Karavali: ಬಂದೂಕು ಹಿಡಿದು ಖಡಕ್‌ ಲುಕ್‌ ಕೊಟ್ಟ ರಮೇಶ್‌ ಇಂದಿರಾ

Team Udayavani, Nov 2, 2024, 2:51 PM IST

ಪ್ರಜ್ವಲ್‌ ದೇವರಾಜ್‌ ನಟನೆಯ ಹೊಸ ಚಿತ್ರ “ಕರಾವಳಿ’ಯ ಚಿತ್ರೀಕರಣ ನಡೆಯುತ್ತಿದೆ. ಈ ನಡುವೆಯೇ ತಂಡ ಚಿತ್ರದ ಹೊಸ ಪಾತ್ರವೊಂದರ ಪರಿಚಯ ಮಾಡಿದೆ. ಅದು ರಮೇಶ್‌ ಇಂದಿರಾ ಅವರದು.

ಈಗಗಾಲೇ ಕನ್ನಡದ ಅನೇಕ ಸಿನಿಮಾಗಳಲ್ಲಿ ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವ ರಮೇಶ್‌ “ಕರಾವಳಿ’ ಚಿತ್ರದಲ್ಲಿ ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ. ಬಿಡುಗಡೆಯಾಗಿರುವ ಲುಕ್‌ ಆಕರ್ಷಕವಾಗಿದೆ.

ಚಿತ್ರತಂಡ ಹೇಳುವಂತೆ ಇಡೀ ಕಂಬಳ ಪ್ರಪಂಚ ಇವರನ್ನು ಗೌರವಿಸುತ್ತೆ ಹಾಗೂ ಇಡೀ ಕರಾವಳಿಯೇ ಇವರೆಂದರೆ ಭಯ ಮತ್ತು ಭಕ್ತಿ. ಸದ್ಯ ರಿಲೀಸ್‌ ಆಗಿರುವ ರಮೇಶ್‌ ಇಂದಿರ ಅವರ ಪೋಸ್ಟರ್‌ ರಗಡ್‌ ಆಗಿ ಕಾಣಸಿಕೊಂಡಿದ್ದಾರೆ. ಗನ್‌ ಹಿಡಿದು ಕಾರ್‌ ಮೇಲೆ ಕುಳಿತು ಶೂಟ್‌ ಮಾಡುತ್ತಿರುವ ಪೋಸ್ಟರ್‌ ಬಿಡುಗಡೆ ಮಾಡಿದೆ ತಂಡ.

ಕರಾವಳಿಯ ದೊಡ್ಡವರಾಗಿ ಹಿಂದೆಂದೂ ಕಾಣದಂಥ ಪಾತ್ರದಲ್ಲಿ ರಮೇಶ್ ಇಂದಿರಾ ! pic.twitter.com/tjtGSN0upr

— Gurudatha (@gurudath_ganiga) November 1, 2024

ಅಂದಹಾಗೆ ಕರಾವಳಿ ಈಗಾಗಲೇ 60ರಷ್ಟು ಚಿತ್ರೀಕರಣ ಮುಗಿಸಿದೆ. ಸಿನಿಮಾದಲ್ಲಿ ಪ್ರಜ್ವಲ್‌ ಗೆ ನಾಯಕಿಯಾಗಿ ನಟಿ ಸಂಪದಾ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರಕ್ಕೆ ಗುರುದತ್‌ ಗಾಣಿಗ ಆಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಗುರುದತ್‌ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ 2ನೇ ಸಿನಿಮಾ ಇದಾಗಿದೆ. ಗಾಣಿಗ ಫಿಲಂಸ್‌ ಹಾಗೂ ವಿಕೆ ಫಿಲಂ ಸಹಯೋಗದಲ್ಲಿ ಈ ಚಿತ್ರ ನಿರ್ಮಾಣವಾಗುತ್ತಿದೆ.