Devara OTT Release: ʼದೇವರʼ ಓಟಿಟಿ ಎಂಟ್ರಿಗೆ ಡೇಟ್‌ ಫಿಕ್ಸ್?‌ ಈ ದಿನವೇ ರಿಲೀಸ್?

Team Udayavani, Nov 4, 2024, 11:59 AM IST

ಹೈದರಾಬಾದ್:‌ ಜೂ.ಎನ್‌ಟಿಆರ್ (Jr NTR) ಅವರ ʼದೇವರʼ (Devara Part 1) ಸಿನಿಮಾ ಓಟಿಟಿಗೆ ಬರುವ ಕುರಿತ ಸುದ್ದಿಯೊಂದು ಟಾಲಿವುಡ್‌ ವಲಯದಲ್ಲಿ ಹರಿದಾಡಿದೆ.

ಸೆ.27 ರಂದು ರಿಲೀಸ್‌ ಆದ ಕೊರಟಾಲ ಶಿವ (Koratala Siva) ನಿರ್ದೇಶನದ ʼದೇವರʼ ಥಿಯೇಟರ್‌ನಲ್ಲಿ ಸಕ್ಸಸ್‌ ಫುಲ್‌ ಆಗಿ ಪ್ರದರ್ಶನ ಕಂಡಿತು. ವರ್ಲ್ಡ್‌ ವೈಡ್‌ ಸಿನಿಮಾಕ್ಕೆ ಸಖತ್‌ ರೆಸ್ಪಾನ್ಸ್‌ ವ್ಯಕ್ತವಾಗಿತ್ತು.

ವಿಶೇಷವಾಗಿ ತೆಲುಗು ರಾಜ್ಯಗಳಲ್ಲಿ ʼದೇವರʼ ಜೋರಾಗಿಯೇ ಅಬ್ಬರಿಸಿತು. ಇದುವರೆಗೆ 408 ಕೋಟಿ ರೂ. ಗಳಿಕೆಯನ್ನು ಸಿನಿಮಾ ಕಂಡಿದೆ. ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾದರೂ ಬಾಕ್ಸಾಫೀಸ್‌ನಲ್ಲಿ ʼದೇವರʼ ದೊಡ್ಡದಾಗಿಯೇ ಕಮಾಯಿ ಮಾಡಿದೆ.

ಇದೀಗ ಸಿನಿಮಾದ ಓಟಿಟಿ ರಿಲೀಸ್‌ ಬಗ್ಗೆ ಚರ್ಚೆ ಶುರುವಾಗಿದೆ. ಮೂಲಗಳ ಪ್ರಕಾರ ಇದೇ ನವೆಂಬರ್‌ 8ರಂದು ʼದೇವರʼ ನೆಟ್‌ಫ್ಲಿಕ್ಸ್‌ ನಲ್ಲಿ ಪಂಚಭಾಷೆಯಲ್ಲಿ ರಿಲೀಸ್‌ ಆಗಲಿದೆ ಎಂದು ʼಫಿಲ್ಮ್‌ ಫೇರ್‌ʼ ವರದಿ ಮಾಡಿದೆ.

ಈ ಬಗ್ಗೆ ಚಿತ್ರತಂಡ ಇನ್ನಷ್ಟೇ ಅಧಿಕೃತ ಮಾಹಿತಿ ನೀಡಬೇಕಿದೆ. ಇನ್ನು ʼದೇವರʼ ಸೀಕ್ವೆಲ್‌ ಬರಲಿದ್ದು, ಪಾರ್ಟ್-2‌ವಿನ ಕೆಲ ದೃಶ್ಯಗಳು ಈಗಾಗಲೇ ಚಿತ್ರೀಕರಣ ನಡೆದಿದೆ.

ಜಾಹ್ನವಿ ಕಪೂರ್, ಸೈಫ್ ಅಲಿ ಖಾನ್, ಶ್ರುತಿ ಮರಾಠೆ, ಜರೀನಾ ವಹಾಬ್, ಪ್ರಕಾಶ್ ರಾಜ್, ಶ್ರೀಕಾಂತ್, ಶೈನ್ ಟಾಮ್ ಚಾಕೊ, ಮುರಳಿ ಶರ್ಮಾ ಮುಂತಾದವರು ಸಿನಿಮಾದಲ್ಲಿ ನಟಿಸಿದ್ದಾರೆ.