BBK11: ಬೆನ್ನ ಹಿಂದೆ ನಡೆದ ಮಾತಿನ ಬಂಡವಾಳ ಬಹಿರಂಗ.. ಮೋಕ್ಷಿತಾ – ತ್ರಿವಿಕ್ರಮ್ ಟಾಕ್‌ ವಾರ್

Team Udayavani, Nov 4, 2024, 9:25 AM IST

ಬೆಂಗಳೂರು: ಬಿಗ್‌ಬಾಸ್‌ (Bigg Boss Kannada-11) ಮನೆ ಐದು ವಾರಗಳ ಆಟವನ್ನು ಕಂಡಿದೆ. ಈ ಐದು ವಾರಗಳಲ್ಲಿ ಕಣ್ಣಮುಂದೆ ಗಲಾಟೆ, ಬೆನ್ನ ಹಿಂದೆ ಚುಚ್ಚುಗಳ ಮಾತುಗಳ ಸಂಚು ನಡೆದಿದೆ.

ಆರನೇ ವಾರದತ್ತ ದೊಡ್ಮನೆ ಆಟ ಸಾಗುತ್ತಿದ್ದಂತೆ ಮನೆಮಂದಿಯ ಆಟದ ಶೈಲಿಯೂ ಬದಲಾವಣೆಯತ್ತ ಸಾಗುತ್ತಿದೆ. ಕಣ್ಣ ಮುಂದೆ ಸ್ನೇಹಿತರಂತಿದ್ದು, ಬೆನ್ನ ಹಿಂದೆ ಶತ್ರುಗಳಂತೆ ನುಡಿಯುವ ಮಾತಿನ ಬಂಡವಾಳವನ್ನು ಬಿಗ್‌ ಬಾಸ್‌ ಬಹಿರಂಗವಾಗಿಸಿದ್ದಾರೆ.

ಬೆನ್ನ ಹಿಂದೆ ಯಾರು ಯಾರ ಬಗ್ಗೆ ಏನೆಲ್ಲಾ ಮಾತನಾಡಿದ್ದಾರೆ ಅವೆಲ್ಲವೂ ಮನೆಯವರ ಮುಂದೆ ವಿಡಿಯೋ ಸಮೇತ ಪ್ರಸಾರ ಕಂಡಿದೆ.

ಶಿಶಿರ್‌ ಜತೆ ಕೂತಿರುವ ಐಶ್ವರ್ಯಾ ಭವ್ಯ ಅವರ ಕುರಿತು ಕಾಣಿಸ್ತಾ ಇದೆ ಅವಳಿಗೆ ಹೊಟ್ಟೆ ಕಿಚ್ಚು ಅಂದಿರುವ ಮಾತು ಭವ್ಯ ಅವರ ಮುಂದೆಯೇ ಪ್ಲೇ ಆಗಿದೆ. ಇದನ್ನು ಪ್ರಶ್ನೆ ಮಾಡಿರುವ ಭವ್ಯಳಿಗೆ ಐಶ್ವರ್ಯಾ ಸ್ಪಷ್ಟೀಕರಣ ನೀಡುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ.

ಸದಾ ಮಂಜು ಅವರ ಜತೆಗಿರುವ ಗೌತಮಿ, ಮೋಕ್ಷಿತ ಕುರಿತು ತ್ರಿವಿಕ್ರಮ್ ಒಂದು ಹಕ್ಕಿ ಹೊಡೆದರೆ ಎರಡು ಹಕ್ಕಿ ಫ್ರೀ. ಇನ್ನೊಂದು ಹಕ್ಕಿ ಆಟಕ್ಕುಂಟು ಲೆಕ್ಕಕಿಲ್ಲ ಎಂದಿರುವುದನ್ನು ತೋರಿಸಲಾಗಿದೆ.

ಇದನ್ನು ನೋಡಿದ ಮೋಕ್ಷಿತಾ ಅಕ್ಕ- ತಂಗಿಯರ ಜತೆ ಬೆಳೆದವರ ಹಕ್ಕಿ ಅಂಥ ಮಾತನಾಡುತ್ತಾರಾ ಯಾರಾದ್ರೂ ಅವರ ತನ ಏನೆಂದು ಇದು ತೋರಿಸುತ್ತದೆ. ಅತಿ ವಿನಯ ದೂರ್ತ ಲಕ್ಷಣಂ ಅಂಥರಲ್ಲ ಅದೇ ಇದು. ಗೋಮುಖ ವ್ಯಾಘ್ರ ಅಂಥ ಕೊಟ್ಟೆ ಅದಕ್ಕೆ ನಾನು ಖಂಡಿತ ಪಶ್ಚಾತ್ತಾಪ ಪಡಲ್ಲ ಎಂದು ಮೋಕ್ಷಿತಾ ತ್ರಿವಿಕ್ರಮ್ ಮೇಲೆ ಗರಂ ಆಗಿದ್ದಾರೆ.

ಹಿಂದೆ ನಡೆದದ್ದೆಲ್ಲಾ ಮುಂದೆ ನಡೆಯೋದಕ್ಕೆ ಕಾರಣವಾಗುತ್ತಾ?

ಬಿಗ್ ಬಾಸ್ ಕನ್ನಡ ಸೀಸನ್ 11 | ಸೋಮ-ಶುಕ್ರ ರಾತ್ರಿ 9:30#BiggBossKannada11 #BBK11 #HosaAdhyaya #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #colorfulstory #Kicchasudeepa pic.twitter.com/l8EU72t225

— Colors Kannada (@ColorsKannada) November 4, 2024

ಇಷ್ಟು ಹಾಗೇ ಇರಲಿಲ್ಲ ಇನ್ಮೇಲೆ ಹಾಗೆಯೇ ಇರುತ್ತೀನಿ ಎಂದು ಮೋಕ್ಷಿತಾ ಮಾತಿಗೆ ತ್ರಿವಿಕ್ರಮ್ ತಿರುಗೇಟು ನೀಡಿರುವುದನ್ನು ಪ್ರೋಮೊದಲ್ಲಿ ತೋರಿಸಲಾಗಿದೆ.

ಸೋಮವಾರ ರಾತ್ರಿ (ನ.4 ರಂದು) ಈ ಸಂಚಿಕೆ ಪ್ರಸಾರ ಕಾಣಲಿದೆ.