US Parliament Election: ಭಾರತ ಮೂಲದ 9 ಅಭ್ಯರ್ಥಿಗಳ ಅದೃಷ್ಟ ಪರೀಕ್ಷೆ

Team Udayavani, Nov 6, 2024, 5:56 AM IST

ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷೀಯ ಚುನಾವಣೆ ಜತೆಗೆ ಅಲ್ಲಿನ ಸಂಸತ್‌ ಕೆಳಮನೆ, ಹೌಸ್‌ ಆಫ್ ರೆಪ್ರಸೆಂಟೇಟಿವ್ಸ್‌ಗೆ 9 ಮಂದಿ ಭಾರತೀಯ-ಅಮೆರಿಕನ್‌ ಸಮುದಾಯದವರೂ ಸ್ಪರ್ಧಿಸಿದ್ದಾರೆ. ಈ ಪೈಕಿ ಐವರು ಪುನರಾಯ್ಕೆ ಬಯಸಿದ್ದಾರೆ.

ವರ್ಜೀನಿಯಾ ಮತ್ತು ಈಸ್ಟ್‌ ಕೋಸ್ಟ್‌ನಿಂದ ಸುಹಾಸ್‌ ಸುಬ್ರಹ್ಮಣ್ಯನ್‌ ಕಣಕ್ಕೆ ಇಳಿದಿದ್ದು, ಗೆದ್ದರೆ ಇತಿಹಾಸ ನಿರ್ಮಿಸಲಿದ್ದಾರೆ. ಸದ್ಯ ಅವರು ವರ್ಜೀನಿಯಾ ಪ್ರಾಂತ್ಯದ ಸೆನೆಟರ್‌. ವೃತ್ತಿಯಲ್ಲಿ ವೈದ್ಯರಾಗಿರುವ ಡಾ.ಆ್ಯಮಿ ಬೇರಾ ಕ್ಯಾಲಿಫೋರ್ನಿಯಾದಿಂದ, ಇಲಿನಾಯ್ಸನಿಂದ ರಾಜಾ ಕೃಷ್ಣಮೂರ್ತಿ, ಕ್ಯಾಲಿಫೋರ್ನಿಯಾದಿಂದ ರೋ ಖನ್ನಾ, ಮಿಚಿಗನ್‌ ಸಂಸದ ಶ್ರೀ ಥಾಣೆದಾರ್‌  ಪುನರಾಯ್ಕೆ ಬಯಸಿದ್ದಾರೆ.

ಅರಿಜೋನಾ ಪ್ರಾಂತ್ಯದ ಪ್ರತಿನಿಧಿಯಾಗಿದ್ದ ಡಾ.ಅಮಿಶ್‌ ಶಾ ಅವರು ಮೊದಲ ಬಾರಿಗೆ ಸಂಸತ್‌ನ ಅರಿಜೋನಾ ಕ್ಷೇತ್ರದಿಂದ ಸ್ಪರ್ಧಿಸುತ್ತಿದ್ದಾರೆ.  ನ್ಯೂಜೆರ್ಸಿಯಿಂದ ಡಾ.ರಾಕೇಶ್‌ ಮೋಹನ್‌, ಡಾ.ಪ್ರಶಾಂತ್‌ ರೆಡ್ಡಿ ಕನ್ಸಾಸ್‌ನಿಂದ, ವಾಷಿಂಗ್ಟನ್‌ನಿಂದ ಪ್ರಮೀಳಾ ಜಯಪಾಲ್‌ ಅದೃಷ್ಣ ಪರೀಕ್ಷೆಗೆ ಇಳಿದಿದ್ದಾರೆ.