 28, 2024

2018 ರಲ್ಲಿ ʼಮಿರ್ಜಾಪುರ್ʼ ಮೊದಲ ಸೀಸನ್‌ ಬಂದಿತ್ತು. ಆರಂಭದಿಂದಲೇ ಭರ್ಜರಿ ವೀಕ್ಷಣೆ ಕಂಡಿದ್ದ ʼಮಿರ್ಜಾಪುರ್‌ʼ ಅಪರಾಧ ಜಗತ್ತಿನ ಭೀಕರತೆಯನ್ನು ತೆರದಿಟ್ಟಿತ್ತು. ಅಲಿ ಫಜಲ್ ಅವರ ʼಗುಡ್ಡು ಭಯ್ಯಾʼ ಹಾಗೂ ಪಂಕಜ್‌ ತ್ರಿಪಾಠಿ ಅವರ ʼಕಾಲೀನ್ ಭಯ್ಯಾʼ ಪಾತ್ರ ಅಪಾರ ಮಂದಿಯ ಗಮನ ಸೆಳೆದಿತ್ತು. ಈ ಪಾತ್ರದ ಬಳಿಕ ಅವರ ಅಭಿನಯಕ್ಕೆ ಬಹುತೇಕರು ಫಿದಾ ಆಗಿದ್ದರು. ಮೊದಲ ಸೀಸನ್‌ ಬಳಿಕ ಎರಡನೇ ಸೀಸನ್‌ ಗೆ ಬೇಡಿಕೆ ಹೆಚ್ಚಾಗಿತ್ತು. 2020 ರಲ್ಲಿ ಎರಡನೇ ಸೀಸನ್‌ ಬಂದಿತ್ತು. ಇದಾದ ಬಳಿಕ ನಾಲ್ಕು ವರ್ಷದ ಬಳಿಕ ಮೂರನೇ ಸೀಸನ್‌ ಇದೇ ವರ್ಷ ತೆರೆಕಂಡಿತು.

2026ಕ್ಕೆ ʼಮಿರ್ಜಾಪುರ್‌ʼ ಸಿನಿಮಾ ತೆರೆಗೆ ಬರಲಿದ್ದು, ಈ ಸಿನಿಮಾಕ್ಕೆ ಗುರ್ಮೀತ್ ಸಿಂಗ್ ಅವರ ನಿರ್ದೇಶನವಿರಲಿದೆ. ಪುನೀತ್ ಕೃಷ್ಣ ಕಥೆ ಬರೆದಿದ್ದಾರೆ. ಎಕ್ಸೆಲ್ ಎಂಟರ್‌ಟೈನ್‌ಮೆಂಟ್‌ ಬ್ಯಾನರ್‌ ನಲ್ಲಿ ರಿತೇಶ್ ಸಿಧ್ವಾನಿ ಮತ್ತು ಫರ್ಹಾನ್ ಅಖ್ತರ್ ಸಿನಿಮಾಕ್ಕೆ ಬಂಡವಾಳ ಹಾಕಲಿದ್ದಾರೆ.