Deepavali: ಮೊದಲ ಬಾರಿ ಚಿನ್ನ ಮೀರಿಸಿದ ಬೆಳ್ಳಿ ಖರೀದಿ

Team Udayavani, Nov 1, 2024, 12:15 PM IST

ಕಳೆದ ವರ್ಷ ದೀಪಾವಳಿ ವೇಳೆ 42 ಟನ್‌ ಚಿನ್ನ ಸೇಲ್‌

ಹೊಸದಿಲ್ಲಿ: ಭಾರತೀಯ ಆಭರಣ ಮಾರುಕಟ್ಟೆಯ ಇತಿಹಾಸದಲ್ಲಿ ಇದೇ ಮೊದಲಬಾರಿಗೆ ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಗ್ರಾಹಕರು ಚಿನ್ನಕ್ಕಿಂತ ಹೆಚ್ಚು ಬೆಳ್ಳಿ ಖರೀದಿ ಮಾಡಿದ್ದಾರೆ. ಕಳೆದ ವರ್ಷಕ್ಕಿಂತ ಶೇ.30ರಿಂದ ಶೇ.35ರಷ್ಟು ಹೆಚ್ಚು ಬೆಳ್ಳಿ ಈ ವರ್ಷ ಖರೀದಿಯಾಗಿದ್ದರೆ, ಚಿನ್ನ ಖರೀದಿ ಶೇ.15ರಷ್ಟು ಕಡಿಮೆಯಾಗಿದೆ. ಕಳೆದ ದೀಪಾವಳಿಗೆ ಹೋಲಿಸಿದರೆ ಬೆಳ್ಳಿ ಬೆಲೆಯಲ್ಲಿ ಶೇ. ಶೇ.40ರಷ್ಟು ಹೆಚ್ಚಳವಾಗಿದೆ. ಆದಾಗ್ಯೂ, ಚಿನ್ನದ ಬೆಲೆ ನಾಗಾಲೋಟ ಮುಂದುವರಿದಿ ರುವುದರಿಂದ ಜನರು ಬೆಳ್ಳಿ ಖರೀದಿ ಯತ್ತ ಮುಖ ಮಾಡಿದ್ದಾರೆನ್ನಲಾಗಿದೆ.

ಕಳೆದ ವರ್ಷ ದೀಪಾವಳಿ ವೇಳೆ 42 ಟನ್‌ ಚಿನ್ನ ಮಾರಾಟವಾಗಿತ್ತು. ಈ ವರ್ಷ ಇದು 35-36 ಟನ್‌ಗೆ ಇಳಿದಿದೆ. ಆದಾಗ್ಯೂ, ಚಿನ್ನದ ಬೆಲೆ ಕಳೆದ ವರ್ಷಕ್ಕಿಂತ ಶೇ.30ರಷ್ಟು ಹೆಚ್ಚಾಗಿ ರುವ ಹಿನ್ನೆಲೆಯಲ್ಲಿ ಲಾಭವೂ ಕಳೆದ ವರ್ಷಕ್ಕಿಂತ ಹೆಚ್ಚಿಗೆ ದಾಖಲಾಗಿದೆ. ಕಳೆದ ವರ್ಷ ಮಾರಾಟವಾಗಿದ್ದ ಚಿನ್ನದ ಮೌಲ್ಯ 25,000 ಕೋಟಿ ರೂ.ಗಳಾಗಿದ್ದರೆ, ಈ ಬಾರಿ ಬರೋಬ್ಬರಿ 28000 ಕೋಟಿ ರೂ. ಮೌಲ್ಯದ ಚಿನ್ನ ಮಾರಾಟವಾಗಿದೆ. ಏತನ್ಮಧ್ಯೆ ಬೆಂಗ ಳೂರಲ್ಲಿ ಗುರುವಾರ 10 ಗ್ರಾಂ ಚಿನ್ನದ ಬೆಲೆ 81,330 ರೂ.ಗೆ ತಲುಪಿದೆ.