Udupi: ಇಂದ್ರಾಳಿ ತೋಡಿನಲ್ಲಿ ಕಾರ್ಮಿಕನ ಶವ ಪತ್ತೆ

Team Udayavani, Nov 9, 2024, 8:22 PM IST

ಉಡುಪಿ: ಇಂದ್ರಾಳಿ ತೋಡಿನಲ್ಲಿ ಮೈಸೂರು ಮೂಲದ ಬೀದಿ ವ್ಯಾಪಾರಿ ನಂಜುಂಡ (49) ಎಂಬವರ ಶವ ಪತ್ತೆಯಾಗಿದೆ.

ನಗರದ ಮಿತ್ರ ಸಮಾಜ ಹೊಟೇಲ್‌ ಮುಂಭಾಗ ರಸ್ತೆ ಬದಿಯಲ್ಲಿ ನಂಜುಂಡರವರು ಪುತ್ರ ಚಂದನ್‌ ಜತೆ ವ್ಯಾಪಾರ ಮಾಡಿಕೊಂಡಿದ್ದರು. ನಂಜುಂಡ ಅವರು ಮದ್ಯ ಸೇವನೆ ಚಟ ಹೊಂದಿದ್ದು, ಜಾಂಡೀಸ್‌ ಖಾಯಿಲೆಯಿಂದ ಬಳಲುತ್ತಿದ್ದು, ಚಿಕಿತ್ಸೆ ಪಡೆಯುತ್ತಿದ್ದರು. ಪುತ್ರ ನ. 4ರಂದು ಕಾರವಾರಕ್ಕೆ ತೆರಳಿದ್ದು, ಮರುದಿನ ಮಧ್ಯಾಹ್ನ 12.43ಕ್ಕೆ ನಂಜುಂಡ ರವರಿಗೆ ಕರೆ ಮಾಡಿ ವ್ಯಾಪಾರದ ಬಗ್ಗೆ ವಿಚಾರಿಸಿದ್ದಾರೆ. ಬಳಿಕ ರಾತ್ರಿಯವರೆಗೂ ಕರೆ ಸ್ವೀಕರಿಸಿರಲಿಲ್ಲ. ನ. 7ರಂದು ಸ್ಥಳೀಯರು ಇಂದ್ರಾಳಿ ತೋಡಿನಲ್ಲಿ ಶವವಿರುವ ಬಗ್ಗೆ ಪೊಲೀಸರ ಗಮನಕ್ಕೆ ತಂದಿದ್ದು ಪೊಲೀಸರು ಪರಿಶೀಲನೆ ನಡೆಸಿದ ವೇಳೆ ಶವ ನಂಜುಂಡರದ್ದು ಎಂದು ತಿಳಿದು ಬಂದಿದೆ.

ಉಡುಪಿ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.