New Delhi: 3 ವರ್ಷ ಕನಿಷ್ಠಕ್ಕೆ ದಿಲ್ಲಿಯಲ್ಲಿ ಗಾಳಿಯ ಗುಣಮಟ್ಟ ಸೂಚ್ಯಂಕ ಭಾರೀ ಕುಸಿತ

Team Udayavani, Nov 1, 2024, 10:12 AM IST

ಹೊಸದಿಲ್ಲಿ: ದೀಪಾವಳಿ ಸಂದರ್ಭದಲ್ಲಿಯೇ ನವ ದಿಲ್ಲಿಯ ಗಾಳಿಯ ಗುಣಮಟ್ಟ ಭಾರೀ ಪ್ರಮಾಣ ದಲ್ಲಿ ಕುಸಿದಿದೆ.

ಗುರುವಾರ ಬೆಳಗ್ಗಿನಿಂದಲೇ ರಾಷ್ಟ್ರ ರಾಜಧಾನಿಯ ಆನಂದ ವಿಹಾರ್‌ ಎಂಬಲ್ಲಿ ಗಾಳಿಯ ಗುಣಮಟ್ಟ (ಎಕ್ಯುಐ) ಸೂಚ್ಯಂಕ 419 ಆಗಿತ್ತು. ಕೇಂದ್ರ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿ ಈ ಬಗ್ಗೆ ಗುರುವಾರ ಮಾಹಿತಿ ಬಿಡುಗಡೆ ಮಾಡಿದೆ. ದೀಪಾವಳಿ ವೇಳೆಗೆ ಹೋಲಿಸಿದರೆ 3 ವರ್ಷದ ಕನಿಷ್ಠಕ್ಕೆ ಹೊಸದಿಲ್ಲಿಯ ಗಾಳಿಯ ಗುಣಮಟ್ಟ ಕುಸಿದಿದೆ.

2022ರಲ್ಲಿ ಎಕ್ಯುಐ 312 ಆಗಿತ್ತು. ಕಳೆದ ವರ್ಷದ ಬೆಳಕಿನ ಹಬ್ಬದ ವೇಳೆಗೆ ಇಲ್ಲಿ ಶುಭ್ರ ಆಕಾಶ, ಬೆಳಕು ಕಂಡುಬರುತ್ತಿತ್ತು. ದೆಹಲಿಯ ಸುತ್ತಮುತ್ತ ಸ್ಥಳಗಳಾಗಿರುವ ಘಾಜಿಯಾ ಬಾದ್‌, ಗುರುಗ್ರಾಮ, ಗ್ರೇಟರ್‌ ನೋಯ್ಡಾಗಳಲ್ಲಿ ಗಾಳಿಯ ಗುಣ ಮಟ್ಟ ಕೊಂಚ ಉತ್ತಮವಾಗಿದೆ.