Lawyer Jagadish: ಬಿಗ್ ಬಾಸ್ ಆಯಿತು ಈಗ ಡ್ಯಾನ್ಸ್ ಶೋಗೆ ಬಂದ ಜಗದೀಶ್!!

Team Udayavani, Nov 1, 2024, 10:13 PM IST

ಬೆಂಗಳೂರು: ಬಿಗ್ ಬಾಸ್ ಕನ್ನಡ (Bigg Boss Kannada-11)ದಲ್ಲಿ ಕರುನಾಡಿನ ಜನಮನ ಗೆದ್ದ ಲಾಯರ್ ಜಗದೀಶ್ (Lawyer Jagadish) ಮತ್ತೆ ಕಿರುತೆರೆಗೆ ಎಂಟ್ರಿ ಕೊಟ್ಟಿದ್ದಾರೆ.

ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಎರಡು ವಾರವಿದ್ದು ದೊಡ್ಮನೆಯಲ್ಲಿ ಮಹಿಳಾ ಸ್ಪರ್ಧಿಗಳ ಬಗ್ಗೆ ಅವಹೇಳನ ಕಾರಿಯಾಗಿ ಮಾತನಾಡಿದ ಆರೋಪದ ಮೇಲೆ ಆಚೆ ಬಂದ ಜಗದೀಶ್ ಮತ್ತೆ ಬಿಗ್ ಬಾಸ್ ಮನೆಗೆ ಬರಬೇಕೆನ್ನುವ ಕೂಗು ಅನೇಕ ವೀಕ್ಷಕರಲ್ಲಿ ಇಂದಿಗೂ ಇದೆ.

ಜಗದೀಶ್ ಮತ್ತೆ ಬಿಗ್ ಬಾಸ್ ಗೆ ಬರುತ್ತಾರೆ ಎನ್ನುವ ಚರ್ಚೆಯ ನಡುವೆಯೇ ಜಗದೀಶ್ ಜೀ ಕನ್ನಡದ ಜನಪ್ರಿಯ ಡ್ಯಾನ್ಸ್ ಶೋ, ‘ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್’ ನ ವೇದಿಕೆಯಲ್ಲಿ ಸಖತ್ ಆಗಿ ಹೆಜ್ಜೆ ಹಾಕಿದ್ದಾರೆ.

ಶಿವರಾಜ್ ಕುಮಾರ್, ವಿಜಯ್ ರಾಘವೇಂದ್ರ, ರಕ್ಷಿತಾ ಪ್ರೇಮ್ ಮುಂದೆ ಜಗದೀಶ್ ‘ಆನೆ ನಡೆದದ್ದೇ ದಾರಿ.. ಎನ್ನುವ ಹಾಡಿಗೆ ‘ ಸ್ಟೈಲಿಸ್ಟ್ ಆಗಿ ಎಂಟ್ರಿ ಆಗಿದ್ದಾರೆ.

ಡ್ಯಾನ್ಸ್ ಚೆನ್ನಾಗಿ ಮಾಡಿದ್ರಿ ಎಂದು ಶಿವಣ್ಣ ಜಗದೀಶ್ ಅವರಿಗೆ ಹೇಳಿದ್ದು, ರಕ್ಷಿತಾ ಅವರು ವೆಲ್ ಕಂ ಜಗದೀಶ್ ಎಂದಿದ್ದಾರೆ. ನಮ್ಮಂತವರು ಅವರ ಮುಂದೆ ನಿಂತಿರುವುದು ಅದೃಷ್ಟ. ರಕ್ಷಿತಾ ನಿಮ್ಮನ್ನು ನೋಡಿ ನಾನು ಶಾರುಖ್ ಖಾನ್ ಆಗಿದ್ದೇನೆ ಎಂದ ಜಗದೀಶ್, ಅನಿಸುತಿದೆ ಹಾಡಿಗೆ ಅನುಶ್ರೀ ಜತೆ ಡ್ಯಾನ್ಸ್ ಮಾಡಿದ್ದಾರೆ.ಶನಿವಾರ – ಭಾನುವಾರ ಈ ಸಂಚಿಕೆ ಪ್ರಸಾರವಾಗಲಿದೆ.

ಅಂದಹಾಗೆ ಬಿಗ್ ಬಾಸ್ ಮನೆಯ‌ ನಿಯಮ ಉಲ್ಲಂಘನೆ ಮಾಡಿದ್ದಕ್ಕಾಗಿ ರಂಜಿತ್, ಜಗದೀಶ್ ಅವರನ್ನು ಕಾರ್ಯಕ್ರಮದಿಂದ ಆಚೆ ಹಾಕಲಾಗಿತ್ತು.