Kasaragod; ಮಾನ್ಯ ಶ್ರೀ ಅಯ್ಯಪ್ಪ ಮಂದಿರದಿಂದ 6 ಲಕ್ಷ ರೂ ಬೆಳ್ಳಿಯ ಛಾಯಾಚಿತ್ರ ಕಳವು

Team Udayavani, Nov 4, 2024, 9:00 PM IST

ಮಾನ್ಯ ಶ್ರೀ ಅಯ್ಯಪ್ಪ ಮಂದಿರದಿಂದ 6 ಲಕ್ಷ ರೂ. ಗಳ ಬೆಳ್ಳಿಯ ಛಾಯಾಚಿತ್ರ ಕಳವು
ಕಾಸರಗೋಡು: ಮಾನ್ಯಶ್ರೀ ಅಯ್ಯಪ್ಪ ಭಜನಾ ಮಂದಿರದ ಬೀಗ ಮುರಿದು ಒಳ ನುಗ್ಗಿದ ಕಳ್ಳರು ಗರ್ಭಗುಡಿಯಲ್ಲಿದ್ದ ಶ್ರೀ ಅಯ್ಯಪ್ಪ ದೇವರ ಬೆಳ್ಳಿಯ ಛಾಯಾಚಿತ್ರ ಹಾಗು ಎರಡು ಕಾಣಿಕೆ ಹುಂಡಿಗಳಲ್ಲಿದ್ದ ಹಣವನ್ನು ಕಳವು ಮಾಡಿದ ಘಟನೆ ನಡೆದಿದೆ. ಬೆಳ್ಳಿಯ ಛಾಯಾಚಿತ್ರಕ್ಕೆ ಆರು ಲಕ್ಷ ರೂ. ಮೌಲ್ಯವಿದೆಯೆಂದು ಮಂದಿರ ಸಮಿತಿಯ ಪದಾಧಿಕಾರಿಗಳು ತಿಳಿಸಿದ್ದಾರೆ. ಬದಿಯಡ್ಕ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

ನೆಲ್ಲಿಕಟ್ಟೆ : ನಾರಾಯಣ ಗುರು ಮಂದಿರದಿಂದ ಕಳವು
ಕಾಸರಗೋಡು: ನೆಲ್ಲಿಕಟ್ಟೆ ಶ್ರೀ ನಾರಾಯಣಗುರು ಮಂದಿರದಿಂದ 25 ಸಾವಿರ ರೂ. ನಗದು, 2 ಕಾಣಿಕೆ ಹುಂಡಿಗಳಲ್ಲಿದ್ದ ಹಣವನ್ನು ಕಳವು ಮಾಡಲಾಗಿದೆ. ಮಂದಿರದ ಗರ್ಭಗುಡಿ ಹಾಗು ಕಚೇರಿ ಕೊಠಡಿಯ ಬೀಗ ಮುರಿದು ಒಳನುಗ್ಗಿ ಕಳವು ಮಾಡಲಾಗಿದೆ. ಬದಿಯಡ್ಕ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.

ಪೊಯಿನಾಚಿ : ಅಯ್ಯಪ್ಪ ಕ್ಷೇತ್ರದಿಂದ ಕಳವು
ಕಾಸರಗೋಡು: ಪೊಯಿನಾಚಿ ಶ್ರೀ ಅಯ್ಯಪ್ಪ ಕ್ಷೇತ್ರದಿಂದ 8 ಗ್ರಾಂ ಚಿನ್ನ ಹಾಗು ಸಿಸಿ ಟಿವಿಯ ಹಾರ್ಡ್‌ ಡಿಸ್ಕ್ ಕಳವು ಮಾಡಲಾಗಿದೆ. ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.

ಬಜಲಕರಿಯ : ಪ್ರಾರ್ಥನಾ ಮಂದಿರದಿಂದ ಕಳವು
ಮಂಜೇಶ್ವರ: ವರ್ಕಾಡಿ ಪಂಚಾಯತ್‌ನ ಬಜಲಕರಿಯದ ಬಾಲಯೇಸು ಪ್ರಾರ್ಥನಾ ಮಂದಿರದ ಬೀಗ ಮುರಿದು ಎರಡು ಕಾಣಿಕೆ ಹುಂಡಿಗಳಲ್ಲಿದ್ದ ಸುಮಾರು ಎರಡು ಸಾವಿರ ರೂ. ಕಳವು ಮಾಡಲಾಗಿದೆ. ಮಂಜೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.

ಪಾವಳ : ಕಾಣಿಕೆ ಹುಂಡಿ ಕಳವು
ಮಂಜೇಶ್ವರ: ವರ್ಕಾಡಿ ಗ್ರಾಮ ಪಂಚಾಯತ್‌ನ ಪಾವಳದ ಶ್ರೀ ಕೊರಗಜ್ಜ ಕಟ್ಟೆಯ ಕಾಣಿಕೆ ಹುಂಡಿಯಿಂದ ಸುಮಾರು ಎರಡು ಸಾವಿರ ರೂ. ಕಳವಾಗಿದೆ. ಮಂಜೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.

ಅಂಗಡಿಯಿಂದ ಕಳವು
ಮಂಜೇಶ್ವರ: ವರ್ಕಾಡಿ ಗ್ರಾಮ ಪಂಚಾಯತ್‌ನ ಮೂರುಗೋಳಿ ಸಮೀಪ ಪಾಡಿಯಲ್ಲಿ ಬಶೀರ್‌ ಅವರ ರಬಾ ಜನರಲ್‌ ಸ್ಟೋರ್‌ನ ಡ್ರವರ್‌ ಹಾಗು ಕಾಣಿಕೆ ಹುಂಡಿಯಿಂದ 10 ಸಾವಿರ ರೂ. ನಗದು ಹಾಗು ಮೊಬೈಲ್‌ ಫೋನ್‌ ಕಳವು ಮಾಡಲಾಗಿದೆ. ಮಂಜೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.