45 Movie: ಕರಾಟೆ ಗೊತ್ತುಂಟು, ಹತ್ತಿರ ಬಂದ್ರೆ ಜಾಗ್ರತೆ!

Team Udayavani, Nov 5, 2024, 2:41 PM IST

“45′ ಹೀಗೊಂದು ಸಿನಿಮಾ ಬರುತ್ತಿರುವುದರ ಬಗ್ಗೆ ನೀವು ಕೇಳಿರಬಹುದು. ಇಷ್ಟು ವರ್ಷ ಸಂಗೀತ ನಿರ್ದೇಶಕನಾಗಿ ಮಿಂಚಿರುವ ಅರ್ಜುನ್‌ ಜನ್ಯಾ ಮೊದಲ ಬಾರಿಗೆ ಚಿತ್ರದ ನಿರ್ದೇಶನ ಮಾಡಿದ್ದಾರೆ. ಅದೇ “45′.

ಶಿವರಾಜಕುಮಾರ್‌, ಉಪೇಂದ್ರ ಹಾಗೂ ರಾಜ್‌ ಬಿ. ಶೆಟ್ಟಿ ಚಿತ್ರದಲ್ಲಿ ಒಟ್ಟಾಗಿ ನಟಿಸಿರುವುದೇ ಈ ಸಿನಿಮಾದ ದೊಡ್ಡ ಹೈಲೈಟ್‌.

ಈಗಾಗಲೇ ಚಿತ್ರದಲ್ಲಿನ ಶಿವರಾಜಕುಮಾರ್‌ ಹಾಗೂ ಉಪೇಂದ್ರ ಅವರ ಫ‌ಸ್ಟ್‌ ಲುಕ್‌ ಬಿಡುಗಡೆಗೊಂಡು, ಪ್ರೇಕ್ಷಕರಲ್ಲಿ ಹೊಸ ನಿರೀಕ್ಷೆ ಹುಟ್ಟಿಸಿತ್ತು. ಸದ್ಯ ಚಿತ್ರತಂಡ ರಾಜ್‌ ಬಿ. ಶೆಟ್ಟಿ ಅವರ ಫ‌ಸ್ಟ್‌ ಲುಕ್‌ ಟೀಸರ್‌ ಬಿಡುಗಡೆಗೊಳಿಸಿದೆ.

“ಮೈಯೆಲ್ಲಾ ಮುಟ್ಟಲಿಕ್ಕೆ ನೋಡಬೇಡಿ, ಚಿಕ್ಕ ಇರ್ತಾ ನನ್ನ ಅಮ್ಮ ನನ್ನನ್ನ ಕರಾಟೆ ಕ್ಲಾಸ್‌ ಗೆ ಸೇರಿಸಿದ್ರು.. ಹತ್ತಿರ ಬಂದ್ರೆ ಜಾಗೃತೆ’ ಹೀಗೆ ಟೀಸರ್‌ನಲ್ಲಿ ಬರುವ ರಾಜ್‌ ಅವರ ಕಾಮಿಡಿ ಡೈಲಾಗ್‌ ಎಲ್ಲರನ್ನೂ ಆಕರ್ಷಿಸುತ್ತಿದೆ. ಇದು ಯಾವ ಬಗೆಯ ಸಿನಿಮಾ ಎಂಬ ಗೊಂದಲವಿದ್ದರೂ, ಮೂರು ಸ್ಟಾರ್‌ ನಟರು ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿರುವುದು, ದೊಡ್ಡ ಮನರಂಜನೆ ಎಂದು ಪ್ರೇಕ್ಷಕರು ಭಾವಿಸಿದ್ದಾರೆ. ಈಗಾಗಲೇ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ, ಪೊಸ್ಟ್‌ ಪ್ರೊಡಕ್ಷನ್‌ ಹಂತದಲ್ಲಿದೆ.

“45′ ಮುಂದಿನ ವರ್ಷಾರಂಭದಲ್ಲಿ ತೆರೆಗೆ ಬರುವ ನಿರೀಕ್ಷಿಯಿದೆ. ಈ ಚಿತ್ರವನ್ನು ರಮೇಶ್‌ ರೆಡ್ಡಿ ನಿರ್ಮಿಸಿದ್ದಾರೆ.